31 ቃይ አዛዙዋ ኡባፐ አያ ላኤን አዛዙ ሀዋ፤ ‘ኔን ነ ሾሩዋ ነ ሁጲያዳን ሲቃ’ ግያዋ፤ ሀዋንቱፐ አያ ሀራ አዛዙ ባዋ" ያጌዳ።✝

14 አያዉ ጎፐ፥ ህጊ ኡባይ እት ሃሳያን ቃሸቴዳ፤ እካ፥ "ነ ሾሩዋ ነ ሁጲያዳን ሲቃ" ያግያዋ።✝

9 "ዎሹሞፓ፤ ዎፓ፤ ዉኦፓ፤ አሳባ አሞቶፓ" ግያ አዛዛቱነ ሀራ አዛዛቱ ኡባቱ፥ "ነ ሾሩዋ ነ ሁጲያዳን ሲቃ" ግያ አዛዙዋን ኩሚኖ።✝

10 ባረ ሾሩዋ ሲቅያ ኦንነ አዉ ኢታባ ኦና፤ ሄዋ ድራዉ፥ ሾሩዋ ሲቅያዌ ህግያ ኡባዉ ኤኖ ግያዋ።

12 "ሄዋ ድራዉ፥ ሀራ አሳይ ህንተዉ ኦናዉ ኮይያ ኡባባ ህንተካ አሳዉ ኦተ፤ አያዉ ጎፐ፥ ሙሴ ህግያ ብለይነ ናባቱ ታማርስያዌ ሀዋ።

1 ህንተንቱ እሻቱዋ ሲቅያዋ አጎፕተ። 2 እማ ሞክያዋካ ዶጎፕተ። አያዉ ጎፐ፥ ያትያዋን እት እት አሳይ ኤረናን ኪታንቻቱዋ ሞኬዳ።✝

27 ጾሳ አዉዋ ስንን ፖኩ ባይና ጌሻ ጎይናይ ሀዋ፤ ሄዌ ሀቃዌ ጎፐ፥ አታ አዉ ባይና ናናቱዋነ ዋየትያ አምኤቱዋ ማዳናዋነ ሳኣ ናጋራ ቅታፐ ባረ ሁጲያ ናጋናዋ።

8 ሲቁ ዳሮ ናጋራ ካምያ ድራዉ፥ ኡባባፐ አደ እቱ እቱዋና ዎዛናፐ ሲቀትተ።✝

10 ሄዋ ግዶፐ ሀ ኦናዉ ኑን ዳንዳይያዋን፥ አሳ ኡባዉ ሎኦባ ኦይተ፤ ሽን ኡባፐ አደ፥ ኑናና አማኑዋን ደእያዋንቶ ሎኦባ ኦይተ።

11 አያዉ ጎፐ፥ ኮይሩዋፐ ህንተ ስሴዳ ኪታይ፥ "እቱ እቱዋና ሲቀታናዉ በሴ" ያግያዋ።✝

34 ታን ህንተንታ ኦራ አዛዙዋ አዛዛይ፤ እቱ እቱዋ ሲቅተ። ታን ህንተንታ ሲቄዳዋዳንካ፥ ህንተንቱ እቱ እቱዋ ሲቃና በሴ።

11 ሄዋ ድራዉ፥ ህንተንቱ ቃይ ሀእ ኦያዋዳን፥ ሀራቱዋ መንተነ እቱ እቱዋ ድችተ።

2 እቱ እቱዋ ቶኩዋ ቶክተ፤ ሄዋ ኦያዋን ክርስቶሳ ህገዉ አዛዘቲታ።

2 ኑን ሁጲያን ሁጲያን ኑ እሻ ማዳናዉ፥ አማኑዋን አ ምንሳናዉነ ናሸቻናዉ በሴ።

24 ኦንነ ሀራ አሳ ማድያባ ቆፖፐ አትን፥ ሀራይ አቶ እቱነ ባረና ማድያባ ቆፖፖ።

10 እቱ እቱዋና እሻቱዋዳን ሲቀትተ፤ እቱ እቱዋ ቦንችያዋን ናሸትተ።

12 ኑን ህንተና ሎይ ሲቅያዋዳን፥ ጎዳይ ህንተንቱ እቱ እቱዋ ሲቅያ ሲቁዋነ ቃይ አሳ ኡባ ሲቅያ ሲቁዋ ህንተንቶ ዳርሶነ ጉጆ።

3 ህንተና ሲቅያዋን ዎይ ጬቀታናዉ ኮይያ መላ አሙዋን እትባነ ኦፕተ፤ ሽን እቱ እቱዋፐ ቃይ ያጊደ ቆፐናን፥ እቱ እቶ ህንተንቱ ሁጲያ ካዉሽተ።

13 እቱ እቱዋዋ ዳንዳይተ፤ ኦንነ ባረ ላግያ ቦላ ሀንቀቴዳዌ ደኦፐ፥ እቱ እቶ አቶ ያጎ። ክርስቶስ ህንተንቶ አቶ ጌዳዋዳን፥ ህንተካ አቶ ጊተ።

13 ሄዋ ድራዉ፥ ኑን እቱ እቱዋ ቦላ ፕርድያዋ ሀዋፐ ስንዉ አነ አጎይተ። ሽን ኡባፐ አደ፥ ህንተ እሻ ቢያባ ዎይ ናጋራን ኦልያባ ኦናዳን ቆፋ ቃችተ።

1 ሄዋ ድራዉ፥ ኔኖ ሀራንቱ ቦላ ፕርድያዎ፥ ነዉ ጋሶይያባይ ባዋ፤ አያዉ ጎፐ፥ ኔን ሀራንቱ ቦላ ፕርዳደ፥ ሄ ኔን ኡንቱንቱ ቦላ ፕርድያዋ ማላ ኦፐ፥ ነ ቦላ ፕርዳሳ።

8 ዉርሰን፥ ኡባይ እት ቆፋን ደእተ። እቱ እቶ ቃረትተ፤ እሻቱዋዳን ሲቀትተ፤ ቃይ እቱ እቶ ኬክያዋንታነ ህንተ ሁጲያ ካዉሽያዋንታ ግድተ።

5 እት ኡራይ፥ "ህቃ ጋላሳይ ሀራ ጋላሳቱዋፐ አ" ያጊደ ቆፕያ ዎደ፥ ሀራይ፥ "ኡባ ጋላሳቱካ እት ማላ" ጊደ ቆፔ። አሳይ ኡባይ ሁጲያን ሁጲያን ሄዋዳን አያዉ ቆፕንቶ አኬኮ።

14 "መቱዋን ደእያ ኡራይ ኡባ ዳንዳይያ ጾሳዉ ያይያዋ አግንቶካ፥ አ ላገቱ አዉ ኬካተ በሳናዉ ኮሼ።