Vida
A vida é um dom precioso de Deus. Desde a concepção até a eternidade, as Escrituras revelam o propósito, o valor e a plenitude da vida que o Senhor nos oferece.
Deus, o autor da vida
O Senhor é quem dá a vida e a sustenta. Cada ser humano foi formado por suas mãos com propósito e intenção divina.
Eka Jehova Nyasaye nochweyo dhano gi lowo kendo nokudho muya mar ngima ei ume, mi dhano nobedo mangima.
In ema ne ichweyo dhanda maiye,
adier, ne ingʼina maber gi ei minwa.
Apaki nikech ne ichweya mongʼith kendo malich miwuoro;
tijeni misetimo lich,
kendo angʼeyo mano maber.
Fuonde mag ringra ne ok opondoni,
kane ochweya ei minwa,
kane ochwe ringra e kama opondo,
wangʼi ne oneno ringra ei minwa;
ndalona duto e piny-ka ne ondiki chon gi lala,
e kitabu mari kane pok kata achiel kuomgi obetie.
Nimar in ema in gi soko mar pi mar ngima;
kuom lerni ema wanenoe ler.
Abiro wer ne Jehova Nyasaye e ngimana duto,
adier, abiro wero wende pak ne Nyasacha e kinde duto ma pod angima.
A vida em Cristo
Jesus é o caminho, a verdade e a vida. Nele encontramos sentido, plenitude e a promessa de vida abundante e eterna.
Yesu nodwoke niya, "An e yo kendo An e adiera bende An e ngima. Onge ngʼama nyalo biro ir Wuora ka ok okadho kuoma.
Jakuo biro mana mondo okwal kendo oneki kendo oketh gik moko, An to asebiro mondo giyud ngima, kendo giyude mogundho.
Yesu nowachone niya, "An e chier kendo An e ngima. Ngʼat moyie kuoma kata otho to nodok mangima, kendo ngʼama ngima moyie kuoma ok notho ngangʼ. Bende iyie gi wachni?"
Eka Yesu nowachonegi niya, "An e makati mar ngima. Ngʼama obiro ira kech ok noka, kendo ngʼama oyie kuoma riyo ok nolo ngangʼ.
Ngʼato angʼata moyie kuoma pi ngima nobubni koa kuome, mana kaka Ndiko owacho."
Osegura kaachiel gi Kristo, kendo an koro ok ema angima, to Kristo ema ngima kuoma. Ngima makoro angimago e ringra an-go mana kuom yie ma ayiego kuom Wuod Nyasaye, mane ohera kendo ochiwore owuon ni an.
Osegura kaachiel gi Kristo, kendo an koro ok ema angima, to Kristo ema ngima kuoma. Ngima makoro angimago e ringra an-go mana kuom yie ma ayiego kuom Wuod Nyasaye, mane ohera kendo ochiwore owuon ni an.
Vivendo com sabedoria
A Bíblia nos orienta a viver com sabedoria, aproveitando bem o tempo, guardando o coração e buscando a vontade de Deus para cada dia.
Omiyo puonjwa kwano ndalowa kare,
mondo wabed gi chuny mariek.
Wuoda, winji kendo yie gima awacho
eka higni mag ngimani nobed mangʼeny.
To moloyo duto, rit chunyi,
nikech en e soko mar ngima.
To moloyo duto, rit chunyi,
nikech en e soko mar ngima.
Ngʼatno moyudo rieko ohero chunye owuon,
to ngʼat mohero winjo wach dhi maber.
Ngʼatno morito dhoge orito ngimane,
to ngʼatno ma wuoyo karodho wach biro dhiyo e kethruok.
Ngʼat mawinjo weche mirieyego wuotho e yo madhiyo e ngima,
to ngʼat motamore kethone tero ji mamoko e yor lal.
Luoro Jehova Nyasaye en soko mar ngima,
ma reso ngʼato e obadho mag tho.
Ngʼatno maluwo tim makare kod hera
yudo ngima, mwandu gi luor.
Beduru motangʼ ahinya kaka udak, kik udag ka joma ofuwo, to daguru ka joma riek, kutiyo gi thuolo muyudo e yo maber, nikech ndalogi richo.
A vida no dia a dia
Cada dia é uma oportunidade de glorificar a Deus. A Escritura nos chama a viver com propósito, confiança e fé prática.
Nyisa yoreni, yaye Jehova Nyasaye,
puonja mondo aluwgi;
Adier, ber gihera biro luwa
ndalo duto mag ngimana,
kendo abiro dak e od Jehova Nyasaye
nyaka chiengʼ.
Ringra gi chunya nyalo doko manyap,
to Nyasaye ema miyo chunya teko,
kendo en e girkeni mara nyaka chiengʼ.
Jehova Nyasaye biro riti
mondo gimoro amora kik ohinyi.
Jehova Nyasaye biro riti kidonjo kendo kiwuok,
obiro timo kamano sani kendo nyaka chiengʼ.
Kaka in lwandana kendo ohingana,
telna kendo itaya nikech nyingi.
Gimoro achiel kende ema akwayo Jehova Nyasaye,
ma e gima adwaro moloyo;
ni mondo adag e od Jehova Nyasaye
ndalo duto mag ngimana,
mondo achom wangʼa kuom ber mar Jehova Nyasaye
kendo amanye e hekalu mare.
Bed mos e nyim Jehova Nyasaye, kendo rite kihori mos;
kik chunyi chandre ka joma moko dhi nyime maber,
ka gitimo chenrogi maricho.
Wiya ok bi wil gi bucheni,
nimar gin ema iseritogo ngimana.
Prioridades e eternidade
Jesus nos lembra que a vida é mais que comida e o corpo mais que roupa. O que importa é buscar o Reino de Deus e viver para a eternidade.
"Emomiyo awachonu ni, kik uparru kuom ngimau, kata kuom gik ma ubiro chamo kata madho; kata kuom dendu kata gik ma ubiro rwako. Donge ngima duongʼ moloyo chiemo, koso del donge duongʼ moloyo lewni? Ranguru ane winy ma huyo e kor polo. Ok chwo cham to bende ok gikee kata giken e dere, to eka Wuonu manie polo pod pidhogi apidha. To un donge un gi nengo mamalo moloyogi? En ngʼa kuomu ma parruok moparorego nyalo miyo omed bedo mangima kata mana kuom sa achiel kende?
Ere ber ma ngʼato yudo ka piny duto obedo mare to ngimane to olalne?
Eka Yesu noluongo oganda ire, kaachiel gi jopuonjrene mi owachonegi niya, "Ka ngʼato dwaro luwo bangʼa to nyaka okwedre kende owuon kendo otingʼ msalape eka oluwa. Nimar ngʼama dwaro reso ngimane, ngimane biro lalne, to ngʼatno mowito ngimane nikech an kendo nikech Injili nores ngimane. Ere ber ma ngʼato yudo ka piny duto obedo mare to ngimane to olalne? Koso en angʼo ma ngʼato dichiw mondo owil gi ngimane? Ka ngʼato wiye kuot koda kod wechena e kind tiengʼ mobam kendo matimo richoni, to Wuod Dhano bende wiye nokuod kode chiengʼ manoduogi gi duongʼ mar Wuoro, kaachiel gi Malaike maler."
Eka nowachonegi niya, "Ritreuru! Beduru motangʼ ne kit wuoro duto; ngima mar dhano ok bedi nikech mwandu mathoth ma en-go."
To ngima mochwere ema: ni mondo gingʼeyi in Nyasaye makende mar adier, kod Yesu Kristo, Jal miseoro.
Nikech misach richo en tho, to mich mar Nyasaye en ngima mochwere kuom Kristo Yesu Ruodhwa.
Kik koro ulu kit ngima pinyni, to lokreuru ka parou doko manyien pile, eka unubed gi nyalo mar pimo kendo ngʼeyo dwach Nyasaye, ma en dwache maber, mowinjore kendo malongʼo chuth.
Wadak kuom yie to ok kuom gik mwaneno.
Temuru matek mondo udag gi ji duto gi kwe, kendo mondo ngimau obed maler, nikech ka ngʼato onge gi ngima maler to ok none Ruoth.
Dwaro maduongʼ mar ngimau onego obed ni mondo udag e ngima mokwe, ka urango mana tijeu kende, kendo kutiyo matek gi lwetu mana kaka ne wachikou, mondo kit ngimau mapile oywa chuny joma pok oyie mi gimiu luor, kendo kik uket genou kuom ngʼato angʼata.
Gimoro amora ma utimo, to timuru gi chunyu duto ka gima utimo ni Ruoth to ok ni dhano, ka ungʼeyo ni obiro miyou mich chiengʼ ma nobi mondo opog ni joge girkeni kaka pokgi mokano nigi. En Ruoth Kristo ema utiyone.
Ngʼat matimo kinda kiteme en ngʼat mogwedhi, nikech kochungʼ motegno mi oloyo temno, to obiro yudo osimbo mar ngima, ma Nyasaye osesingore ni nomi joma ohere.
En ngʼat mane e dieru mikwano ni riek kendo ni winjo tiend weche? Ngʼat ma kamano mondo onyis riekone kuom kit ngimane maber kendo kuom timbe motimo gi muolo mawuok kuom rieko ma en-go.
Mana kaka Muma wacho niya,
"Ngʼato angʼata mohero ngima
kendo ni gigeno kuom ndalo mabiro mabeyo,
nyaka ogengʼ lewe kik wuo marach
kendo ogengʼ dhoge kuom wacho miriambo.
Nyaka olokre owe timbe maricho mi otim tim maber;
nyaka omany kwe kendo oluwe.
Gimoro amora mayweyo mondo opak Jehova Nyasaye.
Pakuru Jehova Nyasaye.
Nitiere kinde mar gimoro amora,
kod thuolo mitimoe tich moro ka moro e bwo polo:
Nimar achikou kawuono mondo uher Jehova Nyasaye ma Nyasachu, kuwuotho e yorene kendo urito buchene kod chikene, eka unudag mi umedru mangʼeny kendo Jehova Nyasaye ma Nyasachu nogwedhu e piny ma udonjoe mondo ukaw kaka girkeni.
Luor wuonu gi minu mondo udagi amingʼa e piny ma Jehova Nyasaye ma Nyasachu miyou.
Ndalowa en piero abiriyo kata piero aboro,
ka ringrewa otegno;
to kata kamano ndalogo duto opongʼ gi chandruok kod kuyo,
nimar gikalo piyo, kendo gilal nono.
Yaye Jehova Nyasaye, nyisa giko mar ngimana
bende nyisa kar romb ndalona;
mondo abed ka angʼeyo ni ndalona kadho piyo.
Iseketo ndalona obedo machiek ka bad dhano;
kar romb higni maga ok gimoro e nyimi,
ngima dhano ka dhano en mana muya nono. Sela
Dhano en mana tipo makadho kata ka owuotho koni gi koni,
orikni gi tijene mapile kayiem;
ochoko mwandu mathoth ka ok ongʼeyo ngʼama obiro weyonegi.
Ngʼato angʼata kuomu mohero ngima
kendo nigi geno kuom ndalo mabiro mangʼeny mabeyo,
nyaka ogengʼ lewe kik wuo marach
kendo ogengʼ dhoge kuom wacho miriambo.
Lokri iwe timbe maricho kendo itim tim maber;
many kwe kendo iluwe.
Lwar en osimbo mar duongʼ
to iyude gi ngʼat man-gi ngima makare.
Kirango pi, to wangʼi iwuon ema ineno,
kendo kinono chunyi, to in iwuon ema inenori.