7 Agus dhealbh an Tighearna Dia an duine de dhuslach na talmhainn: agus shèid e ann an cuinneinean a shròine anail na beatha; agus dh’fhàs an duine na anam beò.

13 Oir ghabh thu sealbh air m’àirnean; dh’fhalaich thu mi ann am broinn mo mhàthar.

14 Molaidh mi thu, oir is uamhasach, iongantach a dhealbhadh mi; is iongantach d’obraichean-sa, agus is ro-fhiosrach m’anam air sin.

15 Cha d’fhalaicheadh mo chorp uat nuair a rinneadh mi ann an diamhaireachd, a dhealbhadh mi gu h-iongantach ann an ionadan ìochdarach na talmhainn.

16 Chunnaic do shùilean mo chiad-fhàs anabaich, agus ann ad leabhar sgrìobhadh sìos mo bhuill uile, a dhealbhadh ri ùine, gun aon dhiubh fhathast ann.

9 Oir agadsa tha tobar na beatha; ann ad sholas-sa chì sinne solas.

33 Seinnidh mise don Tighearna an cian as beò mi; canaidh mi moladh dom Dhia fhads a bhios bith agam.

6 Thubhairt Iosa ris, Is mise an t-slighe, agus an fhìrinn, agus a’ bheatha: cha tig aon neach a-chum an Athar ach tromhamsa.

10 Cha tig an gadaiche ach a ghoid, agus a mharbhadh, agus a mhilleadh: thàinig mise a-chum gum biodh beatha aca, agus gum biodh i aca nas pailte.

25 Thubhairt Iosa rithe, Is mise an aiseirigh, agus a’ bheatha: an tì a chreideas annamsa, ged gheibheadh e bàs, bidh e beò:

26 Agus ge bè neach a tha beò, agus a’ creidsinn annamsa, chan fhaigh e bàs am feasd. A bheil thu a’ creidsinn seo?

35 Agus thubhairt Iosa riu, Is mise aran na beatha: an tì a thig am ionnsaigh-sa, cha bhi acras gu bràth air; agus an tì a chreideas annamsa, cha bhi tart gu bràth air.

38 An tì a chreideas annamsa, mar a tha an sgriobtar ag ràdh, sruthaidh as a bhroinn aibhnichean de uisge beò.

20 Tha mi air mo cheusadh maille ri Crìosd: gidheadh tha mi beò; ach cha mhise, ach Crìosd a tha beò annam: agus a’ bheatha a tha mi a-nis a’ caitheamh anns an fheòil, tha mi ga caitheamh tre chreideamh Mac Dhè, a ghràdhaich mi, agus a thug e fhèin air mo shon.

20 Tha mi air mo cheusadh maille ri Crìosd: gidheadh tha mi beò; ach cha mhise, ach Crìosd a tha beò annam: agus a’ bheatha a tha mi a-nis a’ caitheamh anns an fheòil, tha mi ga caitheamh tre chreideamh Mac Dhè, a ghràdhaich mi, agus a thug e fhèin air mo shon.

12 Teagaisg dhuinn mar seo ar làithean àireamh, a-chum gun socraich sinn ar cridhe air gliocas.

10 Eisd, a mhic, agus gabh m’fhacail: agus bidh bliadhnachan do bheatha lìonmhor.

23 Leis gach uile dhìcheall glèidh do chridhe; oir as a sin tha sruthan na beatha.

23 Leis gach uile dhìcheall glèidh do chridhe; oir as a sin tha sruthan na beatha.

8 An tì a gheibh gliocas, gràdhaichidh e a anam fhèin; an tì a ghleidheas tuigse, gheibh e math.

3 Esan a choimheadeas a bheul, gleidhidh e a anam; ach esan a dh’fhosglas a bhilean, thig sgrios air.

17 Tha esan a choimheadeas fòghlam anns an t-slighe gu beatha; ach tha esan a dhiùltas achmhasan air seachran.

27 Is e eagal an Tighearna tobar na beatha, a-chum dol as o lìontan a’ bhàis.

21 An tì a leanas fìreantachd agus tròcair, gheibh e beatha, fìreantachd, agus urram.

15 Feuchaibh uime sin gun gluais sibh gu faiceallach, chan ann mar amadain, ach mar dhaoine glice,

16 Ag ath-cheannach na h-aimsir, do bhrìgh gu bheil na làithean olc.

4 Nochd dhomh do shlighean, a Thighearna; teagaisg dhomh do cheuman.

6 Gu cinnteach leanaidh math agus tròcair mi uile làithean mo bheatha; agus còmhnaichidh mi ann an taigh an Tighearna fad mo làithean.

26 Tha m’fheòil agus mo chridhe air fàilneachadh; is e Dia neart mo chridhe agus mo chuibhreann gu sìorraidh.

7 Coimheadaidh an Tighearna thu o gach olc; coimheadaidh e d’anam.

8 Coimheadaidh an Tighearna do dhol a-mach agus do theachd a-steach, on àm seo eadhon gu bràth.

3 Oir is tusa mo charraig, agus mo dhaingneach; agus air sgàth d’ainme treòraichidh agus stiùraidh tu mi.

4 Aon nì ghuidh mi air an Tighearna, sin iarraidh mi, a bhith am chòmhnaidh ann an taigh an Tighearna rè uile làithean mo bheatha, a-chum gum faicinn maise an Tighearna, agus gum fiosraichinn na theampall;

7 Bi ad thosd an làthair an Tighearna, agus feith le foighidinn air; na biodh campar ort mun tì a shoirbhicheas na shlighe, mun fhear a bheir a dhroch innleachdan gu buil.

93 Gu bràth cha dìochuimhnich mi do reachdan, oir leòsan bheòthaich thu mi.

25 Uime sin, tha mise ag ràdh ribh, Na biodh ro-chùram oirbh mu thimcheall ur beatha, ciod a dh’itheas no a dh’òlas sibh; no mu thimcheall ur cuirp, ciod a chuireas sibh umaibh. Nach mò a’ bheatha na am biadh, agus an corp na an t-aodach?

26 Amhaircibh air eunlaith an adhair; oir cha chuir iad sìol, agus cha bhuain iad, agus cha chruinnich iad ann an saibhlean: gidheadh tha ur n-Athair nèamhaidh-se gam beathachadh. Nach fheàrr sibhse gu mòr na iadsan?

27 Agus cò agaibh le mòr-chùram a dh’fhaodas aon làmh-choille a chur ra àirde fhèin?

36 Oir ciod e an tairbhe do dhuine, ged a chosnadh e an saoghal gu h-iomlan, agus a anam a chall?

34 Agus air gairm an t-sluaigh agus a dheisciobal da ionnsaigh, thubhairt e riu, Ge bè neach leis an àill teachd am dhèidh-sa, àicheadh e e fhèin, agus togadh e a chrann-ceusaidh, agus leanadh e mise.

35 Oir ge bè neach leis an àill a anam fhèin a choimhead, caillidh e e; ach ge bè neach a chailleas a anam air mo shon-sa, agus airson an t-soisgeil, coimheadaidh esan e.

36 Oir ciod e an tairbhe do dhuine, ged a chosnadh e an saoghal gu h-iomlan, agus a anam a chall?

37 No ciod a bheir duine ann an èirig a anama?

38 Oir ge bè neach a ghabhas nàire dhìomsa agus dem bhriathran anns a’ ghinealach adhaltranach agus olc seo, dhethsan gabhaidh Mac an Duine nàire, nuair a thig e ann an glòir a Athar, maille ris na h-ainglean naomha.

15 Agus thubhairt e riu, Thugaibh an aire, agus gleidhibh sibh fhèin o shannt: oir chan ann am mòr-phailteas nan nithean a tha e a’ sealbhachadh a tha beatha an duine.

3 Agus is i seo a’ bheatha mhaireannach, eòlas a bhith aca ortsa, an t-aon Dia fìor, agus air Iosa Crìosd a chuir thu uat.

23 Oir is e tuarasdal a’ pheacaidh am bàs: ach is e saor-thìodhlac Dhè a’ bheatha mhaireannach, tre Iosa Crìosd ar Tighearna.

2 Agus na bithibh air ur cumadh ris an t-saoghal seo: ach bithibh air ur cruth-atharrachadh tre ath-nuadhachadh ur n-inntinn, a-chum gun dearbh sibh ciod i toil mhath, thaitneach, agus dhiongmhalta sin Dhè.

7 (Oir tha sinn a’ gluasad a rèir creidimh, agus chan ann a rèir seallaidh.)

14 Leanaibh sìth maille ris na h-uile dhaoine, agus naomhachd, nì as eugmhais nach faic neach air bith an Tighearna:

11 Agus gun dèan sibh ur dìcheall a bhith ciùin, agus ur gnothaichean fhèin a dhèanamh, agus a’ saothrachadh le ur làmhan fhèin (amhail a dh’àithn sinne dhuibh);

12 A-chum gun gluais sibh gu cubhaidh a-thaobh na muinntir sin a tha an leth a-muigh, agus nach bi uireasbhaidh nì sam bith oirbh.

23 Agus ge bè air bith nì a nì sibh, dèanaibh o ur cridhe e, mar don Tighearna, agus chan ann do dhaoine;

24 Air dhuibh fios a bhith agaibh gum faigh sibh on Tighearna duais na h-oighreachd: oir is ann don Tighearna Crìosd a tha sibh a’ dèanamh seirbhis.

12 Is beannaichte an duine a ghiùlaineas buaireadh: oir nuair a dhearbhar e, gheibh e crùn na beatha, a gheall an Tighearna don dream a ghràdhaicheas e.

13 Cò a tha na dhuine glic agus aig a bheil eòlas nur measg? Nochdadh e à deagh chaitheamh-beatha, a obraichean fhèin le ceannsachd gliocais.

10 Oir ge bè lem b’àill beatha a ghràdhachadh, agus làithean matha fhaicinn, cumadh e a theanga o olc, agus a bhilean o labhairt ceilg;

11 Seachnadh e olc, agus dèanadh e math; iarradh e sìth, agus leanadh e i.

6 Moladh gach nì anns a bheil anail an Tighearna. Molaibh-se an Tighearna.

1 Aig gach nì tha tràth, agus àm aig gach rùn fo nèamh:

16 A mheud gu bheil mi ag àithneadh dhut an-diugh an Tighearna do Dhia a ghràdhachadh, gluasad na shlighean, agus a àitheantan a ghleidheadh, agus a reachdan, agus a bhreitheanais, a-chum gum bi thu beò, agus gum fàs thu lìonmhor agus gum beannaich an Tighearna do Dhia thu anns an fhearann da bheil thu a’ dol ga shealbhachadh.

12 Tabhair onair dod athair, agus dod mhàthair; a-chum is gum bi do làithean buan air an fhearann a tha an Tighearna do Dhia a’ toirt dhut.

10 Tha làithean ar bliadhnachan nan trì-fichead bliadhna agus a deich; agus le tuilleadh neirt ma bhios ceithir-fichead ann, is saothair agus doilgheas an spionnadh, oir gearrar as e gu grad agus siùbhlaidh sinn.

4 Thoir fios dhomh, a Thighearna, air mo chrìch, agus tomhas mo làithean ciod e, a-chum gum bi fhios agam cia geàrr mo rè.

5 Feuch, mar leud boise rinn thu mo làithean, agus tha m’aois mar neoni ad fhianais: gu deimhinn, is dìomhanas gach duine da fheabhas. Selah.

6 Gu deimhinn, tha gach duine a’ siubhal ann an samhladh dìomhain; gu deimhinn, cuirear mì-shuaimhneas orra gu faoin; càrnaidh neach suas beartas, gun fhios aige cò a mhealas e.

12 Cò e am fear a mhiannaicheas beatha, a ghràdhaicheas làithean a dh’fhaicinn maith?

13 Glèidh do theanga o olc, agus do bhilean o labhairt ceilg.

14 Seachainn an t-olc, agus dèan am math; iarr sìochaint, agus lean i.

31 Is coron glòire an ceann liath a gheibhear ann an slighe an ionracais.

19 Mar ann an uisge fhreagras aghaidh do aghaidh, mar sin freagraidh cridhe duine do dhuine.