Atos 2

41 ✝2:41 Aposel 2:47; 4:4; 5:14Ezɨ gumazamizir avɨriba an akam baregha a gifuegha, egha rue. Ezɨ dughiar kamɨn God ua 3,000plan gumazamizir maba ua me inizɨ, me Kraisɨn adarazir aven ize.

Godɨn gumazamizibar ikɨrɨmɨrim

42 ✝ 2:42 Aposel 20:7 Kraisɨn adarazi me aposelbar mɨgɨrɨgɨaba baragha, bizibar uarir akurvagha, uari isava apava, God ko mɨkɨmasa bar ifonge.*2:42 Fofozir gumazir avɨriba kamaghɨn nɨghnɨsi, Faragha zuir Kraisɨn adarazi uari akuva egha uari koma api. Me amegha gɨvagha, me Iesusɨn inivafɨzim ko ghuzim gɨnɨghnɨgha bret ko wainɨn dɨpam api. 43 ✝2:43 Mak 16:17; Aposel 4:33; 5:11-12Ezɨ aposelba dɨgavir kuram gamir arazir avɨriba ko mirakelɨn avɨribagh ami. Kamaghɨn gumazamizir avɨriba dɨgavir kuram gami. 44 ✝2:44 Aposel 4:32-35; 5:12; 6:8Egha nɨghnɨzir gavgavim Iesusɨn itir darasi, navir vamɨra ikiava, bizir me itiba, me uarir akurvasi. 45 Egha me uan nguaziba ko biziba amaga dar dagɨaba isava, dagheba otevezibar akurvasi. 46 ✝2:46 Luk 24:53; Aposel 1:14; 20:7Dughiabar zurara, me Godɨn Dɨpenir avɨzimɨn uari akufi. Egha dɨpeniba roa vaghvagha dagh arua, uari isava apava, bar akongegha, men naviba bar dera. 47 ✝2:47 Aposel 2:41; 4:33; 5:14; 6:7; 11:21; 11:24; Rom 14:18Egha me Godɨn ziam fema, gumazamizir igharaziba me bagha bar akonge. Ezɨ Ekiam dughiabar zurara gumazamiziba akurvaghavɨra iti. Kamaghɨn amizɨ, men dɨbobonim dughiabar ghuavanagavɨra iti.