Vida nova

3 ခရစ်တော်ယေရှုန တလောင်းတဝဒဲ ဖြစ်ဟှို့တွပ် ဗတ္တိဇံခံဟှူ နို့လေဟှာ တခီဒဲမာဘဲ့ ကိုယ်တော်နတူးဒူ သေခံဟှို့တွပ် ဗတ္တိဇံဟှို ခံဂေ့ဟှယ်။ 4 ✝အယ်မျိုး နို့လေရဲ့ ဗတ္တိဇံခံရှင်းဟှာ သေခံဟှူဇာအားဖြင့် ခရစ်တော်နတူးဒူ သင်္ဂြိုဟ်ရှင်းဟှို ခံလေဟှယ်။ ဖြားဖြစ်ကြောန့်နူးဆိုဟှာ ခရစ်တော်ဟှာ ဖရဲ့ ဖောင်းတဂိုးတော်အားဖြင့် သေရှင်းဟှနေ ရှင်ပ္လန်ထမြော့-က်လာဟှူတိုင်းဘဲ့ နို့လေလည်း သတ်တာသစ်န ကျင်လည်ရဂေ့ဟှို့တွပ် ဖြစ်ပါဟှယ်။

5 တနည်းအားဖြင့် သေခံတော်မူရှင်းရဲ့ ပေါင်သဏ္ဌာန်ဟှို ဆောန်ဘီးဟှာ ကိုယ်တော်နတူးဒူ နို့လေစိုက်ပျိုး မ္လောက်နှံဟှယ် ဆိုဟှာ ထမြော့-က်ဟှူ ပေါင်သဏ္ဌာန်ဟှိုလည်း ဆောန်ဟှူဇာအားဖြင့် စိုက်ပျိုးမ္လောက်နှံဟှူဇာ ဖြစ်ပါဟှယ်။ 6 နို့လေရဲ့ လူဟောန်းဟှာ ခရစ်တော်နတူးဒူ လတ်ဝါးကပ်တိုင်မာ သေခံရပီးဘီ ဆိုဟှူဇာဟှို နို့လေသိဂေ့ဟှယ်။ ဖြားဖြစ်ကြောန့်နူးဆိုဟှာ နို့လေဟှာ နော့-က်မှ ပြစ်တရားဟှို စေခံဘဲနေဟှို့တွပ် ပြစ်တရားရဲ့ကိုယ်ဟှို ဖျစ်ဆီးပစ်ဟှို့တွပ် ဖြစ်ဟှယ်။ 7 ခရစ်တော်နတူးဒူ သေဟှူသူဟှာ ပြစ်တရားရဲ့ လတ်ဟှနေဘီး လွှတ်မြော့-က်ဟှားဘီ ဖြစ်ဟှယ်။

11 အယ်မျိုးဘဲ့ နန်းနို့လေဟှာ ပြစ်တရားနဆိုင်ဟှယ် ဆိုဟှာ သေဟှားဘီ၊ ဘုရားသခင်န စပ်ဆိုင်ဟှယ် ဆိုဟှာ ခရစ်တော်ယေရှုအားဖြင့် သတ်ရှင်ဟှယ်ဆိုဘီး ကိုယ့်ကိုယ်ကိုယ် ထန်မှတ်ဂေ့ပါ။

17 ခရစ်တော်နှိုက် တလောင်းတဝဒဲ ရှိဟှူလူဟှာ သတ္တဝါသစ် ဖြစ်ဟှယ်။ သူဟှာ ဘဝဟောန်းဟှို စွန့်ဘီးဟှာ ဘဝသစ်ဟှို ဝမ်စားဟှယ်။

20 အယ်ဘေမဲ့ သတ်ရှင်သေးဟှယ်။ အယ်မျိုးဆိုဟှာ ငါဟှာ ကိုယ်တိုင်ရှင်ဇာမှုဟှ ခရစ်တော်ဟှာ ငါနှိုက်ရှင်ဟှူ ဇာဖြစ်ဟှယ်။ ကိုယ်ခန္ဓာနှိုက် ခု ငါရှင်နေဟှူ သတ်ဟှာ ဘုရားသခင်ရဲ့ သားတော်ဟှို ယောင်ကြည်ဇာအားဖြင့် ရှင်နေဟှူ သတ်ဖြစ်ဟှယ်။ သားတော်ဟှာ ငါ့ဟှို ရှစ်ဟှူကြောန့် ငါ့တွပ် သတ်ဟှို စွန့်ပေးတော်မူဟှယ်။

11 အယ်မူ ဖန်ဆင်းတော်မူဟှူထဲမာ လူမျိုးခြားမှေ့ဟှ၊ ယုဒလူမှေ့ဟှ၊ ရေဖျားလှီးဟှားသူန လှီးဟှားဘဲဟှူသူမှေ့ဟှ၊ ယဉ်ကျေးဘဲဟှူသူမှေ့ဟှ၊ လူရိုင်းမှေ့ဟှ၊ ကျွန်မှေ့ဟှ၊ ကျွန်မှုဘဲဟှူလူမှေ့ဟှ၊ ခရစ်တော်ဟှာ လောင်းဇောင်ထဲဟှ လောင်းဇောင် ဖြစ်တော်မူလေဟှယ်။

22 ✝အယ်ကြောန့် ရင်ဟှ သတ်ရှင်လာဟှူ လူဟောန်းဘဝဟှို လွှတ်ပစ်ဂေ့။ လှည့်ဇားတတ်ဟှူ စိဆန္ဒလေကြောန့် သောင်းဟှို့မျှဘဲဟှူ လူဟောန်းဟှို လွှတ်ပစ်ဂေ့ပါ။ 23 နန်းနို့ဟှာ စိနှလောင်းသဘောဟှို သစ်ပြုပြင်ခံရဘီး၊ 24 ✝ဘုရားသခင်ရဲ့ ပေါင်သဏ္ဌန်တော်နညီ ဖန်ဆင်းဇာဟှိုခံရဘီး သမ္မာတရားနဆိုင်ဟှူ ဖြောန့်မတ်သန့်ရှင်းဟှူ လူသစ် ဖြစ်ရဂေ့ဟှယ်။

8 အယ်ဘေမဲ့လည်း ခုခီမာ နန်းနို့လေဟှာ မျစ်ထွပ်ရှင်းလေ၊ စိဆိုးရှင်းလေ၊ မူးတီးရှင်းလေ၊ သူများရဲ့ အသရေဖျစ်ရှင်းလေ၊ ညစ်ညူးဟှူစကား ပြောဆိုရှင်းလေဟှို နန်းနို့လေရဲ့ နှောက်ဟှနေဘီး ဖယ်ရှားဂေ့ပါ။ 9 ✝ယော့-က်ဟှိုယော့-က် မုသာသောင်းဂေ့န။ ဖြားဖြစ်ကြောန့်နူးဆိုဟှာ နန်းနို့လေဟှာ လူဟောန်းရဲ့ကျင့်လေန လူဟောန်းရဲ့ကိုယ်ဟှို ခလွတ်ပယ်ဘီးဟှာ၊ 10 ✝ဖန်ဆင်းတော်မူဟှူသူရဲ့ ပေါင်သဏ္ဌာန်တော်နညီ မှန်ဟှူသိပညာအားဖြင့် သစ်ပြုပြင်ဟှူ လူသစ်ဟှို ယူတန်ဝတ်ဆောန်ဟှူသူလေ ဖြစ်ဂေ့လေဟှယ်။

9 ကိုယ်ပြစ်လေဟှို ဝန်ခ္လ တောန်းဗန်မယ် ဆိုဟှာ ဘုရားသခင်ဟှာ ဒိသစ်စာတည်ဘီး ဖြောန့်မတ်ဟှူရှင် ဖြစ်ဟှူကြောန့် နို့လေရဲ့ ပြစ်လေဟှို လွှတ်ပေးဘီး နို့လေဟှို ဒုစရိုက်ညစ်ကြေး ဂူလောင်းဟှနေ စင်ကြယ်စေဟှယ်။

3 နို့လေအားလောင်းဟှလည်း တခီဒူးဟှ အယ်လူလေထဲမာ ပါဘီးဟှာ ကိုယ့်ရဲ့ ဇာတိသွီးသား တတ်မတ်မှုထဲမာ သတ်ရှင်လာဘီး၊ ကိုယ်ကာယန စိနှလောင်းရဲ့လိုတိုင်း လောက်ဂေ့ဘီး တခြားလူလေမျိုးဘဲ့ ဘုရားသခင်ရဲ့ ဆောင်းမဇာဟှို ခံရဟှူလူလေ ဖြစ်ဂေ့ဟှယ်။ 4 အယ်ဘေမဲ့ ကရုဏာတော်န ရရာတိုင်း ကြွယ်ဝဟှူ ဘုရားသခင်ဟှာ နို့လေဟှိုရှစ်ဘီး ရရာတိုင်းကီးမားဟှူ မြစ်တာတော်ကြောန့်၊

5 လွန်ကျူးဟှူပြစ်လေမာ သေနေဟှူနို့လေဟှို ခရစ်တော်နတူးဒူ သတ်ရှင်စေဟှယ်။ နန်းနို့ဟှာ ဘုရားသခင်ရဲ့ ကျေးဇူးတော်ကြောန့် ကယ်တန်ဇာဟှို ခံရဂေ့ဟှယ်။