10 versículos sobre esperança em tempos difíceis

11 Na’ankure nazano Nagrama huramante’naku’ma hu’noa antahintahizana ko retro hunte’noe. E’ina antahi’zama retro’ma hu’noana, tamazeri haviza hu antahintahizana retro osu’noanki, henkama knare’ma huta nemanisageno muhama nehaza zamo’ma knare’ma hania antahintahi retro hu’noe, huno Ra Anumzamo’a hu’ne.

Anumzamo’a fraki kumati mani’ne hu’za Kora mofavre naga’mo’za hunte’naza zagamere

1 Anumzamo’a fraki vihutine hankavetine mani’neankino, hazenke knafima tazama hanigura maka kna retro huno nemanie.

13 Fore’ma hanigu’ma amuha’ma nehu’na zamofo Anumzamo, miko musezane rimpa fruzana tamentintifina antevi’netena, Ruotge Avamumofo hankavefi fore’ma hanigura amuhara hugahaze.

10 E’ina hu’negu korora osiho, na’ankure nagra tamagrane mani’noe. Nagra tamagri Anumza mani’noanki, antahintahi hakarea osiho. Nagra tamazeri hankaveneti’na, tamaza hugahue. Nagra tamagerfa hu’na hankavenentake tamaga nazampi tamazerigahue.

28 Ana’ana nehuta maragu’za neti’nageno, knama tamavenesinimota nagrite enkena tamazeri fru ha’neno.

17 Hanki meni tagritema osi knazama fore nehiazamo’a, tagrira monafima umani vava hanunaza retro huneranteankita, knare huta monafi umani vava nehuta, knare’zama omerisuna zamo’a, makazana agateregahie. 18 Hagi negonazantera tavua onkesunanki, onke’nona zante tavua kesune. Na’ankure negona zamo’a omanegosie. Hianagi onke’nona zamo’a mevava hugahie.

17 Fatgo zamavu’zmava’ma nehaza vahe’mo’zama Ra Anumzamofontegama krafagema nehazageno’a, Agra antahi nezmino maka hazenkefintira zamagu’nevazie. 18 Ranknazampima mani’naza vahera Ra Anumzamo’a tva’ozmire nemanino, vahe’mo’zama knazama zami’za zamagu’ama zamazeri havizama nehaza vahera, zamagu’nevazie.

23 Fore hugahie huta tamentinti nehuta huama nehuna zana azeri hanavetisune. Na’ankure huvempama hurantenemo’a hugahuema hu’neazana amanehu nere.

7 Hakare’a knazantmia Agrite atreho, na’ankure Agra tamagrira kva huneramante.

6 Mago’a zankura tamagesa ontahitma, hakare zankura nunamu nehutma, upama hu’nesaza zanku Anumzamofo nesamitma, hakare zama huramante’nea zankura, Anumzamofona muse hunteho. 7 Anumzamofo rimpa frumo’a, agtere’neankitma vahe’mota antahita keta osuga hu’nonankino, tamagu’ane, antahintahi tamia Krais Jisasi kva huramantegahie.