7 Therfor the Lord God formede man of the sliym of erthe, and brethide in to his face the brething of lijf; and man was maad in to a lyuynge soule.

13 I haue knowe, that the Lord schal make dom of a nedi man; and the veniaunce of pore men.14 Netheles iust men schulen knouleche to thi name; and riytful men schulen dwelle with thi cheer.

9 For thei, that doen wickidli, schulen be distried; but thei that suffren the Lord, schulen enerite the lond.

33 And he smoot the vynes of hem, and the fige trees of hem; and al to-brak the tree of the coostis of hem.

6 Jhesus seith to hym, Y am weie, treuthe, and lijf; no man cometh to the fadir, but bi me.

10 A nyyt theef cometh not, but that he stele, sle, and leese; and Y cam, that thei han lijf, and haue more plenteousli.

25 Jhesus seith to hir, Y am ayen risyng and lijf; he that bileueth in me, yhe, thouy he be deed,26 he schal lyue; and ech that lyueth, and bileueth in me, schal not die with outen ende. Bileuest thou this thing?

35 And Jhesus seide to hem, Y am breed of lijf; he that cometh to me, schal not hungur; he that bileueth in me, schal neuere thirste.

38 He that bileueth in me, as the scripture seith, Floodis of quyk watir schulen flowe fro his wombe.

20 And now lyue not Y, but Crist lyueth in me. But that Y lyue now in fleisch, Y lyue in the feith of Goddis sone, that louede me, and yaf hym silf for me.

20 And now lyue not Y, but Crist lyueth in me. But that Y lyue now in fleisch, Y lyue in the feith of Goddis sone, that louede me, and yaf hym silf for me.

12 Thei schulen beere thee in the hondis; leste perauenture thou hirte thi foot at a stoon.

10 Mi sone, here thou, and take my wordis; that the yeris of lijf be multiplied to thee.

23 With al keping kepe thin herte, for lijf cometh forth of it.

23 With al keping kepe thin herte, for lijf cometh forth of it.

8 but he that holdith stabli the mynde, loueth his soule, and the kepere of prudence schal fynde goodis.

3 He that kepith his mouth, kepith his soule; but he that is vnwar to speke, schal feel yuels.

17 The weie of lijf is to him that kepith chastising; but he that forsakith blamyngis, errith.

27 The drede of the Lord is a welle of lijf; that it bowe awei fro the fallyng of deth.

21 He that sueth riytfulnesse and mercy, schal fynde lijf and glorie.

15 Therfor, britheren, se ye, hou warli ye schulen go;16 not as vnwise men, but as wise men, ayenbiynge tyme, for the daies ben yuele.

4 I sat not with the counsel of vanyte; and Y schal not entre with men doynge wickid thingis.

6 This is the generacioun of men sekynge hym; of men sekynge the face of God of Jacob.

7 Pees be maad in thi vertu; and abundaunce in thi touris.8 For my britheren and my neiyboris; Y spak pees of thee.

3 For Y was stille, my boonys wexiden elde; while Y criede al dai.

4 Yyue thou to hem vpe the werkis of hem; and vpe the wickidnesse of her fyndyngis. Yyue thou to hem vpe the werkis of her hondis; yelde thou her yeldyng to hem.

7 I am maad a wretche, and Y am bowid doun til in to the ende; al dai Y entride sorewful.

25 Therfor I seie to you, that ye be not bisi to youre lijf, what ye schulen ete; nether to youre bodi, with what ye schulen be clothid. Whether lijf is not more than meete, and the bodie more than cloth?26 Biholde ye the foulis of the eire, for thei sowen not, nethir repen, nethir gaderen in to bernes; and youre fadir of heuene fedith hem. Whether ye ben not more worthi than thei?27 But who of you thenkynge mai putte to his stature o cubit?

36 For what profitith it to a man, if he wynne al the world, and do peiryng to his soule?

34 And whanne the puple was clepid togidere, with hise disciplis, he seide to hem, If ony man wole come after me, denye he hym silf, and take his cros, and sue he me.35 For he that wole make saaf his lijf, schal leese it; and he that leesith his lijf for me, and for the gospel, schal make it saaf.36 For what profitith it to a man, if he wynne al the world, and do peiryng to his soule?37 or what chaunging schal a man yyue for his soule?38 But who that knoulechith me and my wordis in this generacioun avowtresse and synful, also mannus sone schal knouleche him, whanne he schal come in the glorie of his fadir, with his aungels.

15 And he seide to hem, Se ye, and be ye war of al coueytice; for the lijf of a man is not in the abundaunce of tho thingis, whiche he weldith.

3 And this is euerlastynge lijf, that thei knowe thee very God aloone, and whom thou hast sent, Jhesu Crist.

2 And nyle ye be confourmyd to this world, but be ye reformed in newnesse of youre wit, that ye preue which is the wille of God, good, and wel plesynge, and parfit.

7 for we walken bi feith, and not bi cleer siyt.

14 Sue ye pees with alle men, and holynesse, with out which no man schal se God.

11 and that ye do youre nede, and ye worche with youre hoondis, as we han comaundid to you; and that ye wandre onestli to hem that ben with outforth, and that of no mannus ye desir ony thing.12 For, britheren, we wolen not, that ye vnknowe of men that dien, that ye be not soreuful, as othere that han not hope.

23 What euer ye doen, worche ye of wille, as to the Lord and not to men;24 witinge that of the Lord ye schulen take yelding of eritage. Serue ye to the Lord Crist.

12 Blessid is the man, that suffrith temptacioun; for whanne he schal be preued, he schal resseyue the coroun of lijf, which God biheyte to men that louen hym.

13 Who is wijs, and tauyt among you? schewe he of good lyuyng his worching, in myldenesse of his wisdom.

10 For he that wole loue lijf, and se goode daies, constreyne his tunge from yuel, and hise lippis, that thei speke not gile.11 And bowe he from yuel, and do good; seke he pees, and perfitli sue it.

6 ech spirit, herye the Lord.

1 Alle thingis han tyme, and alle thingis vndur sunne passen bi her spaces.

16 that thou loue thi Lord God, and go in hise weies, and kepe hise heestis, and cerymonyes, and domes; and that thou lyue, and he multiplie thee, and blesse thee in the lond to which thou schalt entre to welde.

12 Onoure thi fadir and thi moder, that thou be long lyuyng on the lond, which thi Lord God schal yyue to thee.

10 Yuel schal not come to thee; and a scourge schal not neiye to thi tabernacle.

4 And he sente in to my mouth a newe song; a song to oure God. Many men schulen se, and schulen drede; and schulen haue hope in the Lord.5 Blessid is the man, of whom the name of the Lord is his hope; and he bihelde not in to vanitees, and in to false woodnesses.6 Mi Lord God, thou hast maad thi merueils manye; and in thi thouytis noon is, that is lijk thee. I teld, and Y spak; and thei ben multiplied aboue noumbre.

12 Thei yeldiden to me yuels for goodis; bareynnesse to my soule.13 But whanne thei weren diseseful to me; Y was clothid in an heire. I mekide my soule in fastyng; and my preier schal be turned with ynne my bosum.14 I pleside so as oure neiybore, as oure brother; Y was maad meke so as morenynge and sorewful.

31 A coroun of dignyte is eelde, that schal be foundun in the weies of riytfulnesse.

19 As the cheris of men biholdinge schynen in watris; so the hertis of men ben opyn to prudent men.