Atos 2

Pita akam akuri

14 Ezɨ Pita 11plan aposelba ko tughav ikia, egha pamtem kamaghɨn gumazamizibav gei, "Ia Judaba ko Jerusalemɨn itir gumazamiziba, ia bar deraghvɨra na baragh. Kɨ bizir otozir kamɨn gun ia mɨkemeghtɨ, ia a gɨfogham. 15 ✝2:15 1 Tesalonika 5:7Gumazamizir kaba wainɨn dɨpamɨn onganizir puvatɨ. Ia fo, kar 9 kloghɨn mɨzarazimra.*2:15 Judaba dughiar kamɨn mɨzaraghara dɨpar onganiba apir puvatɨ. Kamaghɨn Pita akar kam me mɨgei. 16 Bizir otozir kam, kar Godɨn akam inigha izir gumazim Joel fomɨra mɨkemezɨ moghɨn:

17 ✝ 2:17-21 Joel 2:28-32; Sekaraia 12:10; Jon 7:38; Aposel 10:45; 21:9 " ‘God kamaghɨn mɨgɨa ghaze,

Dughiar gɨn izamibar kɨ uan Duam gumazamiziba bar me gingegham.

Eghtɨ ian otariba ko guiviba Godɨn akam inigha izir gumazamizibar mɨn mɨkɨmtɨma,

ian gumazir igiaba irebabar mɨn bizibar gantɨ,

ian gumazir ghuriba irebabar ganam.

18 Dughiar kabar kɨ uaghan uan Duam isɨ,

uan ingangarir gumaziba ko ingangarir amizibagh ingegham,

eghtɨ me Godɨn akam inigha izir gumazamizibar akabav kɨmam.

19 Eghtɨ kɨ pɨn overiamɨn dɨgavir kuram gamir araziba akakagh,

egh nguazimɨn mirakelɨn arazibar amuam.

Eghtɨ ghuzim ko avim ko mɨturir dafam otogham.

20 Eghtɨ aruem mɨtarmeghtɨ, iakɨnim ghuzimɨn mɨn otogham.

Bizir kaba faragh otivightɨ,

gɨn Ekiam Izamin Dughiam otogham.

Dughiar kamɨn Ekiam uan gavgavim ko angazangarim sara izam.

21 ✝ 2:21 Rom 10:13 Eghtɨ Ekiamɨn ziamɨn dɨmamin adarasi,

a men akurvagham.’

22 ✝ 2:22 Jon 3:2; 14:10-11; Hibru 2:4 "Israelɨn gumazamiziba, ia mɨgɨrɨgɨar kam baragh. Nasaretɨn Iesus, God ia bagha anemadagha gavgavim a ganɨngizɨ, a ian tongɨn ingangarir gavgavir ekiaba ko mirakelɨn gavgavibagh amizɨ, da otivizɨ ia dar ganigha uari fo. 23 ✝2:23 Matyu 27:35; Mak 15:24; Luk 23:33; Jon 19:18; Aposel 4:28; 1 Pita 1:20God uan ifongiamɨn gɨn ghua ia bagha fomɨra nɨghnɨzir mam gamigha, uan Otarim isa ian agharim gatɨ. Ezɨ ia gumazir kurabar agharimɨn, a isa ter ighuvimɨn a gafuzɨ, an areme. 24 ✝2:24 Matyu 28:5-6; Mak 16:6; Luk 24:5; Aposel 3:15; 4:10; 10:40; 13:30-31; 17:31; 1 Korin 15:15Ovevem bar Iesusɨn suiraghan kogham. Kamaghɨn, God a gamizɨ a dɨkavigha ovevemɨn gavgavim ataki. 25 ✝2:25-28 Onger Akaba 16:8-11Devitɨn Onger Akabar Akɨnafarim kamaghɨn mɨkeme:

" ‘Kɨ Ekiamɨn garima a zurara bar nan boroghɨra iti.

A bar roghɨra ikia gavgavim na ganɨdi.

Kamaghɨn amizɨ, kɨ atiatiava agoir puvatɨ.

26,27 ✝ 2:26-27 Aposel 13:35 Nɨ na ateghtɨ,

kɨ Gumazamizir Oveaghuezibar Nguibamɨn ikian kogham.

Nɨ ua bagha inabazir gumazim aneteghtɨma,

an inivafɨzim kurighan kogham.

Kamaghɨn nan navir averiam bar akonge.

Ezɨ kɨ mɨgɨrɨgɨar aghuibagh ami.

God na damuamin bizir aghuiba,

kɨ da bagha mɨzuai.

28 Ikɨrɨmɨrir aghuarim iniamin tuavim,

nɨ nan akagha gɨfa.

Nɨ na ateghtɨ kɨ nɨ ko ikiam,

egh nɨ na damutɨ,

kɨ bar akuegham.’

29 ✝ 2:29 1 Atriviba 2:10; Aposel 13:36; 2 Timoti 2:8 "Nan adarasi, kɨ guizbangɨra ia mɨgei, en ovavim Devit aremezɨ me anefa. Ezɨ an dagɨar mozim datɨrɨghɨn e ko ikia kati. 30 ✝2:30 2 Samuel 7:12-13; Onger Akaba 89:3-4; 132:11Devit a Godɨn akam inigha izir gumazir mam, egha a fo, God mɨgɨrɨgɨar gavgavim a ganɨga ghaze, ‘Nɨn atrivir danganimɨn kɨ nɨn ovavitam afagham.’ 31 ✝2:31 Onger Akaba 16:10; Aposel 13:35God gɨn damuamin bizim, Devit a gɨfo, a Gumazir God Uam E Iniasa Mɨsevezim, Krais, an aremegh ua dɨkavamin bizim mɨgei. Egha ghaze, God aneteghtɨma a Gumazamizir Oveaghuezibar Nguibamɨn ikian kogham. Egh an inivafɨzim kurighan kogham.*2:31 Grighɨn akam me ghaze, "Krais," an mɨngarim God Uam E Iniasa Mɨsevezir Gumazim. 32 ✝2:32 Aposel 1:8; 2:24Ezɨ gumazir kam Iesus, God a gamizɨ a ua dɨkafi. Ezɨ e uari uan damazibar an ganigha, an gun mɨgei. 33 ✝2:33 Jon 14:26; Aposel 1:4; 5:31; 7:55-56; 10:45; Hibru 10:12Ezɨ Iesus ghuanabogha uan Afeziam Godɨn agharir guvim gaperaghav ikia a da gavgavim isi. Ezɨ an Afeziam a mɨkemezɨ moghɨn uan Duam Iesus ganɨngi. Ezɨ datɨrɨghɨn ia oragha garir bizir kaba, Iesus uabɨ dagh ami. 34 ✝2:34-35 Onger Akaba 110:1Devit Iesusɨn mɨn Godɨn Nguibamɨn ghuzir puvatɨ. Egha a kamaghɨn mɨgei:

" ‘Ekiam kamaghɨn nan Ekiam mɨgɨa ghaze,

"Nɨ nan agharir guvimɨn daperagh ikɨ mangɨtɨ,

35 kɨ nɨn apaniba dɨkabɨragh me isɨ nɨn dafarim datɨghtɨ,

me nɨn dagarimningɨn apengan ikiam." ’

36 ✝ 2:36 Aposel 5:30-31 "Kamaghɨn amizɨ, Israelia ia bar bizir kam gɨfo, ia mɨsuegha ter ighuvimɨn gurazir Iesusɨn kam, God datɨrɨghɨn a gamizɨ an Ekiamɨn oto, a Krais, God Uam E Iniasa Mɨsevezir Gumazim."

Gumazamizir avɨriba uan naviba iragha rue

37 ✝ 2:37 Sekaraia 12:10; Luk 3:10-12; Aposel 9:6; 16:30 Gumazamiziba Pitan akaba barazima, da men navibagh kuizɨ, me kamaghɨn Pita ko aposelɨn igharazibav gei, "En aveghbuaba, e manmaghɨn damuam?"

38 ✝ 2:38 Luk 24:47; Aposel 3:19 Ezɨ Pita kamaghɨn me mɨgei, "Ia bar navibagh iragh Krais Iesusɨn ziamɨn rueghtɨ, a ian arazir kuraba gɨn amangɨtɨ, God uan Duam ia danɨngam. 39 ✝2:39 Aisaia 57:19; Joel 2:28; Aposel 10:45; 14:27; Efesus 2:13; 2:17God fomɨra akam akɨrigha ghaze, a uan Duam isɨ, ia ko, ian boriba ko, ian saghon itir darazi bar, a uan Duam ia danɨngam. God, en Ekiam, gumazamizir a diaziba, a uan Duam me danɨngam."

40 ✝ 2:40 Godɨn Araziba 32:5; Filipai 2:15 Egha Pita mɨgɨrɨgɨar avɨribar me gamua akar gavgavir maba sara me mɨkeme, "Ia uari uarir akuragh, eghtɨ God dughiar kamɨn gumazamizir kurar kabagh asɨghasɨgh uaghan ia gasɨghasɨghan kogham." 41 ✝2:41 Aposel 2:47; 4:4; 5:14Ezɨ gumazamizir avɨriba an akam baregha a gifuegha, egha rue. Ezɨ dughiar kamɨn God ua 3,000plan gumazamizir maba ua me inizɨ, me Kraisɨn adarazir aven ize.