6 dixit ad eos : Audite sermones meos : si quis fuerit inter vos propheta Domini, in visione apparebo ei, vel per somnium loquar ad illum.

28 Et erit post hæc :

effundam spiritum meum super omnem carnem,

et prophetabunt filii vestri et filiæ vestræ :

senes vestri somnia somniabunt,

et juvenes vestri visiones videbunt.

14 Stans autem Petrus cum undecim, levavit vocem suam, et locutus est eis : Viri Judæi, et qui habitatis Jerusalem universi, hoc vobis notum sit, et auribus percipite verba mea. 15 Non enim, sicut vos æstimatis, hi ebrii sunt, cum sit hora diei tertia : 16 sed hoc est quod dictum est per prophetam Joël :

17 Et erit in novissimis diebus, dicit Dominus,

effundam de Spiritu meo super omnem carnem :

et prophetabunt filii vestri et filiæ vestræ,

et juvenes vestri visiones videbunt,

et seniores vestri somnia somniabunt.

17 Pueris autem his dedit Deus scientiam et disciplinam, in omni libro et sapientia : Danieli autem intelligentiam omnium visionum et somniorum.

26 Respondit rex, et dixit Danieli, cujus nomen erat Baltassar : Putasne vere potes mihi indicare somnium, quod vidi, et interpretationem ejus ? 27 Et respondens Daniel coram rege, ait : Mysterium, quod rex interrogat, sapientes, magi, arioli, et aruspices nequeunt indicare regi : 28 sed est Deus in cælo revelans mysteria, qui indicavit tibi, rex Nabuchodonosor, quæ ventura sunt in novissimis temporibus. Somnium tuum, et visiones capitis tui in cubili tuo hujuscemodi sunt.

8 Qui responderunt : Somnium vidimus, et non est qui interpretetur nobis. Dixitque ad eos Joseph : Numquid non Dei est interpretatio ? referte mihi quid videritis.

15 Cui ille ait : Vidi somnia, nec est qui edisserat : quæ audivi te sapientissime conjicere. 16 Respondit Joseph : Absque me Deus respondebit prospera Pharaoni.

20 Hæc autem eo cogitante, ecce angelus Domini apparuit in somnis ei, dicens : Joseph, fili David, noli timere accipere Mariam conjugem tuam : quod enim in ea natum est, de Spiritu Sancto est. 21 Pariet autem filium : et vocabis nomen ejus Jesum : ipse enim salvum faciet populum suum a peccatis eorum.

19 Sedente autem illo pro tribunali, misit ad eum uxor ejus, dicens : Nihil tibi, et justo illi : multa enim passa sum hodie per visum propter eum.

1 Canticum graduum Salomonis.

Nisi Dominus ædificaverit domum,

in vanum laboraverunt qui ædificant eam.

Nisi Dominus custodierit civitatem,

frustra vigilat qui custodit eam.

3 Revela Domino opera tua,

et dirigentur cogitationes tuæ.

21 Multæ cogitationes in corde viri ;

voluntas autem Domini permanebit.

1 Si surrexerit in medio tui prophetes, aut qui somnium vidisse se dicat, et prædixerit signum atque portentum, 2 et evenerit quod locutus est, et dixerit tibi : Eamus, et sequamur deos alienos quos ignoras, et serviamus eis : 3 non audies verba prophetæ illius aut somniatoris : quia tentat vos Dominus Deus vester, ut palam fiat utrum diligatis eum an non, in toto corde, et in tota anima vestra. 4 Dominum Deum vestrum sequimini, et ipsum timete, et mandata illius custodite, et audite vocem ejus : ipsi servietis, et ipsi adhærebitis.

25 Audivi quæ dixerunt prophetæ

prophetantes in nomine meo mendacium,

atque dicentes : Somniavi, somniavi.

26 Usquequo istud est in corde prophetarum vaticinantium mendacium,

et prophetantium seductiones cordis sui ?

32 Ecce ego ad prophetas somniantes mendacium, ait Dominus,

qui narraverunt ea, et seduxerunt populum meum

in mendacio suo et in miraculis suis,

cum ego non misissem eos, nec mandassem eis :

qui nihil profuerunt populo huic, dicit Dominus.

3 Si quid vovisti Deo,

ne moreris reddere :

displicet enim ei infidelis et stulta promissio,

sed quodcumque voveris redde :

7 Si videris calumnias egenorum, et violenta judicia,

et subverti justitiam in provincia,

non mireris super hoc negotio :

quia excelso excelsior est alius,

et super hos quoque eminentiores sunt alii ;