O sentido da vida: o que a Bíblia ensina sobre existir

7 Kuya Imulungu kasola lidongo muisi, kalumba immale kwa lidongo alyo, kamhumulila ghumuhe ghwe ughima mna imula yake, apfo immale kawa imunu mghima.(Ghumwanduso 2:7)

13 Ghweghwe kuniumba pfiungo pfangu pfa mghati,

na nibasa hamwe lida lya mai wangu.

14 Nitsolonga mighede kwaapfila niumbighwa kwa ukukangawatsa na kwa ukupfukighwa,

ghamatendo ghako ghokangawatsa,

na nene konimanya ghendo.

15 Imipate yangu ng’aipfisike baye kuna ghweghwe,

ahala haniumbighwe kwa chinyele nyele mna isi

ahala hanikalie nibasa mghati mwa isi.

16 Ghweghwe tsakumbona ng’ana nene nyoneke baye,

ghamatsuwa ghangu ghaunikile,

ghose tsaghandikighwa mna ichitabu chako,

hata ng’ana litsuwa limwe lyanze baye.(Salmos 139:13-16)

9 Kwaapfila ghweghwe kwa mbwibwi ya ugima,

ghumwanga ghwako ghotwapfila twone.(Salmos 36:9)

33 Nitsomwimbila IMNDEWA mna ghamatsuwa gha ugima wangu,

nitsakwimba wila tsa ukumtunya Imlungu wangu matsuwa ghose hanikala mgima.(Salmos 104:33)

6 Chila iyali mgima yamtunye IMNDEWA.

Mumtunye IMNDEWA!(Salmos 150:6)

6 Yesu kamwidika, "Nene na inzila, na ukweli, na ugima. Haduhu munu iyodaha kughenda kwa Baba bila kubitila kuna nene.(Yohana 14:6)

10 Imbapfi kakutsa yebe, yakome, na yahinye; nene nitsa ili wawe na ugima, na wawe nawo tele ghendo.(Yohana 10:10)

25 Yesu kamlongela, "Nene yuyo utsihiluko na ugima. Imunu iyonitoghola nene, hata yang’afa katsakuwa na ugima keli, 26 na imunu wowose iyali mgima na kunitoghola nene ng’atsakufa ghendo baye. Pfihi alyo kwotoghola?"(Yohana 11:25,26)

35 Kuya Yesu kawalongela, "Nene na ichijo cha ugima, ayula iyakutsa kuna nene ng’atsakwona nzala baye, na ayula iyonitoghola nene ng’atsakwona ng’ilu baye ghendo.(Yohana 6:35)

38 Munu wowose iyonitoghola nene, ka Ghamaandiko pfagholonga, ‘Imito ya ghamatsi ighoghela ugima itsakwitika kulawa mghati mwake.’ "(Yohana 7:38)

3 Auno wuwo ugima wa ghamatsuwa ghose ing’aghohupa, iwanu wakumanye ghweghwe Imlungu uliyeka wa kweli, na wammanye Yesu Kiristu yaumtumile.(Yohana 17:3)

23 Kwaapfila maliho ghe nzambi lifwa, lekeni ghweko lye Imulungu iwo ughima wa ghamatsuwa ghose kwa kwilunga na Yesu Kiristu, Imtwatsa wetu.(Waroma 6:23)

20 apfo nokala mghima, lekeni si nene bae, ila Kiristu iyokala mghati mwangu, na ughima yanili nawo sambi mlukuli, ninawo kwa kumtoghola Imwana we Imulungu, yuyo iyanimnoghele na kaulapfa ughima wake kwaajili yangu.(Wagalatiya 2:20)

10 Ghamatsuwa ghetu gha ukukala wagima miyaka sabini,

na ana tuna ngupfu miyaka semanini,

lekeni imiyaka ayo yose imema maghayo na usungu,

nayo yobita himahima, natwe twohupa.(Salmos 90:10)

12 Utufunde ukughapeta ghoya ghamatsuwa ghetu,

ili tudahe kuwa na ghumoyo ghuna ihekima.(Salmos 90:12)

4 "Ghwe MNDEWA, unongele ugima wangu utsotsigha tsuwachi,

kuna matsuwa mangapi ighakalile,

unongele nimanye ghamatsuwa ghangu gha ukukala mgima pfaghosumka kumala."

5 Kughatenda ghamatsuwa ghangu gha ukukala mgima ghawe chidogho,

ugima wangu si chinu baye hambele hako,

ona, chila munu iyali muisi kawakuhupa ghendo.

6 Imunu koghenda ako na ako ka chimbeho,

pfose pfayosang’ana, kosang’ana hela.

kelundikila tsimali, akuno ng’omanya baye nani iyatsobweda kwa tsimali atso.(Salmos 39:4-6)

1 Chila chinu ichilawila muisi, cholawila mna chipindi chayekile Imulungu.(Eclesiastes 3:1)

31 Litwi lina uhenga ka taji ilimelemetseka, ka imunu kokala kwa ukutenda ighanoghile.(Ng'ungo 16:31)

15 Lelo, mwalangitse ghendo apfila pfamkala. Mleke kukala ka mwa wabotsi, ila mkale ka iwanu wane nzewele. 16 Mtumile ghoya nyafwasi yamwinayo, kwaapfila ghamatsuwa ghano gheha.(Waefeso 5:15,16)

25 "Apfo lelo nomlongelani, mleke kwalangulila ugima wenu, mja choni au mng’wa choni; wala tsing’uli tsenu, mpfala choni. Angu pfihi, ugima ng’auna samani kubita ipfijo baye? Na ilukuli ng’aluna samani kubita ghamagwanda baye? 26 Mlole wapfideghe wa kulanga, ng’awohanda baye, wala ng’awopfuna baye, wala kwika mkano; na Aba wenu iyali kulanga kowaghutitsa! Apfi mwemwe ng’amli wa samani ngulu kubita wapfideghe baye? 27 Yuhi mna mwemwe kwa ukwalangula kodaha ukwongetsa ichimo chake kwa moko ghumwe?(Matei 6:25-27)

15 Yesu kaghendelela kuwalongela wose, "Mwalangitse ne ubwa! Kwaapfila ughima we imunu ng’aulawa bae mna pfinu pfingi pfali napfo!"(Luka 12:15)

36 Apfi iwanu wobweda choni ka wopata isi yose lekeni wakwaghisa ughima wawo?(Maliki 8:36)

34 Kuya Yesu kawakema iwanang’ina wake na kingili lye iwanu kawalongela, "Imunu wowose iyobama kuniwinza, yeleme imwenyegho, asole msalaba ghwake aniwinze." 35 Kwaapfila imunu wowose iyobama kuukombola ughima wake, katsowaghisa, ila imunu wowose iyowaghisa ughima wake kwaajili ya nene na kwaajili ye Imbuli Inoghile katsoukombola. 36 Apfi iwanu wobweda choni ka wopata isi yose lekeni wakwaghisa ughima wawo? 37 Kuduhu ichinu chawodaha kulapfa waupate keli ughima wawo. 38 Imunu ang’ambonela chinyala nene na mbuli tsangu mne iwanu wa mweleko ghuno ghwa nzambi na utsinzi, Imwana we Imunu katsomwonela chinyala hatsakutsa mne utunitso wa Aba wake hamwe ne wamalaika wahenzeluka wa kulanga.(Maliki 8:34-38)

2 Mleke kughawinza keli aghala ighali muisi mno, Imulungu na yaghaluse mbutsi tsenu, ili mdahe kughamanya aghala ghoyobama Imulungu. Mtange chihi chinoghile na chihi ichimnoghela yeye na ichitimilike.(Waroma 12:2)

7 Twokala kwa inoghola, na si kwa aghala ghatukona bae.(2 Wakolinto 5:7)

10 Mwanangu tegheletsa na ghabokele ghanilonga, naghwe kutsokala miyaka mingi.(Ng'ungo 4:10)

23 Kubita ghose, ulolese ghumoyo ghwako, kwaapfila mumo mwatsilawa tsimbwibwi tsa ugima.(Ng'ungo 4:23)

17 Iyotoghola ukukanyighwa, ayo koghenda kuna ugima, lekeni iyolema kukanyighwa, ayo kakwagha ghendo.(Ng'ungo 10:17)

3 Ayula iyakwalangitsa mna ukulonga koukinga ugima wake, lekeni ayula yana ichilimilimi katselagha imwenyegho.(Ng'ungo 13:3)

27 Ukumpfuka IMNDEWA kweghala na mbwibwi ina ghamatsi gha ugima, ghomtenda imunu yahepe tsinyonzo tsa ukufa.(Ng'ungo 14:27)

8 Ayula iyopata ihekima kekunda imwenyegho, na iyokindilitsa ukumanya katsopata ighanoghile(Ng'ungo 19:8)

21 Imunu iyotenda haki na uluso,

ayo katsobokela ugima, haki na heshima.(Ng'ungo 21:21)

19 Ka apfila chihanga cha imunu pfachikoneka mmatsi, pfipfo imunu pfayodaha koneka kubitila ghumoyo ghwake.(Ng'ungo 27:19)

16 Kwaapfila nowalaghitsa leloli mumkunde IMNDEWA, Imulungu wenu, mtende aghala ghayobama, mkinde imiko yake yose, amri na ghamalaghitso ghake ghose, mtsokala wagima na kongetseka, na IMNDEWA wenu katsowatenda mweme mbalikighwe mna isi yamghenda kuisola iwe yenu.(Deuteronômio 30:16)

12 "Wateghelese aba wako na mai wako, ili ukale ghamatsuwa mengi mna isi iyanitsokwing’a nene IMNDEWA, Imulungu wako.(Êxodo 20:12)

12 Imunu yuhi iyonoghelwa na ugima,

iyobama ukwona matsuwa mengi ighanoghile?

13 Ulughome ilulimi lwako luleke ukulonga ighehile,

na imilomo yako ileke ukulonga ughutsu.

14 Uleke kutenda ghehile, tenda ighanoghile,

na ukale ghoya na wayagho.(Salmos 34:12-14)

10 Kwaapfila ka Ghamaandiko Mahenzeluka pfogholonga,

"Imunu wowose iyonoghela ughima na kwona ghamatsuwa ghanoghile,

mlomo wake uleke kulonga ghehile na lulimi lwake luleke kulonga ughutsu.

11 Aleke kutenda ghehile na atende ghanoghile

kuya kobamighwa yabame tindiwalo kwa ghumoyo ghose.(1 Petiri 3:10,11)

14 Mwiyunde ghendo kukala kwa tindiwalo ne iwanu wose na kukala kwa uhenzeluka, kwaapfila kuduhu imunu iyatsomwona Imtwatsa ka ng’enzeluke bae.(Waebulaniya 12:14)

11 Kuya mkale kwa ukuhola, chila imunu atende pfinu pfake imwenyegho, na yasang’ane kwa ghamoko ghake imwenyegho ka pfatuwalongeleni. 12 Kwa kutenda apfo mtsotogholighwa ne iwanu ing’awomtoghola Kiristu, na ng’amtsomuhuwila imunu wowose kwaajili ya aghala ghambama.(1 Watesalonike 4:11,12)

23 Chochose chamtenda, mchitende kwa ghumoyo ghwose, ka mwomtendela Imtwatsa Yesu, wala si imunu bae. 24 Mkumbuke, Imtwatsa katsomwing’ani ghweko lyalikile kwaajili ye iwanu wake. Kiristu iyo Imtwatsa ghendo yamumtumikila.(Wakolosai 3:23,24)

12 Kabweda imunu yula iyodudumila hayoghetsighwa, kwaapfila hatsoluta mne ukughetsighwa katsobokela ghweko lya ughima, lila Imulungu lyawalongele katsoweng’a awala iwomnoghela.(Yakobu 1:12)

13 Yuhi mghati mwenu yane ihekima na tsimbutsi? Yalanguse ghamatendo ghake ighanoghile kwa kukala pfinoghile, ghamatendo ighotendighwa kwa uhole na ihekima.(Yakobu 3:13)

6 Ona ghendo, uluso wako na libatsi lyako pfitsonikoleletsa,

mna ghamatsuwa ghose gha ugima wangu,

na nene nitsokala mna ing’anda ya IMNDEWA kwa matsuwa ghose.(Salmos 23:6)

4 Ghwe MNDEWA, unilanguse tsinzila tsako,

unilangulitse tsinzila tsaubama nene nibite.(Salmos 25:4)

4 Chinu chimwe nimlomba IMNDEWA,

nacho chicho chanitsobama,

nene nikale mna ing’anda ya IMNDEWA matsuwa ghose gha ugima wangu,

nilolese ukunogha kwa IMNDEWA,

na ukumbama yeye mna ing’anda ya Imulungu.(Salmos 27:4)

3 kwaapfila ghweghwe kwa bambalawe lyangu, na kwa ngome yangu,

kwa ajili ya litaghwa lyako unikinge, na unilongotse.(Salmos 31:3)

7 Winyamale hambele ha IMNDEWA,

naghwe umbete yeye bila kwipfa,

uleke kukeleka hauwona iwanu wehile wobweda,

awala iwebweda kwa kwika mitsengwe ihile.(Salmos 37:7)

26 Ilukuli lwangu na ghumoyo ghwangu pfohunguka,

lekeni Imlungu kalibambalawe lya ghumoyo ghwangu,

na lifungu lyangu matsuwa ghose ing’aghohupa.(Salmos 73:26)

93 Nene sitsoghasemwa ghendo ghamalaghitso ghako matsuwa ghose,

kwaapfila kwa agho kunitenda nikale mgima.(Salmos 119:93)

7 IMNDEWA katsokukinga na ghehile ghose,

katsoukinga ugima wako.

8 IMNDEWA katsokukinga haukwingila na haulawa,

kulawa sambi na matsuwa ghose ing’aghohupa.(Salmos 121:7,8)