10 versículos bíblicos para enviar no ano novo

11 Mi nomo mi save ol plan we mi mekem finis from yufala. Mi mi wantem we bambae yufala i stap gud olwe, trabol bambae i no kasem yufala, mo bambae yufala i stap gogo, yufala i kasem ol samting ya we tingting blong yufala i stap long hem.

13 Ol brata mo sista. Tok ya blong mi i tru. Mi mi no ting se mi holem ol fasin ya finis, olsem we mi win finis. Hemia no yet ya. Be wan samting nomo mi stap mekem. Mi mi fogetem olgeta samting we oli stap long bak blong mi, nao mi stap traehad oltaem blong kasem ol samting we oli stap long fes blong mi. 14 I olsem we mi stap resis i go stret long mak, we i gat praes blong man we i win. Mo praes ya, hemia we God i singaot yumi blong yumi joen long Jisas Kraes, yumi go stap antap, long ples blong hem.

3 Sipos yu askem long Hae God blong i lukluk gud long ol plan blong yu, wok blong yu bambae i save gohed gud.

31 Be olgeta we oli stap luk long Hae God

blong hem i givhan long olgeta,

bambae oli luk

we oltaem hem i stap givim paoa long olgeta

i stap mekem olgeta oli strong bakegen.

Bambae oli girap olsem we oli gat wing

olsem bigfala pijin ya igel.*

Bambae oli save resis gogo,

be leg blong olgeta i no save taed,

mo oli save wokbaot i go longwe we longwe,

be oli no save kam slak."

5 Yu mas givim laef blong yu

long Hae God,

yu mas trastem hem,

nao bambae hem i halpem yu.

22 Mi mi tingbaot fasin blong Hae God,

we oltaem,

hem i gat sore long man,

mo i lavem man tumas.

Tufala fasin ya blong hem

bambae i no save finis samtaem,

23 tufala i niuwan oltaem nomo,

olsem we evri moning,

niufala dei i kamtru.

Hae God i stap sem mak nomo olwe,

hem i no save jenis.

8 ✝Hae God bambae i no save gowe long yu. Hem bambae i no save lego yu samtaem. Nao from samting ya, tingting blong yu bambae i no mas foldaon, mo yu yu no mas fraet. Hae God bambae i stap lidim yu, mo oltaem, hem bambae i stap wetem yu."

God i givim gudfala laef blong hem long yumi

28 Yumi save finis, se God i stap wok long olgeta samting we oli stap kamtru long laef blong yumi, blong mekem i gud long yumi ya we yumi lavem hem.* Yumi ya, hem i singaot yumi finis stret long rod we hem i makemaot.

11 Gudfala fasin ya blong yu i mekem

we oltaem i gat plante gudfala kakae i stap.

Long evri ples we yu yu pas long hem,

yu stap givim plante kakae long ol man.

17 Taem we God i joenem man long Kraes, hem i mekem man ya i kam wan niufala man. Ol fasin blong laef blong hem bifo oli finis, nao laef blong hem i kam niuwan olgeta.