1 ✝ 5:1 Jon 1:12-13; 15:23; 1 Jon 2:22-23; 4:15 Gumazamiziba bar nɨghnɨzir gavgavir kam ikɨ suam, Iesus, a God Uam E Iniasa Mɨsevezir Gumazim, me Godɨn boriba. Kar nguazir kamɨn arazim: Gumazamiziba bar afeziar mam gifuegha, egha uaghan an boribagh ifonge.*5:1 Nɨ akar 1 Jon 2:22 ko 4:2ɨn itimɨn gan. 2 E God gifuegh an Akar Gavgavibar gɨn mangɨva, kamaghɨn e fo, e Godɨn boribagh ifonge. 3,4 ✝5:3-4 Maika 6:8; Matyu 11:30; Jon 14:15; 14:21-24; 16:33; 1 Jon 3:9; 4:4; 2 Jon 1:6E God gifongezir arazimra kara. God bar a gifonge, kamaghɨn e an Akar Gavgavibar gɨn mangam. Godɨn boriba bar nguazir kamɨn arazir kurabar gavgavim gafira, kamaghɨn amizɨ an Akar Gavgavibar gɨn mangamin tuavim e basemezir puvatɨ. E nɨghnɨzir gavgavim Godɨn iti. Egha e uan nɨghnɨzir gavgavimɨn tuavimɨn nguazir kamɨn arazir kuraba dɨkabɨragha dagh afira.

5 ✝ 5:5 Rom 8:37; 1 Korin 15:57; 1 Jon 4:4; 4:15 Terara nguazir kamɨn arazir kurabar gavgavim gafiragham? Gumazamizir nɨghnɨzir gavgavim Iesusɨn ikɨ suam, a Godɨn Otarim, merara.*5:5 Nɨ akar 1 Jon 4:2ɨn gan.

6 ✝ 5:6 Jon 1:29-34; 14:17; 16:13; 19:34; 1 Timoti 3:16; 1 Jon 1:7 Krais Iesus, a nguazir kamɨn ize. Ezɨ Jon dɨpamɨn a ruezɨma, a gɨn aremezɨ an ghuzim ire. Jon dɨpamra a ruezir pu. Puvatɨ, a uaghan aremezɨ an ghuzim ire. Godɨn Duamra zurara guizɨn akabar en akakasi. Kamaghɨra Godɨn Duam bizir kabar en akakasi.*5:6 Grighɨn akam, vezɨn kamɨn deravɨra bigha mɨkemezir puvatɨ. A dɨpam ko ghuzimra mɨkeme. Ezɨ gumazir avɨriba ghaze, dɨpam, a Iesus ruezir dɨpam. Ezɨ ghuzim, a Iesusɨn ovevem mɨgei. 7 ✝5:7 Jon 1:1; 10:30; Akar Mogomem 19:13Ezɨ God tuavir pumuning ko mɨkezim en akazɨ, e fo, Iesus a tina. Tuavir kabara kara. Godɨn Duam e mɨgei. Ezɨ Jon Iesus dɨpamɨn a rue. Ezɨ Iesus aremezɨ an ghuzim ire. 8 ✝5:8 Jon 15:26Tuavir pumuning ko mɨkezir kaba uari inigha kamaghɨn e mɨkeme. Ezɨ e fo, Iesus a Godɨn Otarim. 9 ✝5:9 Matyu 3:16-17; 17:5; Jon 5:32-37; 8:17-18Gumazamiziba, me fozir bizibar gun mɨgeima, e nɨghnɨzir gavgavim men akabar iti. God uan Otarimɨn gun mɨgeir biziba, da guizɨn biziba, ezɨ gumazamiziba mɨgeir biziba pura biziba. God mɨgeir biziba dagh afira. 10 ✝5:10 Jon 3:33; 5:38; Rom 8:16; Galesia 4:6Gumazamiziba uan navir averiamɨn nɨghnɨzir gavgavim Godɨn Otarimɨn ikɨva, egh me bar fogh suam, God mɨkemezir mɨgɨrɨgɨam, a guizbangɨra mɨgɨrɨgɨam. Gumazamiziba nɨghnɨzir gavgavim Godɨn mɨgɨrɨgɨamɨn ikian kogh, egh God uan Otarimɨn gun mɨkemezir akam baraghan aghuaghɨva, me kamaghɨn mati Godɨn mɨgɨa ghaze, God ifari. 11 ✝5:11 Jon 3:36God ikɨrɨmɨrir aghuir zurara itim e ganɨngizɨ, e fo, mɨgɨrɨgɨar kam, a guizɨn mɨgɨrɨgɨam. Godɨn Otarimɨn poroghav itir tuavimɨn, e ikɨrɨmɨrir aghuir kam iti. 12 ✝5:12 Jon 3:36; 5:24Gumazamizir Godɨn Otarimɨn poroghav itiba, me ikɨrɨmɨrir aghuir zurara itim isi. Gumazamizir Godɨn Otarimɨn poroghav itir puvatɨziba, me ikɨrɨmɨrir aghuir zurara itim isir puvatɨ.

13 ✝ 5:13 Jon 20:31; 1 Jon 1:1-2 Ia nɨghnɨzir gavgavim Godɨn Otarimɨn ziamɨn itiba, ia ikɨrɨmɨrir aghuir zurara itim iniasa, kɨ fuegha, kamaghɨn kɨ bizir kaba ia bagha da osiri. 14 ✝5:14 Jon 14:13; 16:23; 1 Jon 3:21-22E fo, e Godɨn ifongiamɨn gɨntɨgh, biziba bagh an azangsɨghtɨma, an en azangsɨziba baragham. Kamaghɨn e Godɨn boroghɨn mangɨsɨ atiatingɨva okam nɨghnɨghan kogham. 15 E fo, an e barasi, kamaghɨn e bizitam bagh an azangsɨghɨva, fogh suam, an e ganigha gɨfa.

16 ✝ 5:16 Matyu 12:31-32; Luk 12:10; Hibru 6:4-6; Jems 5:14-15 Godɨn borir igharazitam arazir kurar helɨn magɨran koghamim damutɨ, tina foghɨva a bagh God ko mɨkɨm. Eghtɨ God ikɨrɨmɨrir aghuir zurara itim a danɨngam. Kar kɨ arazir kurar gumazim damightɨma a helɨn magɨran koghamibav gei. Arazir kurar mam iti, a guizbangɨra gumazibagh amima me helɨn aven zurara ikiava Godɨn saghon iti. Kɨ gumazamizir arazir kurar kabagh amiba God men akurvaghasa kɨ ia mɨgeir puvatɨ.*5:16 Akar kamɨn mɨngarim a deravɨram otozir puvatɨ. Gumazir maba ghaze, a gumazir ovengezibav gei. Ezɨ marazi ghaze, an ovever namba 2ɨn mɨgɨrɨgɨam. Nɨ Akar Mogomem sapta 2:11 ko 20:14ɨn gan. Me akar kam "ovevem," a gɨrazɨ a kamakɨn, "helɨn ovenge." 17 Arazir derazir puvatɨziba da arazir kuraba. Arazir kurar avɨriba ikia, egha maba gumazamizibagh amima me helɨn ikia Godɨn saghon iti. Ezɨ arazir kurar mam iti, a gumazamizibagh amima me helɨn ghuaghirir puvatɨ.

18 ✝ 5:18 Jon 17:15; 1 Pita 1:23; 1 Jon 3:9 E fo, Godɨn otivizir boriba me arazir kurabar gɨn zuir pu. Puvatɨ, Godɨn otozir Otarim, Iesus, deravɨra Godɨn borir igharazibar gari. Ezɨ Satan bizitam me damighan kogham. 19 ✝5:19 Rom 8:10; 8:23; Galesia 1:4; 1 Jon 4:6E fo, e Godɨn boriba. Egha e uaghan fo, nguazimɨn itir gumazamizir Godɨn gɨn zuir puvatɨziba, me Satanɨn gavgavimɨn apengan iti. 20 ✝5:20 Aisaia 9:6; Matyu 25:46; Jon 17:3; 1 Timoti 3:16; Hibru 1:8Egha e uaghan fo, Godɨn Otarim nguazir kamɨn izegha, egha e guizɨn God gɨfoghasa, a fofozim e ganɨngi. Ezɨ e, guizɨn God uan Otarim Krais Iesus ko, aningɨn poroghav iti. Krais Iesus, a guizɨn God. Egha a ikɨrɨmɨrir aghuir zurara itim e ganɨngi. 21 ✝5:21 1 Korin 10:14Kamaghɨn amizɨ, nan boriba, ia deravɨra uari bagh gan, aseba o marvir guaba o nguazimɨn itir bizitam ian navir averiabar aven ikɨ guizɨn Godɨn danganim inian markɨ.