Vida
A vida é um dom precioso de Deus. Desde a concepção até a eternidade, as Escrituras revelam o propósito, o valor e a plenitude da vida que o Senhor nos oferece.
Deus, o autor da vida
O Senhor é quem dá a vida e a sustenta. Cada ser humano foi formado por suas mãos com propósito e intenção divina.
Abaho Mndewa Imulungu kasola ulongo mdodo kulawa mwiisi na muulongo awo kalumba munhu, kamuhuvila munhu ayo mhumuzi ya ugima mvizonzo va mhula yake na munhu kawa na ugima.
Kwavija gweye iyo ulumbile mgati yangu,
kunilumba mwiinda ya mamangu.
Nokushukulu kwavija kunilumba kwa unzonza mkulu na kudumbiza.
Sang’hano zako za unzonza,
mbuli ayo noijuwa goya.
Lukuli lwangu lwabule kifiso kumwako,
nilumbigwa hanhu hakifiso,
nilumbigwa kwa ufundi mwiinda ya mamangu.
Meso gako gawona lukuli lwangu lung’hali halunakwisha,
na kwandika kila kinhu mkitabu chako,
siku zangu zose kuzipanga,
hata siku ya ichanduso hainakuwa.
Kumwako gweye kuna nzasa ya ugima,
kudilenge jako tokona mulenge.
Nomwimbila Mndewa Imulungu ugima wangu wose,
nomtambikila Imulungu wangu vivino vinili mgima.
A vida em Cristo
Jesus é o caminho, a verdade e a vida. Nele encontramos sentido, plenitude e a promessa de vida abundante e eterna.
Yesu kamwidika, "Niye ayo nzila, ukweli na ugima. Kuduhu munhu yochola kwa Tata kamba habitila kumwangu.
Mbavi kokwiza ili yebe, yakome, na kunanga. Niye niza ili muwe na ugima, ugima umemile.
Yesu kamulongela, "Niye ayo uzilibuko na ugima. Wanhu wose onhogola okuwa wagima, hata wahafa, na wanhu wose weli wagima na onhogola niye honda wafe bule. Kozitogola mbuli zino?"
Yesu kawalongela, "Niye ayo ndiya igala ugima. Wose onda weze kumwangu honda one nzala, na waja wose onhogola honda one ng’hilu.
Kamba Maandiko Gang’alile vigalonga, ‘Munhu yonhogola niye, vizanda va mazi gogala ugima vokilima muumoyo wake.’ "
Sambi namgima, lakini sili niye kabili ila Kilisito yokala mgati mmwangu. Sambi nokala kwa kumtamanila Mwana wa Imulungu, yaninogele niye, na kaulava ugima wake mbuli ya niye.
Sambi namgima, lakini sili niye kabili ila Kilisito yokala mgati mmwangu. Sambi nokala kwa kumtamanila Mwana wa Imulungu, yaninogele niye, na kaulava ugima wake mbuli ya niye.
Vivendo com sabedoria
A Bíblia nos orienta a viver com sabedoria, aproveitando bem o tempo, guardando o coração e buscando a vontade de Deus para cada dia.
Tufunze kuzipeta siku zetu vinogile,
ili tupate ubala.
Mwanangu, tegeleza na kuzibokela mbuli zangu,
ili ukale miyaka mingi.
Ulole goya moyo wako kubanza vose viuvilola goya,
kwavija mumo muulawa ugima.
Ulole goya moyo wako kubanza vose viuvilola goya,
kwavija mumo muulawa ugima.
Yeli na ubala koinogela loho yake,
munhu mwene nzewele kopata ganogile.
Munhu yokaliza mulomo wake kokaliza ugima wake,
lakini mulopo koibananga mwenyego.
Yotogola kuzumigwa kolongozela muugima,
lakini yolema kuzumigwa kowalongoza wayagwe kwihile.
Kumdumba Mndewa Imulungu ayo nzasa ya ugima,
yonda imuhonye munhu na mitego ya ifa.
Yozahila haki na kuwa na bazi,
kokala siku nyingi na komweda na kugweleligwa ukulu.
Avo, muiteganye vija vimukala. Sikumukale kamba wanhu wabozi, lakini kaleni kamba wanhu weli na nzewele. Kisang’hanileni goya kipindi kino kimulinacho, kwavija siku zino ziha.
A vida no dia a dia
Cada dia é uma oportunidade de glorificar a Deus. A Escritura nos chama a viver com propósito, confiança e fé prática.
Unongele nzila zako, gweye Mndewa Imulungu,
unifunze ago goulonda.
Kweli kunoga kwako na unogelo wako hawishaga vokuwa hamoja na niye,
siku zose za ugima wangu,
niye nokala mng’anda ya Mndewa Imulungu milele.
Lukuli lwangu na moyo wangu vodaha kulemelwa,
ila Imulungu ayo nguvu ya moyo wangu na fungu jangu milele.
Mndewa Imulungu kokukaliza na gehile gose,
koukaliza goya ugima wako.
Mndewa Imulungu kokukaliza vuulawa na vuukwingila,
kulawa sambi na milele.
Kwavija gweye ayo dibwe jangu na ngome yangu.
Mbuli ya twaga jako unilongoze na undole goya.
Mbuli imoja nimpula Mndewa Imulungu,
na mbuli ayo noilonda ng’hani,
nikale mng’anda ya Mndewa Imulungu,
siku zose za ugima wangu,
nilole ukunoga kwa Mndewa Imulungu,
na nizahile ulongozi wake mng’anda yake.
Ukale tuluu kuulongozi wa Mndewa Imulungu,
na umbete kwa kufunga umoyo,
sikuuigaze mbuli ya imunhu yomweda mnzila yake,
na imunhu yogelegeza gehile.
Milele siisemwa malagizo gako,
kwavija kubitila gago kunigwaa ugima.
Prioridades e eternidade
Jesus nos lembra que a vida é mais que comida e o corpo mais que roupa. O que importa é buscar o Reino de Deus e viver para a eternidade.
"Lekaavo nowalongeleni, sikumuugaiye ugima, kamba moja choni hebu mong’wa choni, hebu ng’huli zenu zovala choni. Vino ugima haunogile bule kubanza ndiya? Hebu lukuli halunogile bule kubanza viwalo? Waloleni bondwa, hawahanda, hawasenga, hebu kwika kukanho, lakini Tataenu yeli kuulanga kowadima. Vino mweye hamunogile ng’hani bule kubanza iwabondwa? Nani kumwenu kwa kuigaza ng’hani kodaha kwengeza hata saa dimoja da ugima wake?
Vino munhu kopata choni kamba yahaipata isi yose na kuwagiza ugima wake?
Abaho Yesu kalukema lunhu lwa wanhu na wanahina zake kawalongela, "Munhu yoyose yahalonda kunikweleleza, yaileme mwenyego na kuidikwa msalaba wake yanikweleleze. Kwavija munhu yoyose yahalonda kuukombola ugima wake kowagiza, na munhu yoyose yowagiza ugima wake mbuli ya niye na kwa Mbuli Inogile koukombola. Vino munhu kopata choni kamba yahaipata isi yose na kuwagiza ugima wake? Kuduhu kinhu chonda yalave yaubweze ugima wake. Munhu yoyose yonyonela kinyala niye na mafundizo gangu mna ulukolo lwa sambi lulekile kumjuwa Imulungu na kutenda gehile, Mwana wa Munhu nayo komonela kinyala munhu ayo yaheza muukulu wa Tatake na wasenga zake wang’alile wa kuulanga."
Abaho kagendelela kuwalongela wose, "Muiteganye na ugila! Kwavija ugima wa munhu hautamanila wingi wa vinhu viyelinavo."
Uno awo ugima wa milele, wanhu wakujuwe gweye Imulungu uliwiiyeka wa ukweli, na wamjuwe Yesu Kilisito yuumtumile.
Kwavija fungu da nzambi ayo ifa, lakini nhunza ya Imulungu awo ugima ulibule uhelelo kwa kuilumba na Yesu Kilisito, Mndewa wetu.
Sikumukweleleze vowotenda wanhu wa mwiisi ino, lakini mulekeni Imulungu yaigaluse mizoyo yenu kwa kugalusa vija vimugesa. Baho modaha kugajuwa goyolonda Imulungu, gaja ganogile na gomnogela heyo na kija kitimilike.
Kwavija tokala kwa kumtamanila Imulungu, siyo kwa gaja gotulola.
Wambeni ng’hani kukala goya na wanhu wose na mukale mung’alile, kwavija kuduhu munhu yonda yamone Mndewa kamba hang’alile bule.
Avo kaleni goya, kila munhu yatende mbuli zake mwenyego na yasang’hane kwa makono gake mwenyego kamba vituwalongele. Kwa kutenda vivo motegelezigwa na waja hawamtogola Kilisito na hamulonda kuwatamanila wanhu wayagwe mbuli ya kija kimulonda.
Chochose kimutenda, mukitende kwa moyo wose, kwavija mosang’hana mbuli ya Mndewa siyo mbuli ya wanhu. Kumbukeni kuwa Mndewa kowagwaa mweye nhunza ija yawekile wanhu zake. Kwavija Kilisito ayo Mkulu imumsang’hanila.
Kamweda munhu ija yofunga umoyo kipindi yahagezigwa, kwavija yahagangamala kobokela fungu da ugima uyalongile Imulungu kowagwaa wanhu omnogela.
Vino nani yeli na nzewele na ubala kumwenu? Yalaguse mbuli ayo kwa kusang’hana ganogile, ganogile gotendeka kwa moyo wa uhole uli kwa munhu yeli na nzewele.
Kamba Maandiko Gang’alile vigalonga,
"Munhu yoyose younogela ugima
na kolonda siku zinogile,
yailole sikuyalonge gehile
na sikuyalonge uvizi.
Yaleke gehile na yasang’hane ganogile
yazahile tindiwalo na yadiwinze kwa moyo wake.
Kila kiumbe kili na ugima,
kimtogole Mndewa Imulungu.
Mtogoleni Mndewa Imulungu.
Kamba mwahagagoga malagizo ga Mndewa Imulungu, Imulungu wenu, goniwalagiza lelo, kwa kumnogela Mndewa Imulungu, Imulungu wenu, kwa kukweleleza nzila zake na kugoga malagizo gake na mafundizo gake na gaja golondigwa, avo mokuwa wagima na mokongezeka na Mndewa Imulungu, Imulungu wenu, kowatendela ganogile mwiisi imukwingila kuisola.
"Wategeleze tatako na mamako, ili ukale mgima siku nyingi mwiisi inikugwelela, niye Mndewa Imulungu wako.
Siku zetu za kukala miyaka malongo saba,
kamba tuna nguvu tokala miyaka malongo nane,
lakini miyaka yose imema magazo na madununzo,
na yobita himahima na siye tolawanya.
"Go Mndewa Imulungu, nilongele ikimambukizo cha ugima wangu,
na siku zangu vizili,
na nijuwe avija ugima wangu viwili mguhi.
Kuutenda ugima wangu mguhi kamba kidole nyomhwa,
siku zangu za kukala kamba mduhu kinhu kumwako,
ugima wa kila munhu kamba mhumuzi.
Kila munhu kamba nzozi kochola kuno na kuno,
koigaza na vinhu vingi lakini kogaya bule,
Kokwika vinhu lakini hajuwa nani yonda yasole.
Vino kolonda kudeng’helela ugima,
na kukala miyaka mingi na kudeng’helela ganogile?
Avo, leka kulonga gehile,
na leka kulonga uvizi.
Leka gehile, utende ganogile,
uzahile tindiwalo na udigoge.
Kulawa uhenga taji da ukulu,
okoneka mwiinzila ya haki.
Kamba kihanga vichoneka mgamazi,
vivo munhu viyoitanga mwenyego mmoyo wake.