Vida

7 Ra Anumzamo’a kugusopa erino regripeteno vahe tro huno agonagampi Agra’a asimu’a huhu huvazigeno, vahe efore hu’ne.

13 Na’ankure maka nagu’a navufga Kagra tro hunante’nane. Ana hutenka antanimofo rimpafima mani’nogenka maka navufga Kagra rehatinante’nane, 14 Kagrama nagrima tro’ma hunanana, so’e' zantfa hunku tro hunante’naku muse hunegantoe. Kagrama eri’nana eri’zamo’a, knare huno so’e zantfa hu’ne. Ana hu’neanki’na e’i ana zana nagra ke’na antahi’na hu’noe. 15 Kagri kavurera frara oki’noanki, maninenka nenagankeno oku’a nenrera arimpafina zaferinani’mo’a eme rekanuhe rekanuhe nehige’na fore hu’noe. 16 Nenrera’a kase onante’negenka, ko nagrira nagenka antahinka hu’nane. Ama mopafima kasefa’ma hu’na manisanua kna’afima tro’ma hanua zana, maka knamo’a ome’negenka maka zana ko avontafepi krente’nane.

9 Na’ankure kagra asimu’ma erino mani tigampui mani’nenka, tagri tavi mani’nanketa negone.

33 Nagrama ofri’ma mani’nesua kna’afina, Ra Anumzamofontega zagamera hugahue. Ana nehu’na zagame hu’na Anumzamofo agi’a ahentesga hunteme nevu’na ome frigahue.

6 Higeno Jisasi’a anage huno asami’ne, Nagra kana mani’na, tamage ke manina, asimumofo agafa Nagra mani’noe, mago’mo’a aru kantetira Nenfantera ovugahie. A’o, Nagriteti vugahie.

10 Hanki kumzafa vahe’ma ne-eana kumzafa seno, ahe nefrino, eri haviza hunakuke egahie. Nagrama e’noana zamagra zamasimu e’neri’za, ana asimu eri avitetfa hanazegu e’noe.

25 Jisasi’a amanage huno Matana asmi’ne, Fripinti otino asimu erino mani’zamofo agafa’a Nagra mani’noe, iza’o Nagrite’ma amentinti hanimo’a, frigahianagi asimu erino manigahie. 26 Maka vahe’mo’za mani’neza Nagrite zamentinti hanazana, ofri’tfa hugahaze. Amama nehua kegura kagra kamentintia nehampi?

35 Jisasi anage huno zamasmi’ne, Nagra asimu eri bretia mani’noe, aza’o Nagrite esanimo’a aga’zankura osugahie. Hagi aza’o Nagriku amentinti hanimofona tinkura mago’ene ave’ositfa hugahie.

38 Anumzamofo avontafepima kre’nere, Aza’o, Nagrite amentinti nehanimo’a negahie. Agri agu’afinti manivava timo hageno evugahie. (Ais 58:11)

20 Nagra Kraisi’ene keka zafare ko fri’noankina, menima mani’noana nagra’a omani’noanki, Kraisi nagu’afina mani’negena, nagrama ama navufare’ma mani’noana, Anumzamofo Nemofonte namentinti nehu’na Agra’a avesinanteno asimu’a nami’nemofonte mani’noe.

20 Nagra Kraisi’ene keka zafare ko fri’noankina, menima mani’noana nagra’a omani’noanki, Kraisi nagu’afina mani’negena, nagrama ama navufare’ma mani’noana, Anumzamofo Nemofonte namentinti nehu’na Agra’a avesinanteno asimu’a nami’nemofonte mani’noe.

12 E’ina hu’negu manitama vanuna kna’a rempi huramigeta knare antahi’zana enerita manita vamneno.

10 Mofavrenimoke, nagrama huankema antahitenka, ana kema avaririnka amage’ma antesunka, rama’a kafuzage maninka vugahane.

23 Ana mika’zana hugahananagi agatere’nea zama hananana, antahi zanka’a kegavahu so’e huo. Na’ankure e’i tamage asimu erisana tinkampui me’ne.

23 Ana mika’zana hugahananagi agatere’nea zama hananana, antahi zanka’a kegavahu so’e huo. Na’ankure e’i tamage asimu erisana tinkampui me’ne.

8 Kagrama knare antahi’zama erisunka, kagraka’agu avesinentane. Kagrama ama' antahi’zama azeri hampo’nama hanunka, knare hunka manigahane.

3 Iza’o agi’ma kegavama huno kema himo’a, agra’a maniza kegava nehie. Hianagi rama’a keagama hania vahe’mo’a, agra’a azeri haviza hugahie.

17 Avumro’ma anteankema antahimia vahe’mo’a, knare nomaniza eri kante nevie. Hianagi zamazeri fatgoma hazanke’ma zamavesrama huntaza vahe’mo’za, havifi nevaze.

27 Ra Anumzamofoma kore’ma hunteno Agri agorga mani’zamo’a asimu ami' kapu’i ti me’neankino, vahe’ma ahefri krifufintira azeri atregahie.

21 Mago vahe’mo’ma fatgo avu’avazane vahe’ma avesinte avu’ava’ma hankavetino avaririsimo’a, knare nomani’zanki, fatgo avu’ava’ene ra agine erigahie.

15 E’i zanku kama vano hananana kva huo, antahi’za omne vahe knara osunka, antahi’za me’nea vahe kna huo, 16 kazigazi hutma maka knafina knare eri’za e’neritma maniho, na’ankure menina kefozamo hakare hu’neanknafi nemanune.

4 Ra Anumzamoka knare kavukva zana naveri nehunka, Kagri’ma kavaririnua kana rempi hunamio.

6 Tamagerfa huno Ra Anumzamofo knare avu’ava zamo’ene agri avesi’zamo’a ofri’nama kasefa hu’na ama mopafima manisua kna’afina, namage navararino vano hugahie. Ana nehanige’na Ra Anumzamofo mono nompi maka zupa manivava hugahue.

26 Nagu’amo’ene navufgamo’enena zaferina omne amne huno navresra nehianagi Anumzamoke’za nagu’amofona nazeri hankavenetiankino, nagri Anumza Agra mani vava nehie.

7 Ra Anumzamo’a kagrira kegava hugante’sigenka, so’e hunka nemaninka hazenkea e’origahane. 8 Meninteti’ma agafa huteno henkama maninoma vaniana, inantego vunka enka’ma hananana Ra Anumzamo’a avua anteno kegava hugante vava huno vugahie.

3 Ra Anumzamoka Kagra fraki haveni’ane, hankave vihuni’anena mani’nane. Kagri kagimo’ma knare haniazanku nentahinka nazeri fatgo hunka kegava hunanto.

4 Ra Anumzamofona mago zanku antahigesue, Knare nagrira natresanigena kasefa’ma hu’nama manisnua kna’afina, Agri nompina manivava nehu’na, knare avu’ava’a nege’na, musena hunente’na Agri mono nompi mani’nena kama naverima hanigura kegahue.

7 Ra Anumzamofo avuga akohenka mani’negeno, nazano hunaku’ma haniazana, Agra’a hino. Hanki kefo zamavu’zmava’ma nehaza vahe’mo’zama rama’a fenoma ante’za knare’ma hanaza zankura kagesa nontahinka, kefo avu’ava’ma nehaza vahe’mo’zama kefo avu’ava’ma hanaza zankura antahintahi hakarea osuo.

93 Nagra tamagerfa hu’na kagri kasegea nagera okanigahue. Na’ankure ana nanekemo higenka, nasimura naminke’na kasefa hu’na mani’noe.

Mago zankura hakare kagesa ontahisana naneke

25 E’ina hu’negu, Nagra neramasmue, tamagrama manisnaza zankura tamagesa antahintahi hakare osuta, naza kavera negahune, igati tina negahune, kukena tavufarera na’a hugahune huta ontahiho. Anampina kavemo’a mani’zana agaterenefi, hipi kukenamo’a tavufa agatere’neo? 26 Namamo’ma hareno vano nehiana keho, zamagra hoza ante’za, kafiza, eri atru hu’za, kave ante’nompina nontazanagi, monare nemania Neramafa ne’zana nezamie. Namamo’za tamagrira tamagaterenafi? A’o. 27 Hagi mago tamimo’ma knare’zama huno mani’zanku’ma antahintahi hakarema hania zamo’a, asimu’a erizazara hugahio? A’o.

36 Mago vahe’mo’ma ama mopafi fenoza eri atruma nehanigeno, agu amema’a fnanema haniana, nankna aza hu’za erigahie?

Jisasima amage’antezamofo naneke

34 Anante Jisasi’a maka veamokizmi ke hige’za, amage’ma nentaza disaipol naga’ene emetru hazageno, anage huno zamasami’ne, Mago vahe’mo nagri namage’ma antenaku’ma hanuno’a, agra’a avesi’zana netreno, keka zafa’a erigofino namage egahie. 35 Na’ankure iza’o, agra’a agu’vazino eri so’e huku hanimo’a, asimu’a atregahie. Iza’o nagriteku’ene Knare Musenkerema asimu’a atresimo’a agu’vazigahie. 36 Mago vahe’mo’ma ama mopafi fenoza eri atruma nehanigeno, agu amema’a fnanema haniana, nankna aza hu’za erigahie? 37 Na’a vahe’mo’a asimuma erisigura nona’a huno Anumzamofona amigahie? 38 Iza’o ama knafi keontahi kumike vahepi, Nagriku’ene Nanekenimofoma agaze huntesimofona, henka Vahe’mofo Mofavremo Nafa’amofo hanavefima routage ankero vahe’ane esuno’a, Agranena zamagaze hunte’nesamokizmia, eme agaze huzmantegahie.

15 Anante amanage huno zamasmi’ne, Kva hiho! Maka’a ruzahu ruzahu agraguke antahizamofona ha' renenteta, kva huta maniho, vahe’mofo mani’zana fenoma eri’zampina omnene.

3 Ama’i manivava mani’zane hu’za, zamagra kage’za antahi’za nehu’za, magoketfa tamage Anumzane nehu’za, Jisas Kraisi huntankeno e’ne huza keza antahiza hugahaze.

23 Na’ankure kumi’mofo mizana fri’zane. Hu’neanagi Anumzamofo muse’zana, Krais Jisasi Rantimofompi mago’za hunterompge, amne manivava asimura tami’ne.

2 Hagi ama mopafi avu’avazanena tagrora oteho. Hianagi tamagra atrenkeno antahintahitamia Anumzamo tamazeri kasefa nehanigeno, tamavutamava zamo’a ruzahe hino. Anama hanuta, tamage Anumzamofo avesizamo’a, knare huno haviza osuno, fatgo hu’ne huta eriama hugahaze.

7 Na’ankure tagra onke’nonanagi, tamentinti nehune.

14 Miko vahe’enena hanavetinka karimpa fru hunka nemaninka, mani ruotage nehunka, agru hunka manio. Na’ankure mani ruotage osunesimo’a Ramofona onkegahie.

11 Tamagra fruma huno manizankura hanavetitma mani’netma, tamagra’a eri/zana eriho. Ko’ma hihoma huta tamasami’nonaza hutma, tamagratami tamazanu eri’zana erigahaze. 12 E’inahukna nehutma, megi’ama mani’naza vahetera, knare tamavutmava nehutma, mago’a zankura atupara osugahaze.

23 Ana miko eri’zama erisazana, tamagu’areti huta Ramofo eri’zanki erinteho. Ama mopafi kva vahetamimofo eri’zana e’norize. 24 Tamagra Ramofontegatima musezama erisintiharegahaze hu’nea zama erisanaza zana ko antahi’naze. E’i Ramofo Kraisi eri’za e’nerize.

12 Hagi Rehe’za ne-esigeno kazigazi huno agatereno vania vahe’mo’a asomu’ma erisiana, kini fetori eriankna huno manivava asimura erigahie. Anumzamo’a agri’ma avesinentaza vahe ko huhampri zamante’nea, asimu erigahie.

Knare antahintahizamofo naneke

13 Hagi iza amu’nontamifintira ama antahintahine mika zampima anihu vahera mani’ne? Ana knare antahintahi’a atrenkeno knare eri’zama’amoki, avufa anteramino mani avu’ava zamo, erinte ama hino.

10 Iza’o knare hu’na manisue huno agesa nentahino, knare knama kesiazanku’ma avesintesimo’a, kefo kema hu’zankura agefu’na kegava nehuno, agipinti’ma havige huzankura kva hino. 11 Kefo avu’avazampintira atreno, knare avu’avaza nehuno, rimpa fruma huno mani’zanku hakeno avaririno.

6 Maka zagama tamasimu’ma erita nemanisaza zagamota, Ra Anumzamofo agi’a ahentesga hugahaze. Ra Anumzamofo agi’a ahentesga hanune.

Mika’zama fore’ma hu kna metere hu’ne hu’nea naneke

1 Ama mopafina maka’zama fore’ma hu kna metere higeno, maka’zama hu kna metere hu’ne.

16 Hagi nagra menima hiho hu’nama nehuana, Ra Anumzana tamagri Anumzamofo avesinenteta kasege’ane, tra ke’ane Agri avu’ava’ene avaririho hu’na huneramantoe. E’i anama hanutma amama unefraza mopafina knare huta mani’neta vahera kasepazi nehanageno, Rana tamagri Anumzamo’a asomu huramantegahie.

12 Neramarera nermafa ke’zni antahizmitma zmagorgama manisazana, Ra Anumzana, tamagri Anumzamo’nama tami’noa moparera zazate manitma vugahaze.

10 Kafuma manita vanuna kafua, 70'a kafu tami’nane. Hanki tavufgamo’ma knare’ma huno me’nigeta, amne 80'a kafuzagea manigahune. Hianagi knare kafuma manita vanumpina, tatazamo’ene hazenke zamo’enena aviteno nevanigeno, kafu zagetimo’a ame huno evanigeta fanane hugahune.

4 Ra Anumzamoka nama’a kna ama mopafina mani’na vugahufi hunagesa huo. Mani’nama vanuankna hamprinka ketenka nasmio. Na’ankure knanimo’a tusiza huno aganere. 5 Hagi kasefa hu’nama manisuankna eri atupa hankeno, Kagri kavurera amnezankna hie. Hagi vahe’motama tasimu’ma erita mani’zamo’a, magoke asimu’ma anteankna nehie. 6 Hagi tagra zagemo’ma rentegeno vahe’mofo ame’ma’ama fore’ma hiaza hu’nonankita, amuhoma huta eritruma hu’na zamo’a amnezankna nehie. Fenoma eritruma nehuna zana, ina vahe’mo erisantiharegahie ontahineta eritru nehune.

12 Izaga ofrinka zaza kna ama mopafina knare hunka manizankura kave’nesie? 13 E’ina hunaku’ma hanunka, kefo nanekene havi nanekema hu’zankura, kagira kegava huo. 14 Kefo kavukava’ma nehanazana atrenka knare kavukva huo. Arimpa fruma huno mani zankuke nehakenka, ana kavukavake huo.

31 Fatgo avu’ava zama hu’zama nevaza vahe’mokizmia tu zamazokamo’a, kini fetori anunte antanintea kna nehige’za, ra agi nezamize.

19 Timpima kvugosama kanankna huno, kavukava’ma hanazamo’a kagu’afima me’neaza eri ama nehie.