Saran ni Hajara la ko
21 Nba, ai mɛnilu ye a fɛ ka tɔ Musa la sariya kɔrɔ, ai ye n jabi: Sariya wo ka mɛn fɔ, ai ma wo lɔn wa? 22 Nba a sɛbɛni ko Iburahima ka dencɛ fila sɔrɔn. Jɔnmuso ka kelen sɔrɔn a yɛ, hɔrɔnmuso ka a tɔ kelen sɔrɔn a yɛ. 23 Jɔnmuso den sɔrɔnda ikomin cɛɛ ni muso ye den sɔrɔnna ɲa mɛn ma tuma bɛɛ. Kɔni hɔrɔnmuso den sɔrɔnda ka a kɛ lahidi den de ri, Alla tun ka lahidi mɛn ta Iburahima yɛ.
24 Misaliya gbɛrɛ fanan ye tariku wo rɔ. Nba, muso fila woilu ye teriya su fila yirakala. Teriya mɛn sidira Sinayi koyinkɛ kan, Hajara ye wo le yirakala. Ale ye den mɛnilu sɔrɔnna, woilu ye jɔnilu le ri. 25 Hajara le ye Sinayi koyinkɛ misali ri, mɛn ye Arabu jamana rɔ. Hajara le ye Jerusalɛmu misali fanan di, mɛn ye ye bi. Baa Jerusalɛmu wo ni a la mɔɔilu ye jɔnya le rɔ. 26 Kɔni Alla la Jerusalɛmu mɛn ye sanma, wo hɔrɔyani le. Ale le ikomin an na.