7 ✝Nao Hae God i tekem graon, i mekem wan man* long hem, mo i blu long nus blong hem blong mekem hem i gat laef. Nao long fasin ya, man ya i laef.

13 Taem mi stap yet long bel blong mama blong mi,

yu yu mekem evri haf blong bodi blong mi,

mo yu mekem olgeta oli joen gud.

14 Yu yu mekem mi

long fasin we i narafala,

mo i nambawan olgeta.

Mi mi ona long yu,

mo mi presem nem blong yu from.

Olgeta samting we yu yu mekem

oli gud we i gud tumas.

Samting ya,

mi mi save we mi savegud.*

15 Taem mi mi stap long bel blong mama blong mi,

long ples ya we i haed we i haed,

nao ol bun blong mi oli stap joen gud,

mi stap gru,

be yu yu luk mi we mi stap long ples ya.

16 Taem mi mi no bon yet,

be yu yu luk mi finis,

mo olgeta dei we yu yu makemaot

se oli blong mi,

nating we oli no kamtru yet,

be yu yu raetemdaon olgeta finis

long buk blong yu.

9 Yu yu stamba blong laef blong olgeta samting,

mo from laet blong yu nao,

mifala i stap luk delaet.

33 Oltaem long laef blong mi,

bambae mi stap singsing blong presem Hae God,

gogo laef blong mi i finis.

6 Naos Jisas i talem long hem se, "Mi nao rod ya, mo mi mi stamba blong trutok, mo mi stamba blong laef. I no gat man i save kam long Papa blong mi, sipos mi mi no tekem hem i kam.

10 Be man blong stil, hem i kam blong wan samting nomo. Hem i kam blong stil, mo blong kilim ol sipsip oli ded, mo blong spolem evri samting. Be mi mi kam blong mekem rod blong ol sipsip oli save gat laef, mo blong laef ya blong olgeta i save fulap gud long evri samting.

25 Nao Jisas i talem long hem se, "Mi nao, mi stamba blong laef bakegen long ded. Mi nao mi stamba blong laef. Man we i bilif long mi, nating we bambae i ded, hem bambae i mas laef. 26 Mo man we i laef, i bilif long mi, hem bambae i no save ded samtaem. ?Yu bilif long tok ya blong mi?"

35 Nao Jisas i talem long olgeta se, "Mi nao, mi olsem kakae we i save givim laef. Man we i kam long mi, hem bambae i no save hanggri bakegen. Mo man we i bilif long mi, hem bambae i no save tosta bakegen.

37,38 ✝✝Las dei blong lafet ya hem i bigfala dei we i winim ol narafala dei blong lafet ya. Mo long dei ya, Jisas i stanap long fes blong ol man, i singaot bigwan i talem se, "Man we i tosta, i gud hem i kam long mi blong i dring. Man we i bilif long mi, hem bambae i olsem tok blong Baebol we i talem se, ‘Wota we i save givim tru laef bambae i kamaot long hat blong hem, olsem wan bigfala reva we i stap ron.’* bambae i olsem tok blong Baebol we i talem se, ‘Wota we i save givim tru laef bambae i kamaot long hat blong hem, olsem wan bigfala reva we i stap ron.’"

20 Naoia, i no moa mi ya we mi stap laef, be Kraes nomo i stap laef long mi. Mo laef ya we mi stap long hem naoia, mi mi gat from we mi bilif long hem, we hem i Pikinini blong God. Hem i lavem mi, nao i givim laef blong hem, i ded blong sevem mi.

20 Naoia, i no moa mi ya we mi stap laef, be Kraes nomo i stap laef long mi. Mo laef ya we mi stap long hem naoia, mi mi gat from we mi bilif long hem, we hem i Pikinini blong God. Hem i lavem mi, nao i givim laef blong hem, i ded blong sevem mi.

12 Plis yu mekem mifala i save

we laef blong mifala i sotfala nomo,

blong mifala i save kam waes.

10 Pikinini blong mi. Sipos yu lesin gud long mi, mo yu tinghevi long ol samting ya we mi stap talem long yu, bambae yu gat longfala laef.

23 Yu mas lukaot gud blong mekem se ol samting we yu stap tingbaot oltaem, oli stret, from we laef blong yu i stap soemaot tingting blong yu.

23 Yu mas lukaot gud blong mekem se ol samting we yu stap tingbaot oltaem, oli stret, from we laef blong yu i stap soemaot tingting blong yu.

8 I gud yu lanem olgeta samting we yu save lanem. Fasin ya i save givhan bigwan long yu, mo sipos yu no fogetem ol samting ya, bambae laef blong yu i save gohed gud.

3 Man we i stap tingting gud fastaem, nao biaen i tok, hem i stap lukaot gud long laef blong hem, be man we i no kea long ol tok we hem i stap sakem, hem i stap spolem hem nomo.

17 Man we i stap lesin long tok we i blong stretem hem, hem i stap long rod blong laef, be man we i stap tanem baksaed long ol tok olsem, hem i lusum rod ya finis.

27 Fasin ya we man i tinghevi long Hae God, mo i ona gud long hem, hem i save mekem man i no moa fraet long ded. Hem i olsem wan springwota we i stap givim laef long man.

21 Man we i kaen gud long ol man, mo i stap mekem i stret long olgeta, hem bambae i gat longfala laef. Bambae ol man oli mekem i stret long hem, mo oli ona long hem.

15 From samting ya, yufala i mas lukaot gud long ol fasin blong yufala. Bambae yufala i no mekem fasin blong man we i no gat hed. Yufala i mas mekem fasin blong man we i waes. 16 ✝Yufala i mas yusum evri janis we yufala i kasem blong mekem ol gudfala wok, from we naoia, ol fasin nogud oli gat paoa.

4 Hae God.

Plis yu tijim mi long ol fasin blong yu,

yu mekem mi mi savegud ol rod blong yu.

6 Mi mi save

se oltaem long laef blong mi,

bambae yu gat sore long mi,

mo bambae yu mekem i gud tumas long mi,

mo haos blong yu bambae i hom blong mi olwe nomo.

26 Tingting blong mi

mo bodi blong mi i save kam slak,

be yu yu paoa blong mi,

yu nomo we mi mi wantem

oltaem long laef blong mi.

7 Hae God bambae i blokemgud yumi

blong trabol i no save kasem yumi.

Hem bambae i lukaot gud long yumi,

i sevem yumi.

8 Taem yumi goaot long haos blong yumi,

gogo yumi kambak bakegen,

be hem i stap lukaot gud long yumi.

Hem bambae i save lukaot gud long yumi oltaem nomo,

i stat naoia,

gogo i no save finis.

3 Yu nao yu sefples blong mi,

yu nomo yu strong ples blong mi blong haed.

Plis yu go fastaem, yu lidim mi,

from we yu nao yu sefples blong mi.

4 Mi mi askem wan samting long Hae God,

wan samting nomo we mi mi wantem.

Mi wantem tumas blong mi save stap

long haos* blong hem

oltaem long laef blong mi,

blong mi stap lukluk ol gudgudfala fasin blong hem,

mi stap tingting gud long olgeta,

mo blong mi save askem long hem

blong i lidim mi oltaem.

7 Yu mas mekem tingting blong yu

i longfala,

mo yu mas wet long Hae God

blong hem i givhan long yu.

I nogud blong yu harem nogud

taem ol narafala man oli stap win

long ol rabis plan blong olgeta,

nao oli stap kam rijman.

93 Neva bambae mi tanem baksaed

long ol loa blong yu,

from we yu yu stap yusum olgeta

blong holem mi mi stap laef.

25 Mo Jisas i gohed, i talem se, "Nao from samting ya, mi mi talem long yufala, se i nogud yufala i stap tingting tumas from laef blong yufala se, ‘?Bambae mifala i kakae wanem?’ no ‘?Bambae mifala i dring wanem?’ Mo i nogud yufala i stap tingting tumas from bodi blong yufala se, ‘?Bambae mifala i kasem klos blong mifala olsem wanem?’ I nogud yufala i stap tingting olsem, from we laef blong yufala i moa long kakae, mo bodi blong yufala i moa long klos. 26 Yufala i traem tingbaot ol pijin ya we oli stap flae olbaot. Olgeta oli no planem garen, oli no go karem kakae i kam, mo oli no putumgud kakae i stap long haos. Be Papa blong yufala long heven i stap givim kakae long olgeta. Mo long fes blong hem, yufala i gud moa i winim ol pijin. 27 ?Yufala i ting se taem man i stap tingting tumas from laef blong hem we i sotfala nomo, bambae i save mekem laef blong hem i kam longfala moa long fasin ya?* i sotfala nomo, bambae i save mekem hem i kam longfala moa long fasin ya? !Nogat!

36 ?Sipos wan man i kasem olgeta samting blong wol, be i lusum laef blong hem, hem bambae i save winim wanem?

34 ✝Jisas i singaot olgeta man wetem ol man blong hem, blong oli kam long hem, nao i talem long olgeta se, "Man we i wantem kam biaen long mi, hem i mas blokem ol samting we hem nomo i wantem, nao i mas karem kros blong hem, i mas biaen long mi. 35 ✝Man we i wantem sevem laef blong hem, hem bambae i lusum laef blong hem. Be man we i lusum laef blong hem from mi, mo from gud nius blong mi, hem bambae i sevem laef blong hem. 36 ?Sipos wan man i kasem olgeta samting blong wol, be i lusum laef blong hem, hem bambae i save winim wanem? 37 Sipos laef blong man i kam nogud, bambae hem i no save givim wan samting olsem jenis blong laef blong hem, blong mekem laef blong hem i kam niuwan bakegen. 38 Ol man blong naoia oli stap mekem sin, mo oli tanem baksaed long God. Mo sam man blong mi oli sem blong talemaot nem blong mi mo tok blong mi long fes blong olgeta. Be taem we mi, mi Pikinini* blong Man, mi kam wetem ol tabu enjel, long bigfala paoa blong Papa blong mi, bambae mi tu mi sem blong talemaot nem blong ol man ya blong mi."

15 Mo hem i talem long olgeta se, "Yufala i lukaot gud. Yufala i mas blokem olgeta fasin ya we yufala i wantem samting blong narafala man. Maet man i gat plante samting blong hem, be stamba blong prapa laef blong man i no stap long ol samting ya."

3 Mo laef ya, hem i min se man i save yu, we yu nomo yu tru God, mo i save mi, se mi, Jisas Kraes, we yu yu sanem mi mi kam.

23 Ol man we oli stap mekem sin, pei blong olgeta, bambae oli ded from, be ol man we oli joen long Jisas Kraes, Masta* blong yumi, presen we God i stap givim i go nomo long olgeta, hemia laef ya we i no save finis.

2 Yufala i no mas letem fasin blong yufala i kam olsem fasin blong ol man long wol. Yufala i mas letem God i jenisim tingting blong yufala, blong mekem tingting blong yufala i niuwan olgeta. Nao bambae yufala i save jusumaot ol fasin we God i wantem, wanem i gud, mo wanem hem i glad long hem, mo wanem i stret gud blong mekem.

7 Be yumi no makem laef blong yumi long ol samting we yumi luk. Yumi makem long bilif blong yumi.

14 Oltaem yufala i mas traehad blong joen gud wetem ol narafala man, blong yufala i stap gud, i gat pis. Mo oltaem yufala i mas traehad blong mekem we laef blong yufala i stret gud, yufala i tabu. Sipos no, bambae yufala i no save luk Masta* blong yumi samtaem.

11 Mo yufala i mas traehad oltaem blong yufala i stap gud long laef blong yufala, we yufala i stap lukaot long ol bisnes blong yufala nomo. Mo yufala i mas hadwok long han blong yufala, blong kasem kakae blong yufala. Yufala i mas mekem ol samting ya olsem we mifala i talem long yufala bifo. 12 Long fasin ya, olgeta we oli no bilif long Jisas, bambae oli luk yufala olsem we yufala i stret man nomo. Mo bambae i no nid blong yufala i luk long ol narafala man blong oli givhan long yufala.

23 Long wanem wok we yufala i mekem, be yufala i mas mekem long gladhat blong yufala, olsem we yufala i stap wok blong Masta blong yumi, yufala i no stap wok blong ol man nomo. 24 I gud yufala i save we Masta ya blong yumi bambae hem i givim pei long yufala, we hemia ol samting ya we hem i putumrere olgeta finis blong ol man blong hem. Prapa Masta we yufala i wok blong hem, hem i Kraes nomo.

12 Taem ol samting oli kam blong traem bilif blong man, be hem i stap stanap strong, hem i save harem gud, from we taem hem i winim ol samting ya we oli kam blong traem hem, God bambae i flasem hem olsem we oli flasem man we i win long faet. Mo praes we God bambae i givim long hem, hemia laef ya we hem i promes finis blong givim long olgeta we oli lavem hem.

13 Sipos i gat sam long yufala we oli waes, mo oli gat save, i gud oli soemaot samting ya long laef blong olgeta. Oli mas mekem ol gudfala wok, long fasin we tingting blong olgeta i stap daon, mo we oli waes.

10 ✝Baebol* i talem se,

"Man we i wantem gudfala laef,

we i wantem harem gud evri dei nomo,

bambae hem i no mas tok nogud,

mo i no mas giaman.

11 Hem i mas lego ol fasin nogud

mo i mas mekem ol samting nomo we i gud.

Long olgeta tingting blong hem,

hem i mas wok had blong mekem pis.

6 Yumi olgeta samting we yumi gat laef,

yumi evriwan i mas presem hem.

!Oltaem yumi mas presem Hae God!

1 "Olgeta samting we oli stap kamtru long wol ya, oli stap kamtru stret long taem we God i putum.

16 Hae God i God blong yumi, mo sipos yufala i obei gud long ol tok ya blong hem we mi mi givim long yufala tede, mo yufala i lavem hem, mo yufala i obei long hem, mo yufala i holem olgeta loa blong hem, hem bambae i mekem yufala i gat gudfala laef, mo yufala i kam plante we plante, mo bambae i blesem yufala taem yufala i go long kantri ya we bambae yufala i holem i blong yufala.

12 ✝"Oltaem bambae yufala i mas ona long papa mo mama blong yufala. Sipos yufala i folem fasin ya, bambae yufala i save stap longtaem long kantri ya we mi bambae mi givim long yufala.

10 Yia blong mifala i save kasem seventi nomo,

no sipos bodi blong mifala i stap strong oltaem,

mifala i save kasem eiti,

be oltaem mifala i stap kasem trabol,

mifala i stap harem nogud nomo.

Laef blong mifala i save finis kwiktaem nomo,

nao mifala i go lus olgeta.

4 "?Hae God.

Bambae mi mi stap gogo kasem wetaem?

?Wetaem bambae mi mi ded?

Plis yu talemaot long mi

wetaem laef blong mi bambae i finis.

5 Naoia yu mekem

laef blong mi i kam sotwan we i sotwan olgeta.

Long fes blong yu,

taem ya blong mi i olsem nating nomo.

Laef blong man

i olsem wan smol win nomo,

we i blu wan taem, nao i finis.

6 Hem i olsem sado nomo.

Olgeta samting we man i stap mekem

i blong nating nomo.

Hem i stap hivimap ol gudgudfala samting,

be i no save hu man bambae i tekem."

12 ✝?Olsem wanem?

?Yufala i wantem harem gud long laef blong yufala?

?Yufala i wantem laef blong yufala i longfala

we yufala i hapi oltaem?

13 Oraet,

yufala i no moa tok nogud,

yufala i no moa giaman.

14 Yufala i no moa mekem ol rabis fasin,

yufala i mekem ol samting nomo we i gud.

Long olgeta tingting blong yufala,

yufala i mas wok had blong mekem pis.

31 Longfala laef, hem i pei we ol stret man oli kasem, mo taem man i gat waet hea, hemia i olsem wan gudfala hat blong king we ol man oli putum long hed blong man blong ona long hem.

19 Taem we yu lukluk i go long wota, fes we yu luk, fes blong yu nomo, mo long sem fasin, taem we yu lukluk long laef blong yu, laef we yu luk, laef blong yu nomo.