1 א וישלח המלך ויאספו אליו כל זקני יהודה וירושלם
2 ב ויעל המלך בית יהוה וכל איש יהודה וכל ישבי ירושלם אתו והכהנים והנביאים וכל העם למקטן ועד גדול ויקרא באזניהם את כל דברי ספר הברית הנמצא בבית יהוה
3 ג ויעמד המלך על העמוד ויכרת את הברית לפני יהוה ללכת אחר יהוה ולשמר מצותיו ואת עדותיו ואת חקתיו בכל לב ובכל נפש להקים את דברי הברית הזאת הכתבים על הספר הזה ויעמד כל העם בברית
4 ד ויצו המלך את חלקיהו הכהן הגדול ואת כהני המשנה ואת שמרי הסף להוציא מהיכל יהוה את כל הכלים העשוים לבעל ולאשרה ולכל צבא השמים וישרפם מחוץ לירושלם בשדמות קדרון ונשא את עפרם בית אל
5 ה והשבית את הכמרים אשר נתנו מלכי יהודה ויקטר בבמות בערי יהודה ומסבי ירושלם ואת המקטרים לבעל לשמש ולירח ולמזלות ולכל צבא השמים
6 ו ויצא את האשרה מבית יהוה מחוץ לירושלם אל נחל קדרון וישרף אתה בנחל קדרון וידק לעפר וישלך את עפרה על קבר בני העם
7 ז ויתץ את בתי הקדשים אשר בבית יהוה אשר הנשים ארגות שם בתים--לאשרה
8 ח ויבא את כל הכהנים מערי יהודה ויטמא את הבמות אשר קטרו שמה הכהנים מגבע עד באר שבע ונתץ את במות השערים אשר פתח שער יהושע שר העיר אשר על שמאול איש בשער העיר
9 ט אך לא יעלו כהני הבמות אל מזבח יהוה בירושלם כי אם אכלו מצות בתוך אחיהם
10 י וטמא את התפת אשר בגי בני (בן) הנם לבלתי להעביר איש את בנו ואת בתו באש--למלך
11 יא וישבת את הסוסים אשר נתנו מלכי יהודה לשמש מבא בית יהוה אל לשכת נתן מלך הסריס אשר בפרורים ואת מרכבות השמש שרף באש
12 יב ואת המזבחות אשר על הגג עלית אחז אשר עשו מלכי יהודה ואת המזבחות אשר עשה מנשה בשתי חצרות בית יהוה--נתץ המלך וירץ משם והשליך את עפרם אל נחל קדרון
13 יג ואת הבמות אשר על פני ירושלם אשר מימין להר המשחית אשר בנה שלמה מלך ישראל לעשתרת שקץ צידנים ולכמוש שקץ מואב ולמלכם תועבת בני עמון--טמא המלך
14 יד ושבר את המצבות ויכרת את האשרים וימלא את מקומם עצמות אדם
15 טו וגם את המזבח אשר בבית אל הבמה אשר עשה ירבעם בן נבט אשר החטיא את ישראל--גם את המזבח ההוא ואת הבמה נתץ וישרף את הבמה הדק לעפר ושרף אשרה
16 טז ויפן יאשיהו וירא את הקברים אשר שם בהר וישלח ויקח את העצמות מן הקברים וישרף על המזבח ויטמאהו--כדבר יהוה אשר קרא איש האלהים אשר קרא את הדברים האלה
17 יז ויאמר--מה הציון הלז אשר אני ראה ויאמרו אליו אנשי העיר הקבר איש האלהים אשר בא מיהודה ויקרא את הדברים האלה אשר עשית על המזבח בית אל
18 יח ויאמר הניחו לו איש אל ינע עצמותיו וימלטו עצמותיו--את עצמות הנביא אשר בא משמרון
19 יט וגם את כל בתי הבמות אשר בערי שמרון אשר עשו מלכי ישראל להכעיס--הסיר יאשיהו ויעש להם--ככל המעשים אשר עשה בבית אל
20 כ ויזבח את כל כהני הבמות אשר שם על המזבחות וישרף את עצמות אדם עליהם וישב ירושלם
21 כא ויצו המלך את כל העם לאמר עשו פסח ליהוה אלהיכם--ככתוב על ספר הברית הזה
22 כב כי לא נעשה כפסח הזה מימי השפטים אשר שפטו את ישראל וכל ימי מלכי ישראל--ומלכי יהודה
23 כג כי אם בשמנה עשרה שנה למלך יאשיהו נעשה הפסח הזה ליהוה--בירושלם
24 כד וגם את האבות ואת הידענים ואת התרפים ואת הגללים ואת כל השקצים אשר נראו בארץ יהודה ובירושלם--בער יאשיהו למען הקים את דברי התורה הכתבים על הספר אשר מצא חלקיהו הכהן בית יהוה
25 כה וכמהו לא היה לפניו מלך אשר שב אל יהוה בכל לבבו ובכל נפשו ובכל מאדו--ככל תורת משה ואחריו לא קם כמהו
26 כו אך לא שב יהוה מחרון אפו הגדול אשר חרה אפו ביהודה--על כל הכעסים אשר הכעיסו מנשה
27 כז ויאמר יהוה גם את יהודה אסיר מעל פני כאשר הסרתי את ישראל ומאסתי את העיר הזאת אשר בחרתי את ירושלם ואת הבית אשר אמרתי יהיה שמי שם
28 כח ויתר דברי יאשיהו וכל אשר עשה הלא הם כתובים על ספר דברי הימים--למלכי יהודה
29 כט בימיו עלה פרעה נכה מלך מצרים על מלך אשור--על נהר פרת וילך המלך יאשיהו לקראתו וימיתהו במגדו כראתו אתו
30 ל וירכבהו עבדיו מת ממגדו ויבאהו ירושלם ויקברהו בקברתו ויקח עם הארץ את יהואחז בן יאשיהו וימשחו אתו וימליכו אתו תחת אביו {פ}
31 לא בן עשרים ושלש שנה יהואחז במלכו ושלשה חדשים מלך בירושלם ושם אמו חמוטל בת ירמיהו מלבנה
32 לב ויעש הרע בעיני יהוה ככל אשר עשו אבתיו
33 לג ויאסרהו פרעה נכה ברבלה בארץ חמת במלך (ממלך) בירושלם ויתן ענש על הארץ מאה ככר כסף וככר זהב
34 לד וימלך פרעה נכה את אליקים בן יאשיהו תחת יאשיהו אביו ויסב את שמו יהויקים ואת יהואחז לקח ויבא מצרים וימת שם
35 לה והכסף והזהב נתן יהויקים לפרעה--אך העריך את הארץ לתת את הכסף על פי פרעה איש כערכו נגש את הכסף ואת הזהב את עם הארץ לתת לפרעה נכה {ס}
36 לו בן עשרים וחמש שנה יהויקים במלכו ואחת עשרה שנה מלך בירושלם ושם אמו זבידה (זבודה) בת פדיה מן רומה
37 לז ויעש הרע בעיני יהוה ככל אשר עשו אבתיו
1 于是王派人召集犹大和耶路撒冷所有的长老到他那里。
2 王登上耶和华的殿， 犹大众人、耶路撒冷所有的居民， 还有祭司、先知和众民， 不论大小， 都一同前往。王就把在耶和华殿发现的约书所记的一切话都念给他们听。
3 王站在柱旁， 在耶和华面前立约， 要一心一意跟从耶和华， 谨守他的诫命、典章和律例， 实行这书上所写有关这约的话。众民都一同立约。
4 王吩咐希勒家大祭司、副祭司和守殿门的， 把所有为巴力、亚舍拉和天上的万象所制造的器皿， 从耶和华殿里搬出去， 在耶路撒冷城外汲沦谷的田野， 把它们烧了。然后把它们的灰烬带到伯特利去。
5 他废除了从前犹大列王所立、在犹大各城的邱坛， 和耶路撒冷的周围焚香拜偶像的祭司。又废除向巴力、日、月、星辰和天上万象焚香的人。
6 他把亚舍拉像从耶和华殿里搬走， 拿到耶路撒冷外的汲沦溪去， 在汲沦溪把它烧毁， 磨碎成灰， 把灰撒在平民的坟墓上。
7 他拆毁在耶和华殿内男性庙妓的房屋， 就是妇女为亚舍拉编织袍子的地方。
8 他又从犹大各城把祭司们召来， 污秽祭司们焚香的邱坛， 从迦巴直到别是巴。他又拆毁设在城门的邱坛， 就是在市长约书亚门的出入处， 在城门的左边。
9 但是邱坛的祭司不会登上在耶路撒冷耶和华的祭坛， 他们只是在他们的兄弟中间吃无酵饼。
10 他又污秽在欣嫩子谷的陀斐特， 人在那里将儿女焚烧献给摩洛。
11 他又除去犹大列王献给日头的马匹； 这些马匹是在耶和华殿的入口处， 靠近太监拿单．米勒在院子里的住宅。他又把献给日头的战车用火烧掉。
12 他又把亚哈斯的楼房顶上， 犹大列王所做的祭坛， 和玛拿西在耶和华殿的两院中所做的祭坛拆毁， 就地打碎， 把它们的灰尘倒进汲沦溪去。
13 在耶路撒冷东面、橄榄山南面的邱坛， 就是以色列王所罗门为西顿人可憎的神亚斯他录、摩押人可憎的神基抹， 和亚扪人可憎的神米勒公所筑的邱坛， 王都污秽了。
14 他又打碎神柱， 砍下亚舍拉， 把死人的骨头布满那个地方。
15 此外， 甚至在伯特利的祭坛和那使以色列人陷于罪中的尼八的儿子耶罗波安所做的邱坛， 他都拆毁焚烧， 压碎成灰， 又把亚舍拉烧了。
16 约西亚转过身来， 看见在山上的坟墓， 于是派人把骨头从坟墓中取出来， 烧在祭坛上， 污秽它， 就像神人从前所宣告的耶和华的话。
17 约西亚说： "我看见的这墓碑是谁的呢？"那城的人对他说： "这是以前从犹大来预告你在伯特利祭坛上所作的事的神人的坟墓。"
18 所以王说： "由他吧！ 不要让人动他的骨头。"于是他们没有碰他的骨头和那从撒玛利亚来的先知的骨头。
19 以色列诸王在撒玛利亚各城市建造， 以致激怒耶和华的一切邱坛上的庙堂， 约西亚都除去； 他照着在伯特利所行的一切对付它们。
20 他又把所有邱坛的祭司都在祭坛上宰了。他把人的骨头烧在它们上面， 然后回到耶路撒冷去了。
21 王又命令众民说： "照着这约书上所写的， 守逾越节， 记念耶和华你们的 神。"
22 真的自从士师治理以色列的日子以来， 以及以色列诸王和犹大列王所有的日子以来， 没有守过像这次的逾越节的。
23 只有在约西亚王第十八年， 在耶路撒冷守了这逾越节， 记念耶和华。
24 约西亚也除去在犹大地和耶路撒冷所有招魂的、行巫术的、家神、偶像和一切可憎之物， 为要实践希勒家祭司在耶和华殿里所寻得的书上所写律法的话。
25 在他以前没有王好像他按着摩西一切律法， 全心、全性、全力归向耶和华； 在他以后也没有兴起一个王好像他的。
26 但耶和华并没有把他向犹大所发的烈怒消除， 因玛拿西种种的恶行激怒了他。
27 耶和华说： "我也要把犹大从我面前赶走， 好像我把以色列除去一样。我要丢弃我所拣选的城市耶路撒冷， 以及圣殿， 我曾说： ‘我的名必立在那里。’"
28 约西亚其余的事迹和他所行的一切， 不是都写在犹大列王的年代志上吗？
29 在约西亚的日子， 埃及王法老尼哥上来幼发拉底河帮助亚述王， 约西亚王竟去迎战他， 法老看见他的时候， 就把他杀死在米吉多。
30 他的臣仆把他的尸体从米吉多用马车运载， 送到耶路撒冷， 把他埋葬在他自己的坟墓里。国民选举约西亚的儿子约哈斯， 膏了他， 立他接续他父亲作王。
31 约哈斯登基时是二十三岁， 他在耶路撒冷作王三个月。他母亲名叫哈慕他， 是立拿人耶利米的女儿。
32 他行耶和华看为恶的事， 好像他的祖先所行的。
33 法老尼哥把他囚禁在哈马地的利比拉， 使他不能在耶路撒冷作王； 又罚了犹大国三千公斤银子和三十公斤金子。
34 法老尼哥另立约西亚的儿子以利雅敬接续他的父亲约西亚作王， 改了他的名字作约雅敬。他俘掳了约哈斯， 把他带到埃及， 他就死在那里。
35 约雅敬把银子、金子付给法老； 为了应付法老的命令， 他向全国征收税银， 按着他的评估， 向每位国民索取金银， 好付给法老尼哥。
36 约雅敬登基的时候是二十五岁， 他在耶路撒冷作王十一年。他母亲名叫西布大， 是鲁玛人毗大雅的女儿。
37 他行耶和华看为恶的事， 好像他的祖先一切所行的。