2 Samuel 10

Ang kaniyang pahatid kay Hanun.

1 At nangyari pagkatapos nito, *Hanggang tal.19;1 Cron. 19:1-19.na ang hari *1 Sam. 11:1.ng mga anak ni Ammon ay namatay, at si Hanun na kaniyang anak ay naghari na kahalili niya.

2 At sinabi ni David, Aking *2 Sam. 9:1.pagpapakitaan ng kagandahang loob si Hanun na anak ni Naas, na gaya ng pagpapakita ng kagandahang loob ng kaniyang ama sa akin. Sa gayo’y nagsugo si David sa pamamagitan ng kaniyang mga lingkod upang aliwin siya tungkol sa kaniyang ama. At nagsiparoon ang mga lingkod ni David sa lupain ng mga anak ni Ammon.

3 Nguni’t sinabi ng mga prinsipe ng mga anak ni Ammon kay Hanun na kanilang panginoon, Inakala mo bang pinararangalan ni David ang iyong ama, kaya’t siya’y nagsugo ng mga tagaaliw sa iyo? hindi ba nagsugo si David ng kaniyang mga bataan sa iyo upang kilalanin ang bayan, at upang tiktikan, at upang daigin?

4 Sa gayo’y kinuha ni Hanun ang mga lingkod ni David, at inahit ang kalahati ng kanilang balbas, at pinutol ang kanilang mga suot sa gitna, sa kanilang pigi, at pinayaon.

5 Nang kanilang saysayin kay David, siya’y nagsugo upang salubungin sila; sapagka’t ang mga lalake ay totoong nangapahiya. At sinabi ng hari, Mangaghintay kayo sa Jerico hanggang sa tumubo ang inyong balbas, at kung magkagayo’y mangagbalik kayo.

Tinalo ni David ang magkakampi na Ammon at Siria.

6 At nang makita ng mga anak ni Ammon na sila’y naging nakapopoot kay David, ang mga anak ni Ammon ay nangagsugo, at inupahan ang mga taga *2 Sam. 8:3,5.Siria sa Beth-rehob, at ang mga taga Siria sa Soba, na dalawang pung libong naglalakad, at ang hari sa *Jos. 13:11,13;1 Cron. 19:6,7.Maaca na may isang libong lalake, at ang mga lalaking taga Tob na labing dalawang libong lalake.

7 At nang mabalitaan ni David, kaniyang sinugo si Joab at ang buong hukbo ng *2 Sam. 23:8.makapangyarihang mga lalake.

8 At ang mga anak ni Ammon ay nagsilabas at nagsihanay ng pakikipagbaka sa pasukan sa pintuang-bayan: at ang mga taga Siria sa Soba, at sa Rehob, at ang mga lalaking taga Tob at mga taga Maaca, ay nangabubukod sa parang.

9 Nang makita nga ni Joab na ang pagbabaka ay nauumang laban sa kaniyang harapan at likuran, siya’y pumili ng lahat na mga hirang na lalake sa Israel, at ipinaghahanay niya laban sa mga taga Siria:

10 At ang nalabi sa bayan ay kaniyang ibinigay sa kamay ni Abisai na kaniyang kapatid, at kaniyang ipinaghahanay laban sa mga anak ni Ammon.

11 At kaniyang sinabi, Kung ang mga taga Siria ay maging malakas kay sa akin, iyo ngang tutulungan ako: nguni’t kung ang mga anak ni Ammon ay maging malakas kay sa iyo, ay paparoon nga ako at tutulungan kita.

12 Magpakatapang ka, at tayo’y magpakalalake para sa *1 Sam. 4:9.ating bayan, at sa mga bayan ng ating Dios: at *1 Sam. 3:18.gawin nawa ng Panginoon ang inaakala niyang mabuti.

13 Sa gayo’y nagsilapit si Joab at ang bayan na kasama niya sa pakikipagbaka laban sa mga taga Siria: at sila’y nagsitakas sa harap niya.

14 At nang makita ng mga anak ni Ammon na ang mga taga Siria ay nagsitakas, sila naman ay nagsitakas sa harap ni *1 Sam. 26:6.Abisai, at nagsipasok sa bayan. Ngayo’y bumalik si Joab na mula sa mga anak ni Ammon, at naparoon sa Jerusalem.

15 At nang makita ng mga taga Siria na sila’y nasasahol sa harap ng Israel, sila’y nagpipisan.

16 At nagsugo si *2 Sam. 8:3.Hadadezer at dinala ang mga taga Siria na nangaroon sa dako pa roon ng Ilog; at sila’y nagsiparoon sa Helam, na kasama ni Sobach na puno ng hukbo ni Hadadezer sa kanilang unahan.

17 At nasaysay kay David, at kaniyang pinisan ang buong Israel, at tumawid sa Jordan, at naparoon sa Helam. At ang mga taga Siria ay nagsihanay laban kay David, at nagsilaban sa kaniya.

18 At ang mga taga Siria ay nagsitakas sa harap ng Israel; at pumatay si David sa mga taga Siria ng mga tao ng pitong daang karo, at apat na pung libo na *1 Cron. 19:18.nangangabayo, at sinaktan si Sobach na kapitan sa kanilang hukbo, na anopa’t namatay roon.

19 At nang makita ng lahat na hari na mga lingkod ni Hadadezer na sila’y nasahol sa harap ng Israel, ay nangakipagpayapaan sa Israel *2 Sam. 8:6.at nangaglingkod sa kanila. Sa gayo’y nangatakot ang mga taga Siria na magsitulong pa sa mga anak ni Ammon.