17 ጺሎቲ ዋሴቴስ፤

ጎዳይ ኢስታ ዋሶ ሲዬስ፤

ኢዚካ ኢስታ ሜቶ

ኡባፌ ኣሼስ።

18 ጎዳይ ዎዚናይ ሜቂዳይታስ

ማታን ዴስ፤

ቃሴ ሂዶታ ቃንጺዳይታካ

ኣሼስ።*

8 ጎዳይ ቆቄታ ጼሊሴስ።

ጎዳይ ኩንዲዳይታ ዴንስ፤

ጎዳይ ጺሎታካ ሲቄስ።

9 ኣቤት ጎዳዉ!

ታ ኣሞ ኡባ ኔ ኤራሳ፤

ታኒ ጬጪዛይሲ

ኔፔ ጌሚቤና።

4 ቃቲዛይቲ ኣንጄቲዳይታ፥

ኣይስ ጊኮ ኢስቲ ሚኔታና።✝

5 «ኔኒ ጉዬ ሲማዳ ታ ዴሬዛ ሃላቃ ሂዝቂያሳስ፥ ‹ካሴ ጎዳይ ኔ ኣዋ ዳዊቴ ጾሳይ ታ ኔ ዎሳ ሲያዲስ፤ ኔ ኣፉንካ ቤያዲስ፤ ታኒ ኔና ፓና። ሃቺፌ ዶሚን ሄ ጋላሳታፌ ጉዬ ኔኒ ፑዴ ጎዳ ኬ ኬዛና።

5 ኢዛ ሃንቆይ ጉ ዎዴሳ፥

ጊዶ ኣቲን ኢዛ ኪያቴ

ዴኦ ላይ ኡባሳ፤

ኦማርስ ዬኪሼ ኣቂኮካ

ማላዶ ዛዋይ

ባይንዳ ኡፋይስ ጊዴስ።

3 ኣልጋዛፔ፥ «ሄኮ ጾሳ ኣቆሶይ ኣሳራ ዴስ፤ ኢዚ ኢስታራ ዳና፤ ኢስቲካ ኢዛ ዴሬታ ጊዳና፤ ጾሲ ባ ቦንቾን ኢስታራ ኢሲፌ ጊዳና፤ ኢዚ ኢስታ ጾስ ጊዳና።✝ 4 ኢዚ ኢስታ ኣይፌፔ ኣፉን ኡባ ቁጫና፤ ካሴ ዎጋይ ኣዳ ጊሻስ ሃይቆይ ዎይኮ ሙዞቴ ዎይኮ ዬሆይ ዎይኮ ዋዬይ ሃይሳፌ ጉዬ ዴና» ጊዛ ጊታ ቃላይ ኬዚሺን ታኒ ሲያዲስ።✝

16 ሃይሳፌ ጉዬ ኢስቲ ጋፌቴና፤ ሳሞቴቴና፤ ኣርሼ ሴላይካ ኢስታ ቦቼናኔ ሆምቤይካ ኢስታ ሆምቤና።✝ 17 ኣልጋዛስ ጊዶ ኣዳን ኡቲዳ ዶርሳይ ኢስታ ሄሚዛዴ ጊዳና፤ ኢስታካ ጌዴ ዴኦ ሃ ፑልቶይ ዲዛሶ ካሌና፤ ጾሲ ኢስታ ኣይፌፔ ኣፉን ቁጫና» ጊዴስ።✝

10 ሙዞይ ኑና ጋኪኮካ ኡባ ዎዴ ኡፋዬቶስ፤ ኑኒ ማንቆኮ ሺን ዳሮ ማንቆታ ዱሬ ኬሶስ፤ ኑስ ኣይኮይካ ባይንዳይታ ሺን ዉሪካ ኑስ ዴስ።

7 ኢዚ ኢንቴስ ቆፒዛ ጊሻስ ኢንቴና ሜቲዛ ቆፋ ዉርሲ ኢዛ ቦላ ዬጊቴ።

8 ጎዳይ ኔናራ ጊዲዲ ኢዚ ኔና ካሌና፤ ኢዚ ኔና ዬጌና፤ ሙሌካ ኣጌና፤ ሄሳ ጊሻስ ባቦፋ፤ ሂዶታካ ቃንጾፋ» ጊዴስ።✝

15 ኡፋዬቲዛይታራ ኡፋዬቲቴ፤ ሙዞቲዛይታራ ሙዞቲቴ።

12 ጎዳይ፥ «ሃኢካ ጊዲኮ

ጾማን ዬሆኒኔ ጬጬን ኢንቴ

ኩሜ ዎዚናፔ

ሃ ታኮ ሲሚቴ።

12 ዎይኔ ሚቲኔ ባላሴ

ሚቲ ሹሊዳ፤

ኦሮማኔኔ ቴሚሬ ሚቲ፥

ላዴይኔ ሃራ ኣይፌ ኣይፊዛ

ሚቲ ዉሪካ ሜሊዳ፤

ሄሳ ጋሶን ኣዳፌ

ኡፋይሲ ኣሳፔ ሃኪዴስ።*

20 ሄሳፌ ጉዬ ኢዮቢ ዴንዲዲ ካዮቲዲ ባ ማይኦዛ ዳኪዴስ፤ ባ ሁኤ ቡሉሲዴስ፤ ቢታን ጉፋኒ ጎይኒዴስ። 21 «ታኒ ታ ኣዬይ ኡሎፔ ካሎ ዬሌታዲስ፤ ሃይቂዛ ዎዴካ ካሎ ባና፤ ጎዳይ ኢሚዴስ፤ ጎዳይ ኤኪዴስ፤ ጎዳ ሱን ጋላቴቲዳዝ ጊዶ» ጊዴስ።

1 ሃይቲ ሶሎሞኔ ሌሚሶታ።

ኣ ኤራቴ ዲዛ ናይ

ባ ኣዋ ኡፋይሴስ፤

ጊዶ ኣቲን ኤያ ናይ

ባ ኣዮ ጬጪሴስ።

18 ኣ ኤራቴ ዳሪሺን

ጬጬይ ዳሬስ፤

ኤራይ ዳሪዛ ዎዴካ

ሜቶይ ዳሬስ።

10 ሄሳ ጊሻስ ኔ ዎዚናፔ

ጬጬ ሃሳ፤

ኢታ ሚሺካ ኔፔ ዲጋ፤

ጋሶይካ ናቴቴኔ ዬላጋቴ

ኤሌ ኣና።

30 ኢንቴ ኣታና ጋላሳስ ኣታሜቲዳ ጾሳ ጺሎ ኣያና ሚሺሶፒቴ።