1 א וידבר יהוה אל משה לאמר
2 ב דבר אל אהרן ואל בניו ואל כל בני ישראל ואמרת אליהם זה הדבר אשר צוה יהוה לאמר
3 ג איש איש מבית ישראל אשר ישחט שור או כשב או עז במחנה או אשר ישחט מחוץ למחנה
4 ד ואל פתח אהל מועד לא הביאו להקריב קרבן ליהוה לפני משכן יהוה--דם יחשב לאיש ההוא דם שפך ונכרת האיש ההוא מקרב עמו
5 ה למען אשר יביאו בני ישראל את זבחיהם אשר הם זבחים על פני השדה והביאם ליהוה אל פתח אהל מועד אל הכהן וזבחו זבחי שלמים ליהוה--אותם
6 ו וזרק הכהן את הדם על מזבח יהוה פתח אהל מועד והקטיר החלב לריח ניחח ליהוה
7 ז ולא יזבחו עוד את זבחיהם לשעירם אשר הם זנים אחריהם חקת עולם תהיה זאת להם לדרתם
8 ח ואלהם תאמר--איש איש מבית ישראל ומן הגר אשר יגור בתוכם אשר יעלה עלה או זבח
9 ט ואל פתח אהל מועד לא יביאנו לעשות אתו ליהוה--ונכרת האיש ההוא מעמיו
10 י ואיש איש מבית ישראל ומן הגר הגר בתוכם אשר יאכל כל דם--ונתתי פני בנפש האכלת את הדם והכרתי אתה מקרב עמה
11 יא כי נפש הבשר בדם הוא ואני נתתיו לכם על המזבח לכפר על נפשתיכם כי הדם הוא בנפש יכפר
12 יב על כן אמרתי לבני ישראל כל נפש מכם לא תאכל דם והגר הגר בתוככם לא יאכל דם
13 יג ואיש איש מבני ישראל ומן הגר הגר בתוכם אשר יצוד ציד חיה או עוף אשר יאכל--ושפך את דמו וכסהו בעפר
14 יד כי נפש כל בשר דמו בנפשו הוא ואמר לבני ישראל דם כל בשר לא תאכלו כי נפש כל בשר דמו הוא כל אכליו יכרת
15 טו וכל נפש אשר תאכל נבלה וטרפה באזרח ובגר וכבס בגדיו ורחץ במים וטמא עד הערב--וטהר
16 טז ואם לא יכבס ובשרו לא ירחץ--ונשא עונו {פ}
1 耶和华对摩西说：
2 "你要告诉亚伦和他的儿子， 以及以色列人， 对他们说： 这是耶和华的吩咐：
3 以色列家的任何人， 不论在营内， 或在营外， 宰杀公牛、绵羊或山羊，
4 而不牵到会幕门口， 耶和华的帐幕面前， 献给耶和华作供物， 流血的罪就要归到那人身上； 他既然流了牲畜的血， 就必从自己的族人中被剪除。
5 这条例的目的是要以色列人把他们惯常在田野里宰杀的祭牲， 带去给耶和华， 到会幕门口交给祭司， 好像献给耶和华作平安祭那样宰杀牲畜。
6 祭司要把血泼在会幕门口耶和华的祭坛上， 把脂肪焚烧， 献给耶和华作馨香的祭。
7 他们不可再杀祭牲， 献给那些山羊， 就是他们所随从行邪淫的鬼神。这要作他们世世代代永远的律例。
8 "你要对他们说： 以色列家的任何人， 或是在你们中间寄居的外人， 献燔祭或是平安祭的时候，
9 如果不牵到会幕门口， 把它献给耶和华， 那人就必从自己的族人中被剪除。
10 "以色列家的任何人， 或是在你们中间寄居的外人， 如果吃了任何血， 我必向那吃血的人变脸， 把他从自己的族人中剪除。
11 因为动物的生命是在血里， 我指定这祭坛上的血代替你们的生命， 因为血里有生命， 所以能代赎生命。
12 所以我对以色列人说： 你们中间任何人都不可吃血， 在你们中间寄居的外人也不可吃血。
13 任何以色列人， 或是在你们中间寄居的外人中， 有人打猎得了可以吃的禽兽， 总要放尽它的血， 用泥土掩盖。
14 "因为所有动物的生命就在它们的血中， 所以我对以色列人说： 任何动物的血， 你们都不可吃； 因为所有动物的血， 就是它的生命； 吃血的， 必被剪除。
15 吃了自死的， 或是被野兽撕裂的动物， 无论是本地人或是寄居的， 都要洗净自己的衣服， 用水洗澡， 并且不洁净到晚上， 以后他才算洁净。
16 但是， 如果他不洗净衣服， 也不洗身， 他就要担当自己的罪责。"