17 जेबे तार्मिक माणूं दुहाई देओए तेबे प्रभु सुणोआ

ओर तिना खे सबी मुसीबता ते बचाओआ।

18 प्रभु पश्चाताप करने वाल़ेया री सुणने ओर मताद करने रिया तँईं त्यार रओआ

ओर दु:खी आत्मा वाल़े माणूंए खे बचाओआ।

8 यहोवा अन्देया खे आखी देओआ।

से तिना खे ऊबे चकोआ जो रूड़ी गे रे,

यहोवा तर्मिया साथे प्यार राखोआ।

9 ओ प्रभु, मेरी सारी इच्छा तेरे सामणे ए,

ओर मेरा कणना तांते छिपी नि रया।

4 धन्य ए सेयो, जो शोग करोए,

कऊँकि परमेशरो तिना खे शान्ति देणी।

5 "वापस ऊई की यहूदा री प्रजा रे परदान हिजकिय्याह खे बोल कि तेरे मूल़ मर्द दाऊदो रा यहोवा परमेशर ईंयाँ बोलोआ कि मैं तेरी प्रार्थना सुणी ओर तेरे आसू देखी राखे; देख, आऊँ ताखे ठीक करूँआ, तूँ परसु यहोवे रे मन्दरो रे जाई सकणा।

5 यहोवे रा गुस्सा तो थोड़ी जी देरा रा ओआ,

पर तेसरी दया जिन्दगी परो री ओई।

जे कदी राती रोणा पड़ो,

पर प्यागा खुशी मिलणी।

3 तेबे मैं सिंहासनो ते कोई जोरे की ये बोलदे ऊए सुणेया कि देख, परमेशरो रा डेरा माणूंआ बीचे ए, तेस तिना साथे डेरा करना, सेयो तेसरे लोक ऊणे, परमेशर आपू तिना साथे रणा और तिना रा परमेशर ऊणा। 4 तेस तिना री आखी ते सारे आसू टूसणे, इजी ते बाद मौत नि रणी, ना शोग, ना बिलाप, ना पीड़ रणी, पईलकिया गल्ला चली गिया।

16 सेयो फेर पूखे-त्याये नि ऊणे

और ना ई तिना पाँदे तूप

और ना ई कोई तपन पड़नी।

17 कऊँकि मिन्टू, जो सिंहासनो रे बीचे ए,

तेस तिना री रखवाल़ी करनी

और सेयो जीवनरूपी सूबल़ा रे नेड़े लयी जाणे

और परमेशरे तिना री आखी ते सारे आसू टूसी देणे।"

10 शोग करने वाल़ेया जेड़े ए, पर सदा खुशी मनाऊँए, आसे आपू कंगाल़ ए, पर बऊत जणेया खे आत्मिकता दे अमीर बणाई देऊँए, आसे एड़े ए, जेड़ा आसा गे कुछ निए तेबे बी सब कुछ राखोए।

7 आपणी सारी चिन्ता तेस पाँदे ई सेटी देओ, कऊँकि से तुसा रा त्यान राखोआ।

8 ओर तांते आगे-आगे चलणे वाल़ा यहोवा ए, से तां साथे रणा ओर तेस ताखे आसरा देणा ओर ना तूँ छाडणा, इजी री खातर डर नि ओर ना नराश ओ।"*

15 खुशी करने वाल़ेया साथे खुशी करो और रोणे वाल़ेया साथे रोओ।

12 तेबे बी, यहोवे री ये बाणी ए, "यबु बी सुणो, बअरतो साथे रोंदे-पीटदे ओर करलांदे आपणे पूरे पापा ते मन फिरी की मांगे आओ।

12 अंगूरा री बेल सूकी गी ओर दाऊगल़ेया रे डाल़ मुरझाणे लगी रे। अनार, खजूर, सेऊ, बल्कि मैदानो रे सारे डाल़ सूकी गे रे ओर लोका बीचे खुशी खत्म ऊईगी दी ए।

20 तेबे अय्यूब उठेया ओर तिने शोक प्रकट करने रिया तँईं आपणा चोगा फाड़ेया ओर आपणे सिरो रे बाल़ कटवाई की जमीना दे पड़ेया ओर माथा टेकी की परमेशरो री आराधना करी की बोलेया,* 21 आऊँ आपणियां माया रे पेटो ते खाली आथे आई रा ओर खाली आथे ई मरी जाणा; यहोवे दित्तेया ओर यहोवे ई लई ला, यहोवे रा नाओं तन्य ए।*

1 बच्चेया रा अक्लमंद ऊणे ते तिना रे बाओ खे खुशी मिलोई,

पर मूर्ख बच्चेया रिया बजा ते तिना रिया माया खे दु:ख ओआ।

18 आऊँ जितणा जादा बुद्धिमान बणेया, तिथणा ई जादा आऊँ परेशान बी ऊआ। जितणिया जादा चीजा री जानकारी मैं लई, तिथणा ई जादा आऊँ दु:खी ऊआ।

10 आपणे आपू खे सबी चिन्ता ओर दु:ख दर्दो ते दूर राख, कऊँकि जवानिया रे लक्षण बऊत ई छोड़ राची जाओए।

30 परमेशरो रे पवित्र आत्मा खे आपणे बुरे चाल-चलणो ते दु:ख नि देओ, जेतेरे जरिए तुसा खे छुटकारे रे दिनो खे छाप देई राखी।