Vida

7 Ma aram me fek SOMOL ni Got boch e but’ nge ngongliy be’ ni pumo’on* riy; me pag athon l’ugun nma pi’ e yafos ngalan p’ethungun, me fos fare pumo’on.

13 Gubin yang rog ni gur e msunumiy;

i gur e mu chamiyeg u yal rok e chitinag.

14 Gu be pining e sorok ngom, ya gur e ngan rus ngom;

urngin e tin ga ma rin’ e dabiyag ni nge tamilangan’uy riy, ma rib fel’.

Gu manang u lan ngorongoreg ni polo’.

15 Um guy e yil rog ni be sum,

nge rogon ni un chamey ni bfel’ rogon u yal rok e chitinag

nnap’an ni gu be ilal u rom ndariy be’ ni be guyeg.

ma gur e gamanang ni gu bay u rom —

16 dawor ni gargelegeg ma ga be guyeg.

Pi rran ni kam sunumiy ni fan ngog

e gubin ni go’ bay u lan e birom e babyor

u m’on ndawori tabab reb e pi rran nem.

9 I gur enggin gubin e yafos;

ma bochan e tamilang rom ma gamad be guy e tamilang.

33 Bay ug tangnag SOMOL u n’umngin nap’an e yafos rog;

n’umngin e yafos rog ni bay u gu tangnag e sorok ngak e Got rog.

6 Me fulweg Jesus ngak ni ga’ar, "I gag e kanawo’, me gag e tin riyul’, me gag e yafos; dariy be’ nrayag ni nge yan ngak e en ni Chitamangiy ya kemus ni gag e ra yan rog ngak."

10 Ma fare moro’ro’ e be yib ni kemus ni bochan e nge iring e saf, me li’ ngem’ me kirebnag. Me gag e ku gub ni bochan e nge yag e yafos ngorad, ni yafos nike yan i mus ngarogon.

25 Me yog Jesus ngak ni ga’ar, "I gag owchen e fos ko yam’ nge yafos. Yigu ra ke yim’ be’ ni gub mich u wan’ mra fos; 26 ma en nra i par nib fos ni gub mich u wan’ e dabki yim’ bi’id. Ke mich u wun’um e re bugithin ney fa dawor?"

35 Me yog Jesus ngorad ni ga’ar, "I gag fare ggan nma pi’ e yafos. En nra yib ngog e dabki yib e bilig ngak bi’id; ma en nra gu mich u wan’ e dabki yib e belel ngak bi’id.

38 Ni bod rogon ni be yog e babyor nib thothup ni be ga’ar, ‘En nra gu mich u wan’ e ra yib e ran u yu pa’ i lul’ nge yib i map’ u lan ngorongoren nga but’, ni ran nma pi’ e yafos.’ "

20 ere gathi ka gag e gu be par ni gub fos, yi Kristus e ir e be par nib fos u fithik’ag. Ma re pangin ni gu be par riy e chiney e kug par riy ni bochan e ke michan’ug ngak e en ni Fak Got, ni ir e gub t’uf rok ma ke pi’ e pogofan rok ni fan ngog.

20 ere gathi ka gag e gu be par ni gub fos, yi Kristus e ir e be par nib fos u fithik’ag. Ma re pangin ni gu be par riy e chiney e kug par riy ni bochan e ke michan’ug ngak e en ni Fak Got, ni ir e gub t’uf rok ma ke pi’ e pogofan rok ni fan ngog.

12 Mu fil ngomad feni ngoch nap’an e yafos romad,

nge yag ni gu gonopgad.

10 Fakag, mmotoyil ngog. Ngam fanay e n’en ni gu be yog ngom, me yag nim par nib n’uw nap’am.

23 Mmokol ayuw u rogon ni ga be leam; ya lanin’um e be duwgiliy rogon e yofos rom.

23 Mmokol ayuw u rogon ni ga be leam; ya lanin’um e be duwgiliy rogon e yofos rom.

8 Mu fal’eg rogom ngam fil urngin e tin rayag rom; ma aram me par u wun’um e tin kamfil mra fel’ rogom.

3 Ngam kol’ayuw ko thin ni ngamog ngam ayuweg e pogofan rom. Be’ nma non nder kol’ayuw e ir e yib e gafgow riy ngak.

17 Girdi’ nma motoyil ko fonow ni nge yal’uwegrad e yad ra fos, machane pi’in yad ra almit ni de kireb e rorad e yad bay u thatharen e riya’.

27 Ga ba’adag ni ngam liyeg ko yam’? Daguwen SOMOL e ba thang’el ko yafos.

21 Ngu’um gol ma ga yul’yul’ mra n’uw nap’an e yafos rom; ma bayi tay boch e girdi’ fam miyad gol ngom.

15 Ere um ayuwgad u rogon e ngongol romed. Dab um ngongolgad ni bod e girdi’ ndawori tamilangan’rad, machane ngu’um ngongolgad ni bod rogon e girdi’ nib gonop. 16 Urngin yay nra mab e kanawo’ ngomed ma ngam maruwelgad ngay ni fan ko tin ni bfel’, ya tiney e rran e mmo’maw’.

4 Got, mfil ngog e tirom e kanawo’;

mu dag ngog nggu nang.

6 Fel’ngim ngog nge fanag t’uf rom e rib muduwgil ni bayi un ngog u n’umngin nap’an e yafos rog;

ma naun rom e bayi mang tabinaw rog u nap’an e yafos rog.

26 Lanin’ug nge dowag e ra me’waer i yan,

machane Got e ir gelngig;

kari mus ni ir e nge yag ngog!

7 I SOMOL e ra yororiyem rok urngin e riya’;

me tem ndabi buch ban’en rom.

8 Bay u mub ngu’um man ni be yoror rom

e chiney i yan nga m’on ndariy n’umngin nap’an.

3 Gur e manaf rog nge rungrung rog;

mu pow’iyeg mu gafaliyeg ni bod ni mu micheg.

4 Kug wenignag ta’a ban’en ngak SOMOL;

ta’a ban’en e gu ba’adag,

nggu par u lan e naun rok SOMOL u n’umngin nap’an e yafos rog,

mu’ug ngat’ nga feni fel’ SOMOL,

mu gog ngak ngi i pow’iyeg.

7 Mu gum’an ngam sonnag SOMOL ni ir e nge maruwel;

dabi awan’um ngak e pi’in ke yo’or ban’en rorad,

ara pi’in kefel’ rograd ni bochan e sasalap.

93 Dab gu pag e fanow rom,

ni bochan e ir e ke teg ni gub fos.

25 "Ireray fan ni be lungug ngomed: dabi magafan’med ko ggan nge garbod ni nge yag ngomed ni fan e ngam pired ni gimed ba fos, fa mad ni fan nga dowmed. Gathi ka ba ga’ fan e pogofan ko ggan? Ma gathi ka ba ga’ fan e dowef ko mad ni yibe yin’? 26 A mu guyed e arche’ ni yad be chachangeg: darir yunged awochngin e woldug, fa ra kunuyed e woldug nike el ngar ted nga naun; ma Chitamangimed nu tharmiy e be ayuwegrad! Gathi ka ba ga’ famed ngak e arche’? 27 Mini’ e aromed nrayag ni ku ra mun in e rran ngak* ko biney e tamilang ni fa’anra i magafan’ ngay?

36 Be mang e ra fel’ rogon be’ riy ni fa’anra yag ngak e re fayleng ney ni polo’, machane me thay e bin riyul’ e yafos u pa’? Bmuduwgil ndariy!

34 Me pining Jesus fapi girdi’ ni aram urngirad nge pi gachalpen ngarbad ngak, me ga’ar ngorad, "Fa’anra ba’adag be’ ni nge un ngog, ma thangri pag talin ir, nge fek e kuruth rok, nge lekeg. 35 Ya en nra finey ni nge ayuweg e pogofan rok e ra thay rok; ma en nra thay e pogofan rok ni bochag nge bochan e Thin Ni Bfel’ e ra fos. 36 Be mang e ra fel’ rogon be’ riy ni fa’anra yag ngak e re fayleng ney ni polo’, machane me thay e bin riyul’ e yafos u pa’? Bmuduwgil ndariy! 37 Dariy ban’en nrayag ni nge pi’ be’ ngki sul e yafos rok ngak. 38 Ere fa’anra tamra’ be’ ni bochag nge n’en ni gu be fil ngak e girdi’ ko ngiyal’ney ndakir mich Got u wan’ e girdi’ ma yad be rin’ urngin mit e kireb, e ku ra tamra’ e en ni Fak e Girdi’ ngak ko ngiyal’ nra yib riy ni yad e pi engel rok Got ni be galgal ram’en ni bod e Chitamngin."

15 Ma aram me ul ul ngay nge ga’ar ngorad ni yad gubin, "Mu ayuwgad mi gimed guy rogomed rok urngin mit e chogow: ya bin riyul’ e yafos ku be’ e gathi ni ngongliy ko pin’en ni ir e mmil suwon ngak fa’anem, ndemturug rogon feni yo’or ban’en rok."

3 Ba’aray ara’ e yafos ndariy n’umngin nap’an: ni aram e nge nangem e girdi’ ni kari mmus ni gur e bin riyul’ e Got, miyad nang ko mini’ Jesus Kristus, ni ir e kam l’oeg ke yib.

23 Ya denen e ma pi’ puluwoy — ni yam’; machane tow’ath rok Got ngodad ndariy puluwon e yafos ndariy n’umngin nap’an nra pi’ u daken e ta’ab girdi’ ni kad ted e Somol rodad i Jesus Kristus.

2 Dab mu folgad ko ngongol ni yibe rin’ u roy u fayleng, machane mpi’ed gimed ngak Got nge piliyegmed, ni aram e kari piliyeg lanin’med ni polo’. Ma aram e rayag ni ngam nanged e tin nib m’agan’ Got ngay — ni tin ni bfel’, ni bfel’ u wan’ Got ma rib yal’uw.

7 N’en nike michan’dad ngay e ir e be gagiyegnag e ngongol rodad u roy u fayleng, ma gathi n’en ni gadad be guy.

14 Mu guyed rogon ngu’um pired nib aw e gapas u thilmed urngin e girdi’, mi gimed guy rogon nge par pangimed nib thothup, ya dariy be’ nrayag ni nge guy Somol ni fa’anra de thothup pangin.

11 Um athamgiliyed ngu’um pired ni gimed ba gapas, me mang e tiromed e maruwel e um leam niged, me bigimed mi i muruwliy e salpiy ni nge abich riy, ni bod rogon ni kug weliyed ngomed ko som’on. 12 Ireray kanawo’en mi gimed fel’ u wan’ e pi’in nde mich Kristus u wun’rad, ma dab mu toergad ngak be’ ko tin nge yag ngomed.

23 Demturug e n’en ni gimed ra ngongliy ma ngam tiyan’med ngay, ni gowa gimed be maruwel rok Somol, ma gathi rok e girdi’. 24 Dab mpaged talin nra pi’ Somol puluwon ngomed; ya ra pi’ ngomed e tin ke tay ni fen e tirok’ e girdi’. Ya Kristus e ir e cha’ nriyul’ ni ir e suwon gimed ni gimed be pigpig ngak.

Sikeng nge n’en nma waliy e girdi’ nge denen

12 Ba felan’ e en nra par nib yul’yul’ ngak Got ko ngiyal’ ni be yib e tin nib mo’maw’ riy ngak, ni aram e yibe sikengnag; ya ra athamgil ni dabi mul ko re sikeng nem ma yira pi’ e yafos ngak, ni ireram fare puluwon nike yog Got nra pi’ ngak e pi’in nib t’uf Got rorad.

Gonop ni yib u tharmiy

13 Ba’ be’ nib llowan’ ma ba gonop u fithik’med fa? Fa’anra bay ma nge micheg nga pangin ni bfel’ nge ngongol rok ni bfel’ ni be ngongliy u fithik’ e sobut’an’ nge gonop.

10 Ni bod ni be ga’ar e babyor nib thothup:

"En ni ba’adag ni ngi i par nib felfelan’

ma be finey ni nge guy e pi rran nib manigil,

e thingari dabki yog e thin nib kireb

ma thingari tal ndab ki i lifith l’ugun.

11 Ma thingari pi’ keru’ ko tin nib kireb nge rin’ e tin ni bfel’;

thingari sap’ay e gapas u polo’ i leam rok.

6 Gimed urngin e pin’en nib fos e ngam pininged e sorok ngak SOMOL!

Ngu’un pining e sorok ngak SOMOL!

Ngal’an urngin ban’en

1 Urngin ban’en nma yib u roy u fayleng e ma yib ko ngiyal’ nike duwgiliy Got.

16 Fa’anra um folgad ko tin keyog SOMOL ni Got romed ngomed ni ir e kug weliy ngomed e daba’, fa’anra t’uf SOMOL romed ma gimed be fol rok nge urngin e pi motochiyel rok ma aram e ra i fel’ rogomed mi gimed mang ba nam ni pire’ e girdi’ riy. I SOMOL ni Got romed e bay i ayuwegmed u lan e re nam ni ngam marod ngay ngam pired riy.

12 "Mu liyor ko chitamam nge chitinam nge n’uw nap’an ni mu par ko gi binaw nike pi’ SOMOL ni Got rom ngom.✝ ✝

10 Ya kemus ni medlip i ragag e duw nap’mad,

ra mada’ ko meruk i ragag ni fa’anra ba gel fithik’ i dowmad;

machane oloboch nge magfan’ e be yib ngomad ko pi duw nem;

dar n’uw nap’an e yafos me m’ay, ma gamad chuw.

4 "SOMOL, bu uw n’umngin nap’an ni ngku’ug par ni gub fos?

Wu’in e nggum’?

Mog ngog ko uw feni ke chugur ni nge mus e yafos rog."

5 Karim ngochnag nap’an e yafos rog!

Dariy n’umngin nap’an e yafos rog u pulwom.

Rriyul’ ni gubin e girdi’ nib fos e gowa ba wuchuth i nifeng,

6 ni bod fon ban’en ni pel u owchey.

Gubin e n’en ni yima rin’ ma dariyfan;

gadad be kunuy e machaf, machane dad nanged ko mini’ e ra fla’ab riy.

12 Mogned, gimed ba’adag ni ngam felfelan’gad ko biney e tamilang?

Gimed ba’adag ni nge n’uw nap’an ni gimed bfelfelan’?✝

13 Fa’anra gimed ba’adag me ere dab ku mogned e thin nib kireb,

ma dab ku mu lifithed l’ugunmed.

14 Mpi’ed keru’med ko kireb ngam rin’ed e tin ni bfel’;

mu nameged e gapas u polo’ i gum’ircha’med.

31 Yafos nib n’uw nap’an e towa’th rok e pi’in nib mat’aw; ma manna’ u lolugenrad e ba te’elyaw nib gamog.

19 Bod e ran nra dag ya’an owchem ngom, e aram rogon gumircha’em nra dag ya’am ngom.