Trabalho
O trabalho é uma ordenança divina desde a criação. Deus colocou o homem no jardim para cultivar e guardar, revelando que o labor é parte do propósito humano e um meio de glorificá-lo.
Trabalho como vocação divina
Deus nos criou para trabalhar com propósito. O trabalho é expressão da imagem divina em nós e deve ser feito como para o Senhor.
ज़ुंण किछ़ बी तम्हैं करा, तेता करा तन मना संघै, इहअ समझ़ी कि अह निं मणछा लै लाई करी पर एता आसा हाम्हैं परमेशरा लै लागै दै करदै।
ज़ुंण किछ़ बी तम्हैं करा, तेता करा तन मना संघै, इहअ समझ़ी कि अह निं मणछा लै लाई करी पर एता आसा हाम्हैं परमेशरा लै लागै दै करदै। किल्हैकि तम्हां का आसा थोघ कि तम्हां भेटणअ एते बदल़ै प्रभू का खास फल, तम्हैं करा प्रभू मसीहे च़ाकरी।
बैणा करै या कामां करै ज़ुंण बी तम्हैं करा, सोभै करा प्रभू ईशूए नाओंए, अर प्रभू ईशू करै करा परमेशरो शूकर।
खुशी-खुशी रहा आपणअ च़ाकरी इहअ समझ़ी करदै लागी कि तम्हैं निं कहा मणछे च़ाकरी आथी लागै दै पर तम्हैं आसा प्रभूए च़ाकरी करदै लागै दै। किल्हैकि तम्हां का आसा थोघ कि च़ाहे सह गलाम होए या आज़ाद, ज़ुंण बी शोभलअ काम करे तेऊ भेटणअ प्रभू का तेतो तिहअ ई फल।
एतो ज़बाब आसा इहअ कि च़ाऐ खाआ, च़ाऐ पिआ, च़ाऐ किछ़ बी करा सह लोल़ी परमेशरे प्रतप्पा लै हुअ।
एते तैणीं बोला हुंह ए मेरै पैरै भाईओ, विश्वासा दी रहा पाक्कै अर गलत शिक्षा करै निं कबाता पेठी, ज़ुंण बी तम्हैं प्रभू लै करा परमेशरा दैणअ तम्हां लै तेतो फल।
ज़ुंण बी काम तम्हैं करा तेऊ करा झ़ूरी संघै।
Diligência e recompensa
A mão diligente enriquece, mas a preguiça traz pobreza. A Bíblia valoriza o esforço honesto, dedicado e perseverante em toda obra.
ज़हा कामां लै ज़ैंईं लागा, सह हआ दाल़जी
पर ज़ुंण मैन्थ करा सह हआ सेठ।
मैन्थ करनै आल़ै मणछ करा राज़,
पर ज़ैऊंकर मणछा लागा लोगे गलामी करनी।
मैन्थ करनै आल़ै मणछ करा राज़,
पर ज़ैऊंकर मणछा लागा लोगे गलामी करनी।
ज़ै तम्हैं मैन्थ करे, तेता करै हआ सदा नफअ ई,
पर बृथा गल्ला दी बगत ज़ांऐं करी एछा गरीबी।
आरो दल़िदरीओ, इना गल्ला शिखल़ा चिटा का,
तिन्नों काम-काज़ भाल़ी करा अक्ल,
चिटो नां कुंण राज़अ हंदअ
अर नां तिन्नां का कामां कराऊंदअ मेट हंदअ!
तैबी झाल़ा तिंयां ज़ेठै-शाहल़े गरमीं दी आप्पू लै ज़िणस
ताकि हिंऊंदै तिन्नां का खाणां लै होए।
दल़िदरीओ, तम्हां केभै तैणीं रहणअ लाम्मै पल़ी?
तम्हां केभै तैणीं रहणअ निंजा सुत्ती?
दल़िदरी सोठा इहअ, "थोल़ी घल़ी लऊं होर सुत्ती,
अज़ी लणअ हिक्का प्रैंदै हाथ दोछ़ी सुत्ती!
एक सताअ लणअ निंजो होर दैई!"
सुत्ती रहणैंओ थोघ लागणअ तेऊ का तेभै
ज़ांऊं गरीबी तेऊ पिछ़ू छ़ूरी पाई च़ोरा ज़ेही पल़णीं।
कामां लै ज़ैंईं करनै आल़अ मणछ हआ
खरोल़ पाणै आल़ै मणछा ज़िहअ।
ज़ुंण निंजा लै खास्सअ झ़ूरा, तेऊ पल़ा दाल़ज,
ज़ुंण कामां दी रहा लागी, तेऊ निं खाणां लै निऊल़ हंदी।
धोखै करै खटअ द धन हआ खतम बी छ़ेक्कै,
पर ज़ेथ मैन्थ हुई लागी दी, सह रहा बढदअ लागी।
सह आसा बिधाते बर्गत ज़ुंण मणछा सेठ बणाआं,
थारी आपणीं मैन्था करै निं तम्हैं सेठ हंदै।
Planejamento e excelência
A excelência no trabalho honra a Deus. Devemos nos dedicar com competência, entregar nossos planos ao Senhor e buscar o melhor em cada tarefa.
सोभै गल्ला छ़ाडा बिधाता सेटा,
तेऊ करनी थारी गल्ला सफल।
सोभै गल्ला छ़ाडा बिधाता सेटा,
तेऊ करनी थारी गल्ला सफल।
ज़ुंण मणछ कामां-काज़ा लै सज़ाण अर छ़ल़ैघ आसा,
सह करा राज़ै सेटा काम,
इहअ मणछ निं गलाम हंदअ।
खास्सी मैन्थ कर ताकि तूह आप्पू परमेशरा सेटा पेश करी सके अर परमेशर ताह करै खुश होए। तूह कर बधिया मिस्त्री ज़िहअ काम ज़हा शर्मिंदअ नां हणअ पल़े अर ज़ुंण शुचै बैणा ठीक ज़ाणा खोज़ी।
खास्सी मैन्थ कर ताकि तूह आप्पू परमेशरा सेटा पेश करी सके अर परमेशर ताह करै खुश होए। तूह कर बधिया मिस्त्री ज़िहअ काम ज़हा शर्मिंदअ नां हणअ पल़े अर ज़ुंण शुचै बैणा ठीक ज़ाणा खोज़ी।
सारअ पबित्र शास्त्र आसा परमेशरो बैण ज़ुंण परमेशरै तिन्नें मन्नैं पाअ ज़ुंणी अह लिखअ, हाम्हैं सका एता करै लोगा का परमेशरो सत्त सखाऊई, तिन्नां मणछा सखाऊई ज़ुंण गलत करा, एता करै लागा हाम्हां का थोघ कि म्हारी ज़िन्दगी दी किज़ै गलती आसा अर धर्मीं ज़िन्दगी किहअ करै लागा ज़िऊंणीं। ताकि परमेशरो मणछ सज़ाण होए अर सोभै भलै काम करी सके।
तम्हां ज़िहअ बी काम करे, तेथ करनी खास्सी मैन्थ। ज़िधा लै तम्हां मरी करै डेऊणअ, तेथ निं तेखअ किछ़ै काम हंदअ, नां सोठ हंदी, नां ज्ञैन, नां थारी अक्ल अर नां थारअ सज़ाण हणैंओ कोई मतलब आथी।
कोई बी कामां करना लै नां हठल़दै लागणअ अर नां किज़ै खरी खोज़णीं। ताकि तम्हैं शुचै अर पबित्र हई उंबल़ै अर हठू लोगा मांझ़ै परमेशरे बेदाग लुआद बणी रहे। ज़हा मांझ़ै तम्हैं सदा रहणैं आल़ी ज़िन्दगीओ बैण लई एऊ संसारै ज़ल़दै सदीऐ ज़िहै शुझिए।
O contentamento no trabalho
Deus nos dá a capacidade de desfrutar do nosso trabalho. Poder comer, beber e encontrar satisfação em nosso labor é um dom divino.
मुखा ज़ाण्हुंअ इहअ कि मणछा लै निं भलाई करी राज्ज़ी-मौज़ी ज़िन्दगी ज़िऊंणै का सुआई किछ़ै राम्बल़अ आथी, मुखा इहअ बी ज़ाण्हुंअ कि सोभी लागा खाई-पिई अर आपणैं कामां दी राज्ज़ी-मौज़ी नंद रहणअ, ईंयां ई आसा तिंयां च़िज़ा ज़ुंण परमेशर हाम्हां मणछा लै दैआ।
मंऐं काढअ एतो नचोल़ इहअ कि हाम्हां लै आसा भलअ इहअ ई कि बिधाता दैनी दी ऐहा धख ज़ेही ज़िन्दगी रहणअ हाम्हां आपणैं कामां दी मगन अर खाई-पिई राज्ज़ी-मौज़ी किल्हैकि म्हारअ नसीब आसा अह ई।
ज़ै बिधाता कहा लै धन अर ज़ैदात दैए, सह डाहा तेऊ तेता भोगणा लै ताज़ै-नरोगै बी। तै आसा भलअ इहअ कि मणछ मैन्थ करना लै मगन रहे। अह आसा हाम्हां लै बिधातो दान।
कल्ही रहणैं का हआ दूई ज़ण्हैं भलै किल्हैकि तिंयां सका सफल हणां लै एकी दुजे मज़त करी।
कई हआ संसारै पठी कल्ही, तिन्नें नां लुआद हंदी, नां भाई-बैहणी हंदी! तज़ी बी रहा तिंयां खास्सी मैन्थ करदै लागी, तिन्नें आछी निं धन-माया करै केही रज़दी! तिंयां निं इहअ बी सोठदै, "म्हारी अह एतरी हम्या किज़ू लै आसा? हाम्हैं कहा लै आसा धन-माया कठा करदै लागै दै?" अह गल्ल बी आसा बृथा अर थोघै बाझ़ी दुखी ज़िन्दगी ज़िऊंणीं!
तेखअ भाल़अ मंऐं इहअ कि लोग करा साथी-संघीए मांणै आप्पू सफल हणां लै खास्सी मैन्थ! अह गल्ल बी ज़ाण्हुंई मुखा बृथा ई, ज़िहअ बागरी पिछ़ू पल़णअ बृथा हआ।
A responsabilidade cristã
O cristão deve trabalhar com suas próprias mãos, viver dignamente e ser exemplo de dedicação. Quem não trabalha, não coma.
ज़धू हाम्हैं तम्हां सेटा तै तधू रहा तै हाम्हैं तम्हां लै इहअ बोल्दै लागी, "ज़ै कुंण काम नांईं करनअ च़ाहंदअ, सह निं खाई बी आथी।" हाम्हैं शूणअ इहअ बी कि कई लोग आसा तम्हां मांझ़ै इहै बी ज़ुंण आप्पू किछ़ै काम निं करदै, पर होरीए कामां दी पाआ खरोल़। इहै लै दैआ हाम्हैं प्रभू ईशू दी हुकम अर तिन्नां समझ़ाऊआ कि च़ुप्प-च़ुप्पै खाआ आपणैं ढब्बै खटी करै रोटी।
ज़िहअ हाम्हैं तम्हां लै हुकम आसा दैनअ द, तिहै ई रहा च़ुप्प-च़ुप्पै आपणैं काम-काज़ करदै अर आपणैं-आपणैं हाथै रहा खटदै लागी। बागै होरी लोगा मांझ़ै बी लोल़ी थारअ शोभलअ बर्ताअ हुअ ताकि तिंयां बी थारअ अदर करे अर तम्हां निं किछ़ू गल्ले काम्मी लोल़ी रही कि तम्हैं होरीए भरोस्सै रहे।
च़ोरी करनै आल़अ निं ऐबै भिई च़ोरी करी पर भलै कामां करना लै लागै आपणैं हाथै खटदअ एते तैणीं लागी कि, ज़ै कहा ज़रुरत होए, तेभै लोल़ी तेऊ का किज़ै दैणा लै हुअ।
परमेशरो जश सका तम्हां लै सोभ गल्ला थारी ज़रुरती का बी खास्सअ दैई, ज़ेता करै तम्हां लै हर गल्ल हर बगत ज़ुंण तम्हां ज़रूरी आसा सह तम्हां सेटा रही सके अर हर भलै कामां करना लै सका तम्हां सेटा सोभ गल्ला हई।
तैही आसा परमेशरे लोगा लै अज़ी बी एक ज़ैगा बणाईं दी ज़िधी तिन्नां पूरअ बशैघ करनअ। तिन्नां करनअ तिहअ बशैघ ज़िहअ परमेशर सातुई धैल़ी बशैघ करा। परमेशरै किअ आपणैं सोभ काम करी बशैघ। इहअ ई हणअ तिन्नां सोभी लै बी ज़ुंण परमेशरा संघै बशैघा दी डेओआ। तिन्नां बी करनअ बशैघ ज़ेभै तिंयां आपणअ काम पूरअ करे।
ए म्हारै मालक, हाम्हां लै लोल़ी तेरी बर्गत हुई।
हाम्हां कर हर कामां दी सफल।
"सरगै डैऊंदै च़ेल्लू-पखीरू भाल़ा! तिंयां नां बऊंदै, नां लऊंदै आथी, अर नां तिंयां भढारा भरना लै कठा करदै। तैबी दैआ थारअ स्वर्गै रहणैं आल़अ बाब परमेशर तिन्नां लै खाणअ-पिणअ। तम्हैं कै तिन्नां का खास्सै किम्मती निं आथी?
ज़ै तम्हैं हर बगत भली गल्ला करने कोशिश करे, तै निं कोही लाऐ तम्हैं च़िक्की।
"हुंह खोज़ा तम्हां का सत्त कि ज़ुंण मुंह दी विश्वास करा, तेऊ करनै तिंयां सारै काम ज़ुंण हुंह करा, ईंयां; हुऐ पर तेऊ करनै एता का बी बडै-बडै काम, किल्हैकि हुंह च़ाल्लअ ऐबै बाब सेटा लै डेऊई।
पर हुंह निं आपणैं प्राणा किछ़ै समझ़दअ कि झ़ूरी करूं, पर इहअ कि आपणीं ठुहर अर च़ाकरी पूरी करूं, ज़ुंण मुंह परमेशरे जशे खुशीए समादे शाजत दैणा लै प्रभू ईशू का आसा भेटी दी।
तैही बोला हुंह कि तम्हैं डाहै आपणअ धैन कि तम्हां इहै मणछ कबाता नां पाए ताकि ज़ुंण मैन्थ हाम्हैं सोभी आसा किई दी, तेता निं बरैबाद दैई हणैं। पर तम्हां जाणीं तिंयां सोभै बर्गता भेटी ज़ेता दैणें परमेशरै ज़बान आसा दैनी दी।