Vida

माणूं बनाणे री शुरूआत

7 तेबे परमेशरे आदमी जमीना री माट्टिए की बणाया ओर तेसरी नासा रे जिन्दगिया रा साआ पाया। तेबे आदमी जिऊँदा प्राणी बणीगा।*

13 मेरे मनो रा स्वामी तो तूँई ए,

मेरिया माया रे गर्भो रे तैंई आँऊ बणाई राखेया।

14 मां तेरा तन्यवाद करना, कऊँकि आऊँ खतरनाक ओर अद्भुत तरीके रे रची राखेया।

तेरे काम कितणे अचम्बे रे ए ओर आऊँ इजी खे ठीक-टंगो रे जाणूंआ।*

15 जेबे मेरी आड्डिया बणने लगी रिया थिया, तो त्यानो साथे आपणियां माया रे पेटो दे राखणे लगी रे थे,

जेबे आऊँ तेती गुप्त रूपो दे बढ़ने लगी रा था, तो तुसे जाणो थे कि आऊँ तेती था,

16 तेरिये आखी मेरा बांगा-टेडा शरीर बणदा देखेया

ओर मेरे सारे अंग जो हर दिन बणदे जाओ थे,

सेयो रचे जाणे ते पईले, तेरिया कताबा रे लिखी राखे थे।

9 कऊँकि जिन्दगिया री सूबल़ तांगे ईए;

तेरी जोतिया रे जरिए आसा खे प्रयासा मिलणा।*

33 जदुए तक आँऊ जिऊँदा ए, मां प्रभुए रिया तँईं गीत गांदे रणा,

जदुए तक आऊँ बणेया रा रणा तदुए तक मां आपणे परमेशरो रा पजन गांदे रणा।

6 यीशुए तेसखे बोलेया, "बाट, सच्चाई और जीवन आऊँ ईए; मांते बिना कोई बी पिते गे नि पऊँची सकदा।

10 चोर कोई ओर काम करने नि, पर बस चोरी करने, काणे और सत्यानाश करने आओआ, आऊँ तेबे आया कि सेयो जीवन पाओ और बऊत जादा पाओ।

25 यीशुए तेसा खे बोलेया, "दुबारा जिऊँदा ऊणा और जीवन आऊँ ईए, जे कोई मां पाँदे विश्वास करोआ, से जे मरी बी जाओ, तेबे बी जिऊणा। 26 और जो कोई जिओआ और मां पाँदे विश्वास करोआ, से अनन्तकालो तक नि मरना। क्या तूँ एसा गल्ला पाँदे विश्वास करेई?"

35 यीशुए तिना खे बोलेया, "जीवनो री रोटी आऊँ ए; जो मांगे आऊणा, से कदी पूखा नि ऊणा और जेस मां पाँदे विश्वास करना, से कदी त्याया नि ऊणा।

38 जो मां पाँदे विश्वास करोगा, जेड़ा पवित्र शास्त्रो रे लिखी राखेया, ‘तेसरे दिलो ते जिन्दगिया रे पाणिए रिया नदिया बईंदिया निकल़निया।’ "

20 आऊँ मसीह साथे क्रूसो पाँदे चढ़ाया। आऊँ एबे जिऊँदा नि रया, पर मसीह मांदे जिऊँदा ए। आऊँ शरीरो रे जो एबु जिऊँदा ए, तो बस तेस विश्वासो ते जिऊँदा ए, जो परमेशरो रे पुत्रो पाँदे ए, जिने माखे प्यार कित्तेया और मेरी खातर आपू खे देईता।

20 आऊँ मसीह साथे क्रूसो पाँदे चढ़ाया। आऊँ एबे जिऊँदा नि रया, पर मसीह मांदे जिऊँदा ए। आऊँ शरीरो रे जो एबु जिऊँदा ए, तो बस तेस विश्वासो ते जिऊँदा ए, जो परमेशरो रे पुत्रो पाँदे ए, जिने माखे प्यार कित्तेया और मेरी खातर आपू खे देईता।

12 इजी खे आसा खे सखा कि म्हारा जीवन कितणा छोटा ए,

ताकि आसे समजदार ऊई जाऊँ।

10 ओ मेरे बच्चेयो, मेरिया गल्ला सुणी की मानया करो,

तेबे तुसे बऊत साला तक जिऊँदे रणे।

23 सबी ते जादा आपणे मनो री रक्षा कर,

कऊँकि जिन्दगिया रा मूल़ स्रोत सेईए।

23 सबी ते जादा आपणे मनो री रक्षा कर,

कऊँकि जिन्दगिया रा मूल़ स्रोत सेईए।

8 जेसखे बुद्धि मिलोई, से मानो आपणे प्राणो खे प्यार करने वाल़ा ओआ,

ओर समजा वाल़े माणूंए रा हमेशा कल्याण ओआ।

3 जो माणूं सोची-समजी की बोलोआ, से आपणे प्राणा खे बचाओआ,

पर जो माणूं बिना सोचे-समजे बोलोआ, तेसरा नाश ऊई जाओआ।

17 शिक्षा पाँदे चलणा ई जिन्दगी ए,

पर जो माणूं चिड़कणे ते मूँ मोड़ोआ, से पटकदा ई जाओआ।

27 यहोवे रा आदर करना जिन्दगी देणे वाल़े चरने जेड़ा ए,

ओर तिजी रे जरिए लोक मौता रे फन्दे ते बची जाओए।

21 दयालु ओर ईमानदार बणो ओर तुसा री उम्र बढ़नी,

दूजेया तुसा री महिमा करनी ओर तुसा साथे सई बर्ताओ करना।

15 इजी री खातर त्यानो ते देखो कि तुसे केड़ी चाल चलोए; बिना बुद्धि वाल़ेया जेड़े नि पर अक्लमंद लोका जेड़े चलो। 16 मौके खे किमती समजो, कऊँकि दिन बुरे ए।

4 ओ यहोवा, आपणी बाट माखे दखा;

माखे तिजी पाँदे चलणा सखा।

6 पक्का पलाई ओर करूणा जिन्दगी पर मां साथे बणी री रणी

ओर मां प्रभुए रे कअरे जुगो-जुगो तक रणा।

26 मेरा शरीर ओर दिल चाए दोनो आरी जाओ;

पर परमेशर, तूँ सदा मेरे दिलो री चट्टान ओर इस्सा ए।

7 यहोवा से आ जो हर खतरे दे तुसा री देखपाल़ करोआ।

से तुसा रे जीवनो खे बचाई की राखोआ।

8 प्रभुए तेरे जाणे-आऊणे रे

तेरी रक्षा एबुए ते लई की सदा तक करदे रणा।

3 कऊँकि तूँ मेरिया तँईं चट्टान ओर गढ़ो जेड़ा ए;

इजी री खातर आपणे नाओं रिया तँईं माखे सई बाट दखा

ओर माखे आगे लई चल।

4 मैं सिर्फ एक ई बरदान प्रभुए ते मांगी राखेया,

मां तेतेरे ई जत्नो रे लगेया रा रणा,

ताकि आऊँ पूरी जिन्दगी प्रभुए रे मईलो रे रई सकूँ ओर प्रभुए री सुन्दरता खे देखी सकूँ

ओर तेसरे मईलो रे दर्शण करुँ।*

7 प्रभुए रे सामणे शान्त रओ ओर सब्रो साथे तेसखे न्याल़;

तेस माणूंए रिया बजा ते आपू खे परेशान नि कर जो बुरे काम करने रे जरिये सफल ओआ

ओर से बुरिया साजिशा खे निकयाल़ोआ!

93 मां तेरे उपदेश कदी नि पूलणे;

कऊँकि तिना रेई जरिए तैं आऊँ जिऊँदा करी राखेया।

25 तेबेई तो आऊँ तुसा खे बोलूँआ कि आपणी जिन्दगिया रे बारे रे ये चिन्ता नि करो कि आसे क्या खाऊँगे और क्या पिऊँगे? ना आपणे शरीरो रे बारे रे कि क्या पईनुँगे? क्या जिन्दगी रोटिया ते और शरीर टाल्लेया ते बढ़ी की निए? 26 सर्गो रे पंछिया खे देखो, सेयो ना बांदे, ना बाडदे और ना ई पण्डारो रे कट्ठा करदे, तेबे बी आसा रा स्वर्गिय पिता तिना खे खुल़ाओआ। क्या तुसे तिना ते जादा किमती निए? 27 तुसा बीचा ते एड़ा कुण ए, जो चिन्ता करी की आपणियां जिन्दगिया री एक कअड़ी बी बढ़ाई सकोआ?"

36 जे माणूंए खे सारी दुनिया मिली जाओ, और आपणे ई प्राण नि रओ, तो तेसखे क्या फाईदा?

यीशुए पीछे चलणे रा मतलब

34 यीशुए पीड़ा समेत आपणे चेले आपू गे बुलाए और तिना खे बोलेया, "जो कोई मां पीछे आऊणा चाओआ, से आपणा सब कुछ छाडी की और आपणे दुःखो और कष्टा रा क्रूस चकी की आपणी इच्छा ते मां पीछे आई जाओ। 35 कऊँकि जो कोई आपणा प्राण बचाणा चाओगा, तेस से खोणा, पर जो कोई मेरिया और सुसमाचारो रिया तँईं आपणे प्राण देओगा, तेस सच्ची ई आपणे प्राण बचाणे। 36 जे माणूंए खे सारी दुनिया मिली जाओ, और आपणे ई प्राण नि रओ, तो तेसखे क्या फाईदा? 37 और माणूंए आपणे प्राणो रे बदले ओर क्या देई सकोआ? 38 जो कोई एसा व्याभिचारिया और पापी जातिया बीचे, मांते और मेरिया गल्ला ते शर्माओगा, तो तेबे मां माणूं रा पुत्रो बी, जेबे पवित्र स्वर्गदूता साथे आपणे पिते री महिमा साथे आऊणा, तो मां बी तेसते शर्माणा।"

15 तेबे तिने तिना खे बोलेया, "चौकस रओ; और हर प्रकारा रे लोबो ते आपू खे बचाई की राखो, कऊँकि केसी री बी जिन्दगी, तेसरी सम्पतिया ते बड़ी नि ऊँदी।"

3 और अनन्त जीवन ये कि सेयो ताखे महान् सच्चे परमेशरो खे और यीशु मसीह खे, जो तैं पेजी राखेया, जाणो।

23 कऊँकि पापो री मजदूरी तो मौत ए, पर परमेशरो रा बरदान आसा रे प्रभु यीशु मसीह रे अनन्त जीवन ए।

2 और एसा दुनिया रे लोका जेड़े नि बणो, बल्कि तुसा रे मनो रा नवां ऊई जाणे ते, तुसा रा चाल-चलण बी बदलदा रओ। ताकि तुसे परमेशरो री खरी, भावती और सिद्ध इच्छा अनुभवो ते पता करदे रओ।

7 जेबे आसे एबु बी एते दुनिया रे जिऊणे लगी रे तो आसे विश्वासो ते प्रभुए पीछे चलूँए न कि तेसखे देखी की।

14 सबी साथे मेल-जोल राखो और पवित्र जिन्दगी जिऊणे खे हर तरअ ते कोशिश करदे रओ। जेतेरे बिना कोई बी प्रभुए खे कदी नि देखी सकदा।

11 जेड़ा आसे तुसा खे समजयाया, तिंयाँ ई चुपचाप आपणी जिन्दगी जिओ। दूजे रे कामो रे दखलअन्दाजी नि करो और आपणे-आपणे आथो साथे कमाणे री कोशिश करो। 12 अविश्वासिया साथे आदरो साथे बर्ताव करो ताकि तुसा खे किजी चीजा री कमी ना ओ।

23 और जो कुछ तुसे करोए, तनो-मनो ते करो, ये सोची की कि माणूंआ खे नि पर प्रभुए खे करने लगी रे। 24 कऊँकि तुसे जाणोए कि तुसा खे इजी रे बदले प्रभुए ते जायदात मिलणी, तुसे प्रभु यीशु मसीह री सेवा करोए।

परख और लाल़च

12 धन्य ए से माणूं, जो परीक्षा रे टिके रा रओआ, कऊँकि तेस परीक्षा रे पास ऊई की अनन्त जिन्दगिया रा मुकट पाणा, जेतेरा वादा परमेशरे आपणे प्यार करने वाल़ेया साथे करी राखेया।

स्वर्गो रा ज्ञान

13 तुसा बीचा ते ज्ञानी और समजदार कूणे? जो माणूं एड़ा ए, से आपणे कामो खे खरे चाल-चलणो ते तेसा नरमाईया साथे सामणे ल्याओ, जो ज्ञानो ते पैदा ओई।

10 कऊँकि पवित्र शास्त्र बोलोआ,

"जो कोई जिन्दगिया री इच्छा राखोआ

और खरे दिन देखणा चाओआ,

से आपणी जीबा खे बुराईया ते

और आपणेया ओठा खे छल-कपटो रिया गल्ला करने ते रोकी की राखो।

11 से बुराईया रा साथ छाडो और पलाई ई करो,

से मेल-जोलो खे टोल़ो और तिजी री कोशिशा रे रओ।

6 सारे प्राणी प्रभुए री स्तुति करो!

प्रभुए री स्तुति करो!

हर काम करने रा एक बखत

1 जो कुछ आसे एते दुनिया दे करूँए तिजी खे एक बखत ओआ।

16 कऊँकि आऊँ आज ताखे आज्ञा देऊँआ कि आपणे परमेशर यहोवे साथे प्यार राखणा ओर तेसरी बताई री बाटा दे चलणा ओर तेसरी आज्ञा, बिदिया ओर नियम मानणे, जेते कि तूँ जिऊँदा रई सके ओर बढ़दा जाए ओर तेरा परमेशर यहोवा तेते प्रदेशो रे जेथो रा मालक ऊणे खे तूँ जाणे लगी रा, ताखे आशीष देओ।

12 तैं आपणे माये बाओ री इज्जत करनी ताकि जो देश तेरा परमेशर यहोवा ताखे देओआ, तेते देशो रे तूँ बऊत दिनो तक जिऊँदा रई सके।

10 म्हारी उम्रा रे साल सत्तर तो अए

ओर चाए तागती रिया बजा ते अस्सी बी ऊई जाओए,

तेबे बी तिना री अवधि दु:ख ओर पापो रे बितोई

कऊँकि से चटचारे बीती जाओई ओर आसे प्राण-पखेरू उडी जाओए।

4 "ओ यहोवा, मेरा अंत माखे बताई दे ओर ये बी कि मेरी उम्र कितणी ए,

जेते की आऊँ आपणी जिन्दगिया रे बारे दे जाणी लऊँ कि मेरी जिन्दगी कितणी ए!

5 देख, तैं माखे थोड़ी ई जिन्दगी देई राखी ए ओर मेरी जिन्दगी तेरी नजरा रे कुछ पनिए।

सच्ची सब माणूं किंयाँ बी टिके रे कऊँ नि ओ तेबे बी बेकार ठईरी रे। सेला

6 सच्चो खे ई माणूं छांयी जेड़ा चलदा-फिरदा प्राणी ए; सेयो बेकारो खेई कबराओए;

से पैसे तो सांजोआ, पर जाणदा नि कि से केस लणे!"

12 से कुण माणूं ए जो जिऊणे री इच्छा राखोआ

ओर लाम्बी उम्र चाओआ ताकि पलाई देखी सको?

13 आपणी जीबा खे बुराई करने ते रोकी की राख

ओर आपणे मुंए री चौकसी राख

ताकि तिजी ते छल-कपटो री कोई गल्ल नि निकल़ो।*

14 बुराईया ते दूर रओ, ओर जो खरा ए सेई कर!

हमेशा कड़ी मईणत कर ताकि लोक एकी-दूजे साथे शान्तिया दे रई सको।*

31 सफेद बाल़ तर्मी माणूंए रा मुकुट ए,

सेयो तर्मो रिया बाटा दे चलणे ते मिलोआ।

19 जिंयाँ पाणिए दे मुंए री परछाई मुंए ते मिलोई,

तिंयाँ ई एकी माणूंए रा मन दूजे माणूंए साथे मिलोआ।