Tentação
A tentação faz parte da jornada cristã, mas Deus é fiel e não permite que sejamos tentados além do que podemos suportar. Em Cristo, temos poder para resistir e vencer.
A realidade da tentação
Jesus foi tentado em tudo como nós e compreende nossas lutas. A Bíblia nos ensina que a tentação não é pecado — o pecado está em ceder a ela.
I siragl pre nono tawano togwa yoba bitno moglkwa i, nono konbo kane kane mina yage sumnara i, ye pre kan ersre, nono mitno podo kaima goglkwa. Satan konbo kane kane mina nono kinano sumere mere yegl, ye okna kuno yegl mere Jisas kina sugwa ba Jisas tadaglme ta erekrukwa. Yegl pre Jisas nono siragl mere nomane sumga i, pre kan ere kodidre, nono mitno podo goglkwa.
ye dumo wau yomara suna i, ege 40-pela de moglko, Satan ye eran, kanagledi kina sugwa. Jisas ye ege 40-pela de i, kaya mokna mawagl erukwa pre ege i dudugo, ye kidan podo goglkwa.
Ana yoba ta tadaglme ye dem muduo mina pogglau boran, ye God di boglsre, God na tadaglme eratnedi erumiwe di, yegl ta dikrabuka paugwa. I siragl pre God moglkwa i, mabuno kide ta ye dem muduo mina pogglau boglkruko, te ye yoba swara ta mabuno kide erabedi erekrukwa.
I siragl pre ene pre kan erikwa i, yubun ugwa i, ene pre mediglkwa gigle dumo mo di, ere kanagledi ugwa ba ene ta yage sikribi, ene pre mediglkwa i, si gigle di togwa mere yegl paugwa.
O escape providenciado
Deus sempre providencia uma saída. Não precisamos cair, pois Ele nos dá forças para resistir e promete nos livrar da provação.
Ene pro! Tadaglme ta ene den mudn mina pogglau boran, ene ere mogl, tadaglme i na swara moglmara pogglau boglmedi prikro. Nono yoba munga i, kuno yegl keme munga. Nono yegl munga ba God ye ege ege ka dumara adigl moglsre, ake ple di noro moglkwa pre ye kanige eran, tadaglme ene si atne edekrabuka. Tadaglme ene den mudn mina pogglau borabuka ba God ege ege ene tadaglme ta ere dinatnedi konbauna si tenabuka.
Ana God yoba tau ka tage tedre, tau ere idre, erumara i mina nono pre pogl sinamga i, God ye yoba siragl mere ere inabuka ya ka tage tenabuka i, yene pre kan ere kodumedi pre pogl sinamga. Yoba ta God mabunomo duglo beglkwa i, ye yubun i dinaiglmedi ere yugwa ba yoba du ta moglkrikwa i, ye okuo kot mina adraiglmedi ka tage te moglkwa.
Te, ege mere yagl kide kigln koglmara magigl pi dinaiglmedi ersre,
Yagl kide no si dinabedi no ere yo
di, ene kamage yegl eraiglme dugwa.
Vigilância e resistência
A Palavra de Deus, a oração e a vigilância são nossas armas contra a tentação. Vigiar e orar é o conselho do próprio Jesus.
Yagl kide ene kinano si dinabedi kor mogl, kamage ere, ugl paikrio. Ene nomano mina wakai eramnedi prikwa ba ene ogono nagino mina yobuglno paikrumiwe dugwa.
Te, kugl mogo tau yage kan kagigle yaglkwa boglmara sime diga i, yoba tau God kamo prikwa ba ye erme mogl pai eraiglkwa i ya mige moni inaiglkwa i we di prisre, erme gun yenaiglkwa i pre i mitna edigwa pre kan kagigle yaglkwa i, kugl i atne edumere mere yegl, taragl i ye nomano mina kau sugo, ye mogo wakai ta koglkrikwa.
Ye ama yegl dugwa, Yoba deno muduno mina taragl ta pogglau boglko, nomano mina poglo di pre, mabuno erikwa ya ka digwa swara i, God gumuglo wagle yoba si deglbi yogwa. I siragl pre yoba nomane kide prikwa ya, kumugl abai mo yagl abu ta bogl kunogl neigwa ya, taragl kunogl neigwa ya, yoba si geglkwa ya, taragl bubuno geglkwa ya, mabuno kide kaima kane kane beglkwa ya, ka kibi digwa ya, taragl mane pamara nogugl erikwa ya, yoba kide pre teigwa ya, kenaglno sigwa ya, yene pre i mitna edigwa ya, nomane kide kane kane pamere erikwa i, yoba deno muduno mina padre, ede meda wigwa. Mabuno kide mudu i, yoba deno muduno mina yedre, ede meda ugo, ka kaima yoba si deglbi yeimiwe di, Jisas yegl dugwa.
Kaya mokna yubo siragl mere sudiglmere i, si yunaiglkwa
Agrama abarama wagle, agro mo abaro ta tadaglme mina yage sinan, ene tau Mudu Murubuglo duglo bogl moraiglkwa i, kiede moglsre, ye morabara pi aglke kor adrabedi erio. Ba ye tadaglmemo i mina ama yage si dinamnedi kan kun erio.
God yoba tadaglme eraiglmedi ake nu sikrukwa
Yoba ta yubun mina adigl gigledi morabuka i, ye gun yenabuka paugwa. I siragl pre ye wakai erukwa pre God ye wakai erumedi kandre, topo wakai tenabuka. Topo i, king bitno gagl mere yegl yogwa, kagie kor kaima meglkwa bitno gagl we digwa. Yoba ta deno muduno God teigwa i, God ye topo yegl tenagledi promis ere kodugwa.