Ang talinghaga ni Nathan.
1 At sinugo ng Panginoon si Nathan12:1 2 Sam. 7:2-17. Awit 51: titik. kay David. At siya’y naparoon sa kaniya, at nagsabi sa kaniya, Huk. 9:8-15;2 Sam. 14:5;1 Hari 20:35-41;Is. 5:1-7.May dalawang lalake sa isang bayan; ang isa ay mayaman at ang isa ay mahirap.
2 Ang mayaman ay mayroon totoong maraming kawan at bakahan:
3 Nguni’t ang mahirap ay walang anomang bagay, liban sa isang munting korderong babae, na kaniyang binili at inalagaan: at lumaki sa kaniya, at sa kaniyang mga anak; kumakain ng kaniyang sariling pagkain at umiinom ng kaniyang sariling inumin, at humihiga sa kaniyang sinapupunan, at sa kaniya’y parang isang anak.
4 At naparoon ang isang maglalakbay sa mayaman, at ipinagkait niya ang kaniyang sariling kawan at ang kaniyang sariling bakahan, na ihanda sa naglalakbay na dumating sa kaniya, kundi kinuha ang kordero ng mahirap na lalake, at inihanda sa lalake na dumating sa kaniya.
5 At ang galit ni David ay nagalab na mainam laban sa lalake; at kaniyang sinabi kay Nathan, Buhay ang Panginoon, 1 Sam. 20:31;26:16.ang lalake na gumawa nito ay karapatdapat na mamatay:
6 At isinauli ang kordero na may dagdag na Ex. 22:1;Luc. 19:8.apat, sapagka’t kaniyang ginawa ang bagay na ito, at sapagka’t siya’y hindi naawa.
Ang pagtuligsa kay David.
7 At sinabi ni Nathan kay David, Ikaw ang lalaking yaon. Ganito ang sabi ng Panginoon, ng Dios ng Israel, 1 Sam. 16:13.Pinahiran kita ng langis na maging hari sa Israel, at aking iniligtas ka sa kamay ni Saul;
8 At ibinigay ko sa iyo ang bahay ng iyong panginoon, at ang mga 2 Sam. 3:7;16:21;1 Hari 2:22.asawa ng iyong panginoon sa iyong sinapupunan, at ibinigay ko sa iyo ang sangbahayan ng Israel at ng Juda; at kung totoong kakaunti pa ito, ay dadagdagan pa kita ng gayong bagay.
9 Bakit nga iyong Blg. 15:31.niwalang kabuluhan ang salita ng Panginoon, na iyong ginawa ang masama sa kaniyang paningin? iyong sinugatan ng tabak si Uria na 2 Sam. 11:15-17,27.Hetheo, at iyong kinuha ang kaniyang asawa upang maging iyong asawa, at iyong pinatay siya ng tabak ng mga anak ni Ammon.
10 Ngayon nga’y ang tabak ay hindi hihiwalay kailan man sa iyong sangbahayan; sapagka’t iyong niwalan ng kabuluhan ako, at iyong kinuha ang asawa ni Uria na Hetheo upang maging iyong asawa.
11 Ganito ang sabi ng Panginoon, Narito, ako’y magtitindig ng kasamaan laban sa iyo na mula sa iyong sariling sangbahayan, Deut. 28:30;2 Sam. 16:22.at aking kukunin ang iyong mga asawa sa harap ng iyong mga mata, at aking ipagbibigay sa iyong kapuwa, at kaniyang sisipingan ang iyong mga asawa sa sikat ng araw na ito.
12 Sapagka’t iyong ginawa na lihim: 2 Sam. 16:22.nguni’t aking gagawin ang bagay na ito sa harap ng buong Israel, at sa harap ng araw.
13 1 Sam. 15:24.At sinabi ni David kay Nathan, 2 Sam. 24:10;Awit 32:5;51:4.Ako’y nagkasala laban sa Panginoon. At sinabi ni Nathan kay David, 2 Sam. 24:10;Awit 32:1.Inalis din ng Panginoon ang iyong kasalanan; hindi ka mamamatay.
14 Gayon ma’y sapagka’t sa gawang ito’y iyong binigyan ng malaking pagkakataon ang mga kaaway ng Panginoon Is. 52:5;Rom. 2:24.upang magsipanungayaw, ang bata naman na ipinanganak sa iyo ay walang pagsalang mamamatay.
Ang kamatayan ng anak ni David.
15 At si Nathan ay umuwi sa kaniyang bahay. At sinaktan ng Panginoon ang bata na ipinanganak ng asawa ni Uria kay David, at totoong malubha.
16 Ipinanalangin nga ni David sa Dios ang bata; at si David ay nagaayuno, at pumapasok, 2 Sam. 13:31.at humihiga buong gabi sa lupa.
17 At bumabangon ang mga matanda sa kaniyang bahay, at tumatayo sa siping niya, upang itindig siya sa lupa; nguni’t siya’y ayaw kahit kumain ng tinapay na kasalo nila.
18 At nangyari, nang ikapitong araw, na ang bata ay namatay. At nangatakot ang mga lingkod ni David na saysayin sa kaniya na ang bata ay patay na: sapagka’t kanilang sinabi, Narito, samantalang ang bata ay buháy pa, tayo ay nakipagsalitaan sa kaniya, at hindi siya nakinig sa ating tinig: gaano ngang ikababagabag niya kung ating sasabihin sa kaniya na ang bata ay patay na?
19 Nguni’t nang makita ni David na ang kaniyang mga lingkod ay nagbubulong-bulungan, nahalata ni David na ang bata ay patay na: at sinabi ni David sa kaniyang mga lingkod, Patay na ba ang bata? At kanilang sinabi, Siya’y patay na.
20 Nang magkagayo’y bumangon si David sa lupa at naligo, at nagpahid ng langis, at nagbihis ng kaniyang suot; at siya’y naparoon sa bahay ng Panginoon, Job 1:20.at sumamba: saka naparoon siya sa kaniyang sariling bahay; at nang siya’y humingi, hinainan nila ng tinapay siya sa harap, at siya’y kumain.
21 Nang magkagayo’y sinabi ng kaniyang mga lingkod sa kaniya, Anong bagay ito na iyong ginawa? ikaw ay nagaayuno at umiiyak dahil sa bata, samantalang siya’y buháy; ngunit nang mamatay ang bata, ikaw ay bumangon at kumain ng tinapay.
22 At kaniyang sinabi, Samantalang ang bata’y buháy pa, ako’y nagaayuno at umiiyak: sapagka’t aking Is. 38:1,5;Jon. 3:9.sinabi, Sino ang nakakaalam kung maaawa sa akin ang Panginoon, na anopa’t ang bata’y mabuhay?
23 Nguni’t ngayo’y patay na siya; bakit pa ako magaayuno? Maibabalik ko pa ba siya? Ako’y paroroon sa kaniya, Job 7:8-10.nguni’t siya’y hindi babalik sa akin.
Ang kapanganakan ni Salomon.
24 At inaliw ni David si Bath-sheba na kaniyang asawa, at lumapit sa kaniya, at sumiping sa kaniya: Mat. 1:6.At siya’y nanganak ng isang lalake, 1 Cron. 22:9.at tinawag niya ang kaniyang pangalan na Salomon. At minahal siya ng Panginoon.
25 At nagsugo siya sa pamamagitan ng kamay ni Nathan na propeta, at tinawag niya ang kaniyang pangalan na Jedidiah12:25 Samakatuwid baga’y maibigin kay Jehova. alang-alang sa Panginoon.
Si David ay pumunta sa Rabba.
26 Nakipaglaban nga si 1 Cron. 20:1.Joab, sa 2 Sam. 11:1,17.Rabba sa mga anak ni Ammon, at sinakop ang bayang hari.
27 At nagsugo si Joab ng mga sugo kay David, at nagsabi, Ako’y nakipaglaban sa Rabba, oo, aking sinakop ang bayan ng mga bukal ng tubig.
28 Ngayon nga’y pisanin mo ang nalabi sa bayan, at humantong ka laban sa bayan, at sakupin mo: baka aking sakupin ang bayan, at tawagin ayon sa aking pangalan.
29 At pinisan ni David ang buong bayan, at naparoon sa Rabba, at bumaka laban doon, at sinakop.
30 1 Cron. 20:2.At inalis ang putong ng kanilang hari sa kaniyang ulo: at ang bigat niyaon ay isang talentong ginto, at may mga mahalagang bato; at ipinutong sa ulo ni David. At siya’y naglabas ng samsam sa bayan na totoong marami.
31 At kaniyang inilabas ang bayan na nandoon, at inilagay sa ilalim ng mga lagari, at ng mga suyod na bakal, at ng mga palakol na bakal, at mga pinaraan sa mga lutuan ng laryo: at gayon ang ginawa niya sa lahat ng mga bayan ng mga anak ni Ammon. At si David at ang buong bayan ay bumalik sa Jerusalem.