10 versículos sobre esperança para renovar suas forças no início do ano

11 N a kolon n fe naxan ɲanigexi wo bɛ, fe fanyi na a ra, tɔɔrɛ mu na naxan kui. N a ragirima nɛ wo ma alako wo xa hɛɛri sɔtɔ yare. Alatala xa masenyi nan na ki.

18 Alatala nan mɛɛnima mixie ma

naxee gaaxuma a ya ra,

naxee e xaxili tima a xa hinnɛ ra,

31 kɔnɔ naxee e xaxili tima Alatala ra,

nee sɛnbɛ nɛɛnɛ sɔtɔma nɛ, e fa tugan alɔ sɛgɛe.

E e ɲɛrɛ, e e gi, e mu taganma fefe ma.»

24 Won xaxili to ti a ra, na nan a ra won bara kisi, kɔnɔ won xaxili man tixi a ra. Kɔnɔ xa mixi ya fe to a xaxili nu tixi naxan na, na kanyi mu a xaxili tima na ra sɔnɔn. Mixi nɔma a xaxili tide fe nde ra a ɲan bara naxan sɔtɔ? 25 Kɔnɔ xa won xaxili tixi fe nde ra won mu naxan toxi sinden, won na mamɛma tunnabɛxi nan kui.

23 Won xa won xaxili ti Ala ra tunnabɛxi kui, barima naxan laayidi tongoxi won bɛ, a mu nɔma na kanade.

Ala xa kisi

3 Tantui na Ala bɛ, won Marigi Isa Ala xa Mixi Sugandixi Baba. A bara kinikini won ma, a a niya won xa bari a nɛɛnɛ ra Isa xa marakeli saabui ra. A to Isa rakeli faxɛ ma, a naxa a niya won fan xa a kolon kisi na won bɛ yare.

5 N na ratu yi fe ma, n bɔɲɛ sɛɛwama nɛ.

Singe n nu ɲama raɲɛrɛma Ala xa hɔrɔmɔbanxi nan kui,

e nu bɛɛti bafe ɲɛlɛxinyi kui,

e tantui rasiga Ala ma.

21 Kɔnɔ na birin kui, n nan n xaxili tima fe naxan na, a tan nan ya:

22 Alatala xa hinnɛ mu ɲɔnma,

danyi yo mu na a xa xanunteya ma.

23 A gbilenma a ra gɛɛsɛgɛ yo gɛɛsɛgɛ.

«Alatala, i mu mɛɛma i xa mixie ra abadan!»

6 N a kolon, Ala, naxan wali fanyi fɔlɔxi wo tagi, a fama nɛ a rakamalide a xa Mixi Sugandixi Isa fa lɔxɔɛ.

16 Na kui, limaniya mu bama muxu yi ra. Hali muxu fate to na kanafe, muxu bɔɲɛ na fanfe lɔxɔ yo lɔxɔ, 17 barima muxu xa tɔɔrɛ xunxuri naxan mu buma, a na xunnakeli xungbe raminife muxu bɛ, xunnakeli naxan maniyɛ mu na, naxan mu ɲɔnma abadan. 18 Muxu xaxili mu tixi fe toxi xa ra. Muxu xaxili tixi fe nan na naxan mu toma. Fe toxi mu buma, kɔnɔ fe naxan mu toma na tan buma nɛ abadan.