10 versículos bíblicos para enviar no ano novo

11 किनकि जुन योजनाहरू मैले तिमीहरूको निम्ति बनाएको छु, ती म जान्दछु, याहवेह घोषणा गर्नुहुन्छ। "ती योजनाहरू तिमीहरूका उन्‍नतिका निम्ति हुन्, तिमीहरूको नोक्सानीको निम्ति होइनन्। तिमीहरूले आशा गरेअनुसारको असल भविष्य दिनलाई हो।

13 दाजुभाइ-दिदीबहिनीहरू हो, यी सबै कुरा मैले पक्रिसकेको छु भनी म ठान्दिनँ, तर म एउटा कुरा गर्दछु: पछाडिका कुराहरूलाई बिर्सेर अगाडिका कुराहरूतिर अगि बढ्ने प्रयत्न गर्दैछु; 14 म त्यो स्वर्गीय बोलावटको पुरस्कार प्राप्‍त गर्ने लक्ष्यतर्फ अगि बढ्दैछु, जसको निम्ति परमेश्‍वरले ख्रीष्‍ट येशूमा मलाई बोलाउनुभएको छ।

3 तिमीले गर्ने जुनसुकै कुरा याहवेहलाई सुम्पिदेऊ,

र उहाँले तिम्रा योजनाहरू सफल पार्नुहुनेछ।

31 तर याहवेहमा आशा राख्नेहरूले

नयाँ सामर्थ्य पाउँछन्।

तिनीहरू चीलझैँ पखेटाले माथि उड्नेछन्;

तिनीहरू दगुर्ने छन्, तर पनि थाक्नेछैनन्;

तिनीहरू हिँड्नेछन्, तर बेहोस हुनेछैनन्।

5 तिम्रो आफ्नो मार्ग याहवेहलाई सुम्प;

उहाँमा नै भरोसा राख; र उहाँले यो गर्नुहुनेछ:

22 याहवेहको महान् प्रेमको कारण हामी भस्म भएका छैनौँ;

किनकि उहाँको कृपाको अन्त्य कहिल्यै हुँदैन।

23 हरेक बिहान ती नयाँ भएर आउँछन्;

तपाईंको विश्‍वसनीयता महान् छ।

8 याहवेह आफैँ तिम्रो अगि जानुहुनेछ र तिमीसँग हुनुहुनेछ। उहाँले तिमीलाई कहिल्यै पनि छोड्नुहुनेछैन, न त त्याग्नुहुनेछ। यसकारण तिमी नडराऊ; हतोत्साहित नहोऊ।"

28 हामी जान्दछौँ, परमेश्‍वरलाई प्रेम गर्नेहरू र उहाँका उद्देश्यअनुसार बोलाइएकाहरूका निम्ति उहाँले हरेक कुरामा भलाइ नै गर्नुहुन्छ।

11 तपाईंको प्रशस्तताले वर्षलाई मुकुट पहिराउनुहुन्छ

र तपाईंको प्रशस्त आशिष्‌को अन्‍नबालीले तपाईंका गाडाहरू भरिएर पोखिन्छन्।

17 यसकारण यदि कोही ख्रीष्‍टमा छ भने ऊ नयाँ सृष्‍टि हो। पुराना कुराहरू बितिगएका छन्; अब सबै कुरा नयाँ भएका छन्।