3 Woy nuuni ubbatuu Kiristtoosa Yesuusanna ittippe gidanaw, s’ammak’etteedda wode, Aa hayk’uwaankka aanana ittippe gidanaw s’ammak’etteeddawaa erikkitee? 4 Hewaa diraw, Kiristtoosi bare Aawuwaa bonchcho wolk’k’aan hayk’uwaappe denddowaadan, nuunikka ooratsa de’uwaa de’anaw, Aa hayk’uwaa aanana shaakkanaw s’ink’k’ataani aanana ittippe moogetteeddo.

5 Ayaw gooppe, nuuni I hayk’k’eeddawaadan hayk’k’iide, aanana ittuwaa gidooppe, hawaadankka, hayk’uwaappe I denddowaadan nuunikka denddiide, aanana ittuwaa gidana. 6 Nuuni hawaappe sintsaw nagaraw ayile gidenna mala, k’ay nu nagaranchcha asatetsaa wolk’k’ay d’ayana mala, nu ec’a asatetsaa Kiristtoosanna mask’k’aliyaa bolla misimaariyan d’ishetti kak’etteeddawaa ereetto. 7 Ayaw gooppe, itti uray hayk’k’iyaa wode nagaraa wolk’k’ay Aa mooddenna; shin

11 Hawaadan k’ay hintte nagaraa ootsennaadan, hinttentta hayk’k’eeddawaadan k’oppite; shin Godaa Kiristtoosa Yesuusa baggana S’oossaw hintte pas’a de’iyaawaadan, hinttentta k’oppite.

17 Hewaa diraw, ooninne Kiristtoosanna de’ooppe, ooratsa med’etaa; c’imay aad’d’eedda; be’ite, ubbabaykka ooras’s’eedda.

20 Taani Kiristtoosanna Aa mask’k’aliyaa bolla misimaariyan d’ishettaade kak’k’etaad; simmi, ha"i pas’a de’iyaawe taana gidikke. Shin Kiristtoosi ta giddon de’ee; taani ha"i de’iyaa de’uu, taana siik’iide, ta diraw, bare huup’iyaa immeedda S’oossaa Na’aan de’iyaa ammanuwaana.

11 Ha ooratsa med’etaan, Giriike asaa woy Ayihuda asaa, k’as’s’aretteeddawaa woy k’as’s’arettibeennawaa, imatsatuwaanne ayinne tamaaribeennawaa, ayiliyaa woy womaannuwaa giide shaakkiyaabay baawa; huup’e allaallii Kiristtoosa; I ubbankka de’ee.

22 Hintte kase de’iyaa de’uwaa aggite; k’ay bare c’immiyaa amuwaan d’ayiyaa hintte ec’a asatetsaa d’ayissite. 23 Hintte wozanaynne k’ofay ubbaanna ooras’s’anaw bessee. 24 Tumu s’illotetsaaninne geeshshatetsaan S’oossaa leemisuwaan med’etteedda ooratsa asatetsaa mayyite.

8 Shin ha"i hinttenttu k’ay hank’k’uwaa, yiluwaa, is’uwaa, hinttenttu doonaappe kesiyaa c’ashshaanne yeellayiyaa haasayaa hawantta ubbaa hintteppe d’ayissite. 9 Ittuu ittoo worddotoppite; ayaw gooppe, nagaranchcha med’etaa Aa oosuwaanna hintteppe d’ayissi diggiide,✝ 10 S’oossay, Aa med’d’eeddawe, barena malatissanawunne barew de’iyaa eratetsaa ubbaa immanaw, ubbaa wode ooratsiyaa ooratsa med’etaa mayyeeddita.✝

9 Shin nuuni S’oossaw nu nagaraa paas’ooppe, I nu nagaraa atto gaanawunne nu bayizzo oosuwaa ubbaappe nuuna geeshshanaw, ammanettiyaawaanne tumuwaa ootsiyaawaa.

10 Abeet S’oossaw, geeshsha wozanaa ta giddon med’d’a;

minisiyaa ayaanaa ta giddon ooratsa.

11 Taana ne sintsaappe oloppa;

ne Geeshsha Ayaanaa taappe akkoppa.

12 Ne atotetsaa nashshechchaa taw zaaraadde imma;

taani new eeno gaade azazettanaadan,

Taana zemppissa.

25 Taani hinttena s’illo haatsaan pushakkana; hinttekka geeyana; yaataade hinttena hintte tunatetsaa ubbaappenne hintte eek’aa ubbaappe geeshshana.

26 « ‹ «Taani hinttew ooratsa wozanaa immana; ooratsa ayaanaakka hintte giddon wotsana; k’ay shuchchaa wozanaa hintteppe kessaade, ashuwaa wozanaa immana.✝ 27 Taani ta Ayaanaa hintte giddon wotsana; yaataade hintte ta wogaa kaallanaadaaninne ta higgiyaa minisiide naaganaadan ootsana.

3 Nuunikka k’ay ubbay he asaa mala; k’ay nuuni nu ashuwaa amuwaadan de’eeddo; nu ashuunne nu wozanay koyyeeddawaa ootseeddo. Nuunikka haratuwaadan, nu med’etaan S’oossaa hank’k’uwaa akkanaw de’eetto.

4 Shin S’oossaa maarotetsay dara gidiyaa diraw, bare siik’uwaa daruwaadan, 5 Nuuni aw azazettenan is’s’iide, haray atto ayyaanan hayk’k’eeddawantta gidinakka, I Kiristtoosanna nuw de’uwaa immeedda. S’oossaa aad’d’o keekatetsan hintte atteeddita.