10 versículos sobre esperança em tempos difíceis

11 कऊँकि यहोवे री ये बाणी ए कि जो शान्तिया री योजना आऊँ तुसा रे बारे दे करूँआ, आऊँ तिना खे जाणूंआ, सेयो नुकशाणो रिया नि ए, बल्कि पलाईया रिया ए ओर मां अन्तो दे तुसा री उम्मीद पूरी करनी।

परमेशर आसा रा शरण लणे री जगा ए

1 परमेशर म्हारा शरण लणे री जगा ओर तागत ए,

हमेशा मुसीबता रे बखते मताद करने खे त्यार रओआ।

13 आँऊ परमेशरो ते प्रार्थना करूँआ कि जो उम्मीदा रा दाता ए, तुसा खे विश्वास करने रे सब प्रकारा री खुशी और शान्तिया ते परिपूर्ण करो, ताकि पवित्र आत्मा री सामर्था ते तुसा री उम्मीद बड़दी जाओ।

10 डर नि, कऊँकि आऊँ तां साथे ए, ओरे-पोरे नि देख, कऊँकि आऊँ तेरा परमेशर ए; मां तूँ मजबूत करना ओर तेरी मताद करनी, मां आपणे तर्मी दाँणे आथो साथे तूँ सम्बाल़ना।*

28 ओ सब मईणत करने वाल़ेयो! और बोजे की दबे रे लोको, मांगे आओ, मां तुसा खे राम देणा।

17 कऊँकि आसा रा दुँईं कअड़िया रा अल़का जा क्ल़ेश आसा खे बऊत ई खास और अनन्त जीवनो री महिमा पैदा करोआ 18 और आसे देखी री चीजा खे नि, पर बिना देखी री चीजा खे देखदे रऊँए, कऊँकि देखी री चीजा तो थोड़े ई दिनो खे ए, पर बिना देखी री चीजा सदा बणी री रओईया।

17 जेबे तार्मिक माणूं दुहाई देओए तेबे प्रभु सुणोआ

ओर तिना खे सबी मुसीबता ते बचाओआ।

18 प्रभु पश्चाताप करने वाल़ेया री सुणने ओर मताद करने रिया तँईं त्यार रओआ

ओर दु:खी आत्मा वाल़े माणूंए खे बचाओआ।

23 और आपणी उम्मीदा रे अंगीकारो खे मजबूतिया रे पकड़ी की राखो। कऊँकि परमेशर जिने वादे कित्ते, से विश्वासो जोगा ए

7 आपणी सारी चिन्ता तेस पाँदे ई सेटी देओ, कऊँकि से तुसा रा त्यान राखोआ।

6 केसी बी गल्ला री चिन्ता नि करो। पर हर एकी परिस्थितिया रे तुसा री अर्ज, प्रार्थना और बिनतिया रे जरिए, धन्यवादो साथे परमेशरो सामणे ल्याए जाओ। 7 तेबे परमेशरो तुसा खे शान्ति देणी। ये शान्ति माणूंआ री समजा ते बिल्कुल बारे ए। एसा तुसा रे दिल और तुसा रे सोच-बिचार मसीह यीशुए रे सयी-सलामत राखणे।