Todo poderoso
Deus é Todo-Poderoso — onipotente, onisciente e onipresente. Nada está além do seu alcance, nada escapa ao seu conhecimento e nada foge ao seu controle soberano.
O poder soberano de Deus
O Senhor reina sobre todas as coisas. Desde a criação do universo até os detalhes da nossa vida, seu poder se manifesta de forma absoluta e inesgotável.
"O Ikiavɨra Itir God, nan Ekiam, nɨn gavgavir ekiamɨn, nɨ overiam ko nguazimɨn ingari. Nɨ bizitam damusɨ iburaghan kogham.
"Nɨ gan! Kɨ uabɨ kɨ Ikiavɨra Itir God, kɨ nguazir kamɨn gumazamiziba bar moghɨra men God. Kɨ bizitam damuan iburaghan kogham.
Dughiaba bar, Ikiavɨra Itir God bar ziar ekiam iti, e an ziar ekiam fɨ mamaghɨra ikiam.
E an gavgavim gɨfoghsɨ damuva avegham.
En nɨghnɨziba otefe.
Nɨ gavgavir bar ekiam ikia, ziar ekiam ikia, bar pɨn mar iti, nɨ bar faragha iti.
Bar guizbangɨra, overiam ko nguazimɨn itir bizir kaba bar nɨn biziba.
Kamaghɨn amizɨ, nɨ biziba bar dagh ativagha dar atrivir ekiam.
Nɨrara bar bizir aghuir avɨriba e ganɨdi.
Egha nɨrara biziba bar dagh atifa.
Nɨrara gavgavir ekiar kamɨn mɨngarim.
Nɨrara gumazamizibar amutɨ me gavgavigh ziar ekiaba iniam.
God nguazimɨn biziba bar dar ingarizir dughiamɨn ikegha, iza datɨrɨghɨn gumazamiziba bar a ingarizir bizibar gani. Tuavir kamɨn, gumazamiziba Godɨn arazir mogomer maba deravɨra dagh fogham. Egha me an arazir aghuibar mɨngarim ko an gavgavir bar ekiar zurara itim gɨfos. Kamaghɨn amizɨ, gumazitam o amizitam kamaghɨn mɨkɨman kogh suam, "Kɨ God gɨfozir puvatɨ, egha kɨ osɨmtɨziba puvatɨ." Ti puvatɨgham!
Nada é impossível para Deus
Para Deus não há impossíveis. O que parece inalcançável aos nossos olhos é plenamente realizável nas mãos do Todo-Poderoso.
Bizitam Godɨn aven kozir puvatɨ. Nɨn anabam Elisabet, a ghuri, egha a uaghan navim adai. Me ghaze, a navim asangan kogham, ezɨ an navir adasem datɨrɨghɨn iakɨnir 6plan tu."
A kamaghɨn God ko mɨgei, "O Ame, nan afeziam, bizitam bar nɨn osemezir puvatɨ. Kamaghɨn osɨmtɨzir kam, nɨ na dam a inigh. Nɨ nan ifongiamɨn gɨn mangan markɨ. Puvatɨ, nɨ uan ifongiamra gɨn mangɨ."
Ikiavɨra Itir God gumazir mabagh amizɨ me biziba puvatɨ,
egha marazi gamizɨ, me bizir avɨriba iti.
A gumazir mabagh amima, men ziaba bar iraghuegha bar vɨn iti.
A marazi gamizɨ, me ziar ekiam ikia bar pɨn iti.
Egha God nɨ bizir aven modoghav itir me fozir puvatɨziba men akakasi.
Ezɨ zurara angazangarim nɨn iti,
ezɨ nɨ mɨtatemɨn itir biziba, nɨ dagh fogha gɨfa.
O Rei eterno
Deus é o Rei eterno, imortal, invisível, único Deus sábio. Seu trono é desde a eternidade e seu reino não terá fim.
Ekiam, a Godɨn Gavgaviba Bar Itim, a kamaghɨn mɨgei, "Kɨrara kɨ faraghavɨra ikia, egh abuan ikɨvɨra ikiam." Kar Godɨn kamnangra, a datɨrɨghɨn ikia, fomɨra ikia, egh gɨn uamategh izam.
Ezɨ an Atrivir Zurara Itim. An oveghan kogham, ezɨ e gumazamiziba an ganighan kogham. A uabɨra bar guizbangɨn God. Kamaghɨn amizɨ, e zurazurara ziar ekiam a danɨng mamaghɨra ikɨ mɨkɨm suam, God nɨ bar ekevegha bar dera. Bar guizbangɨra.
Nguazir kam ko an itir biziba bar,
da bar Ikiavɨra Itir Godɨn bizibara.
Ezɨ nguazimɨn itir gumazamiziba bar
uaghan an bizibara.
O God, nɨ Ikiavɨra Itir Godɨn Gavgaviba Bar Itim,
nɨ uamategh e inigh izɨtɨ,
e ua dɨkavigh tuivigh fomɨra ikezɨ moghɨn ua ikiam.
Nɨ en boroghɨn ikɨtɨ, nɨn angazangarim e gisiraghtɨ, nɨ deragh e damu.
Egh en apangkuvigh en akuraghtɨ e ovengan kogham.
Refúgio no Todo-Poderoso
O poder de Deus é nosso abrigo. Em tempos de tempestade, podemos descansar na certeza de que Ele sustenta e protege os seus.
Gumazim, Godɨn Bar Pɨn Itim, deragh an gansɨ an a bagh mangɨtɨ,
God deragh an ganam.
A Godɨn Gavgaviba Bar Itimɨn boroghɨn ikɨtɨ,
God dughuazimɨn mɨn anevaragham.
Gumazir kam Ikiavɨra Godɨn mɨkɨm suam,
"Nɨ nan dɨvazir gavgavimɨn mɨn itima,
kɨ nɨn aven uabɨ moga deravɨra iti.
Nɨ nan God.
Kɨ nɨghnɨzir gavgavim nɨrara iti."
O Ikiavɨra Itir God, kɨ tɨghar mɨkɨmamin dughiam,
nɨ fogha gɨfa kɨ tizim mɨkɨmam.
Nan mɨgɨrɨgɨar abuananaba, ezɨ kɨ kamaghɨn mɨkɨmasa, ia Ekiamɨn poroghtɨ an gavgavir ekiam ia damutɨ ia tuivigh gavgavigham.
Guizbangɨra, Krais bar e gifonge, ezɨ nan nɨghnɨzir gavgavim kamakɨn, bizitam e damutɨ, e Krais e gifongezir arazimɨn saghon ikian kogham: Ovevem, o ikɨrɨmɨrir aghuim, o enselba, o duar kuraba, o gavgaviba itir biziba, o datɨrɨghɨn itir biziba, o bizir gɨn otivamiba, o bizir pɨn itiba, o bizir vazimɨn itiba, o God ingarizir biziba bar, dar tongɨn bizitam e damutɨ, e God e gifongezir arazimɨn saghon ikian kogham. An arazir e gifongezir kam, a Krais Iesus en Ekiamɨn ingangarimɨn, e ganɨngi.
Nan adarasi, ia guizbangɨra Godɨn boriba. Godɨn Duam ian aven itima, an gavgavim bar ekevegha Satanɨn gavgavim gafira. Satan, a nguazir kamɨn gavgavimɨn gumazir dapanim. Ezɨ kamaghɨn ia akam inigha izir gumazir ifaribagh afira.
"Kɨ deravɨra uan gumazamiziba ko nguazir nan mɨghsɨam avɨnizibar amuam. Egh amozir dughiamɨn, kɨ amozir avɨribar amutɨ da nguazim girɨ a damightɨ a bar deragham.