1 Na, unu ya kakawasan na pagpangintu-u sa Tyumanem? Ya pagpangintu-u, yan ya pagsalig tadun sa kanaten pig-iman. Pangkay walaꞌ pa tadun kita-a ya kadég na pigpakang na Tyumanem manang kenneꞌ tadun sakanan pigpangintu-uwan.

24 Yanagaw paglongun ta kamu: Pangkay unu ya sekaten mayu adti Tyumanem magi sa pagpanawagtawag, pangintu-uwi na madawat mayu, aw matagtun mayu saba.

7 Kay pangkay walaꞌ pa tadun kita-a ya manga pigpakang kanaten na Tyumanem, manang gayed kitadun migpadeleg nyangintu-u kanan na atag nan ya kadég yeiy.

17 Pangkay maynan ya nya-imoꞌ, manang adun, makapaglong kita na mabatug da saba na manga utaw ya pagpangintu-u kun dengegen nilan ya Madyaw na Ubat-ubat kan Kristu. Aw dengegen nilan yeiy kun awun utaw na magpa-edeꞌ kanilan.

6 Manang kun magsekat sakanan, ka-ilangan pangintu-uwan nan ya Tyumanem aw diliꞌ magduwaduwa. Kay ya utaw na magduwaduwa, kasiling sakanan na baled na dagat na pangkay ayin na samet dala͡a.

22 Kun to-o kamu sumalig sa Tyumanem, madawat saba mayu ya pigsekat mayu magi sa kamayu pagpanawagtawag."

29 Aw nyusip si Jisus kanan, "Unu, nyangintu-u la kaw na nyataw da aku lekat adti nyangkamatay asuntu na pigkitaꞌ aku mu? Madyaw ya kana manga utaw na nyangintu-u kanak pangkay walaꞌ aku nilan kita-a."

8 Asuntu saba sa kallat na Tyumanem, pigpaluwaꞌ kamu nan magi sa pagpangintu-u mayu kan Kristu Jisus. Bekeꞌ na asuntu sa manga pigpan-imoꞌ mayu, manang asuntu baling na yan ya pig-atag na Tyumanem na walaꞌ ya bayad.

20 Aw asuntu na nyaka-agad da aku sa pagkamatay ni Kristu adti krus, yanagaw diliꞌ da ku tumanen ya pagkaliman na pagka-utawun ku, manang yan da baling ya tumanen ku ya pagkaliman ni Kristu na nyeyaꞌ asini kanak. Aw yan da ya pigsaligan ku adun si Jisus na Iseꞌ na Tyumanem, kay pigginawa͡an aku nan aw pig-atag nan ya kanan pagka-utawun kalyu kanaken.