240 resultados encontrados
7Ia bar narara gɨn mangɨ nan ziamra fam. Egh ia asetamɨn gɨn mangan bar markɨ.
8 5:8-9 Ofa Gami 26:1; Godɨn Araziba 4:15-18; 27:15 Ia uari bagh marvir guatamɨn ingaran markɨ. Ia overiamɨn itir bizitam, ko nguazimɨn itir bizitam ko dɨpamɨn aven itir biziba, ia bizir kabar gan, dar mɨn marvir guatamɨn ingaran markɨ.
30Kamaghɨn amizɨ, nɨ mangɨ me mɨkɨmtɨ, me uamategh uan purirpenibar mangɨ.
8Me mɨghsɨamɨn itir danganimɨn itima, amozim me gizima me kumkui.Me dɨpeniba puvatɨgha amozimɨn moga dagɨar ekiabar apengan iti.
19Aruem anaga isɨrazɨma ghuariar orangtɨzim ghua gefi.Kamaghɨra, Gumazamizir Oveaghuezibar Nguibam gumazamizir arazir kurabagh amiba isi,ezɨ me bar gefi.
23God me gamima, me nɨmɨram apiav ikia osɨmtɨziba men puvatɨ.Egha a zurara deravɨra men arazir me amibar gari.
1 37:1 Onger Akaba 73:3; Aghuzir Akaba 23:17; 24:1; 24:19 Nɨ gumazamizir kuraba amir araziba bagh nɨghnɨgh osɨman markɨ.Egh me amir bizibar gan navim dɨkavan markɨ.
8 37:8 Onger Akaba 73:3; Efesus 4:26 Nɨ atar egh osɨman markɨ.Bizir kaba nɨ gekuightɨ nɨ arazir kuram damigham.
10 37:10 Jop 20:9; Hibru 10:36-37 Dughiar ruarim puvatɨghtɨ,gumazamizir arazir kurabagh amiba pura puvarigham.Nɨ men nguibabar me burivamen apighan kogham.
1Dughiar kamɨn Israelia Jerikon nguibamɨn boroghɨra ize, kamaghɨn amizɨ Jerikon atrivim, nguibamɨn aven zuir tiar akam pamtemɨn anesara. Eghtɨ gumazamiziba an aven izɨ, azenan mangan kogham.
14Me aruer pumuningɨn kamaghɨram amigha, uamategha iza danganir me itimɨn otifi. Me 6plan aruebar kamaghɨrama ami.
15Amɨnim tirazɨ kar aruer namba 7ɨn aruem, me dɨkavigha Jerikon nguibamɨn ghua faragha amizɨ moghɨn uam a gighuagh arui. Egha aruer kamra, me 7plan dughiabar a gighuagh arui.
1 15:1 Gumazir Dapaniba 8:1-3; 1 Samuel 25:10; Aghuzir Akaba 25:15 Gumazim nɨn anɨngagham, nɨ nɨmɨram an akam ikarvaghtɨ, an anɨngagharim amɨragham. Egh nɨ uan akabar gumazir igharazim pazav a mɨkemegh, a damightɨ a bar puvɨra nɨn anɨngaghegham.
19Gumazir amɨrazim ghaze, nan ikɨrɨmɨrim ikufi, egha uan ikɨrɨmɨrimɨn tuavim akɨran amɨra. Ezɨ an ikɨrɨmɨrim mati, a pura ruarim akara zui. Ezɨ gumazir aghuim fo, an ikɨrɨmɨrim bar dera, mati a tuavir ekiam garui.
30Nɨ gumazimɨn guamɨn garima a bar akuegha iti, eghtɨ nɨn navim deragham. Egh nɨ akar aghuim bareghtɨ, bizir kam gavgavim nɨn mɨkarzim danɨngam.
5Ezɨ dughiar kamɨn Aisak Iso mɨgeima Rebeka oraki. Ezɨ Iso asɨzibar amuasa ghuzɨ,
43Kamagh amizɨ, nan otarim, nɨ kɨ nɨ mɨgei moghɨra nɨ bizibar amu. Nɨ zuamɨra dɨkavigh nan tuebam Labanɨn bighan Haranɨn nguibamɨn mangɨ,
44egh a ko ikɨ mangɨtɨ nɨn avebamɨn navim mar amɨragh.
26Arazir kurar kam, a gumazim gumazir igharazim mɨsoghezɨ, an aremezir arazim ko magh ghu. Amizim uabɨ, ovevem iniamin arazir kuratam gamizir puvatɨ. Kamaghɨn amizɨ, ia bizitamɨn amizim damuan markɨ.
27Gumazir kam nguibamɨn azenan arazir kuramɨn amizir kam gami. Ezɨ amizim uabɨn akurvaghasa deima, akurvaghamin gumazamizitaba ikezir puvatɨ.
29an amizir kamɨn afeziam 500 kinan a givezegh, egh amizimɨn ikiam. Gumazir kam, amizir kamɨn suiragha arazir kuram a koma a gami. Kamaghɨn, gumazim amizir kam a batueghan kogham. Amizir kam an ikɨ mangɨ, an aremeghamin dughiamɨn tugham.
8God amozim isa uan ghuariabar anetɨzɨ, da amozimɨn suirazɨ, a iti.Dɨpar kam bar osemegha, an osɨmtɨzim ghuariaba abɨzir puvatɨ.
10An ongarim gisɨn, gumazimɨn damazim gan mangɨ gɨvaghamin mɨtaghniam, iver agharimɨn mɨn, a gighua an osiri.Mɨtaghniar kam, aruem ko dɨmagarim abɨsi.
13God uabɨ amɨnir ekiam amadazɨ a iza ghuariabagh ivarazɨ,overiam uam angazangari.Egha a uan dafarimɨn kuruzir aser ekiar kam bɨrazɨma,an areme.
218:2-3 Ua Me Ini 2:21-22Kamaghɨn amizɨ, Jetro Mosesɨn ganasa ize. Moses faragha uan amuim Sipora amadazɨ, a uan afeziam Jetro bagha ghu.
18Ingangarir kam bar nɨn ekefe. Nɨ uabɨra a damu mangɨtɨ nɨn mɨkarzim nɨn amɨragham. Eghtɨ gumazamiziba uaghan men mɨkarziba men amɨragham.
24Ezɨ Moses, Jetron akar aghuir kam baregha kamaghɨn ami.
3Gumazim arazir kuram gami, bizir kam an akuraghtɨ a deraghvɨra daperagh egh gavgavighan kogham. Ezɨ gumazim arazir aghuimɨn gɨn zui, a mati temem biba ikia bar iraghu, eghtɨ gumaziba anesiv avegham.
4Gumazir tamɨn amuim arazir aghuim gami, ezɨ bizir kam ziar ekiam an pam ganɨdi. Ezɨ amizim arazir kurar avɨribagh amizɨ, an pam aghumsɨsi, ezɨ amizir kam mati arɨmariar kuram an pamɨn agharibagh amua, egha an pam gasɨghasɨsi.
19Ifavarir akam, a dughiar otevimra ikiam, eghtɨ gumazamiziba a bakɨnɨghnigham. Ezɨ guizbangɨn akam, a dughiar ruarimɨn ikɨ mamaghɨra ikiam.
5an amozim amadazɨma a izir puvatɨ. Ezɨ nguazimɨn azenimɨn ingaramin gumazamiziba puvatɨ. Kamaghɨn, graziba ko temeba tɨghar nguazimɨn otivam.
10Ezɨ faner mam dɨpam Idenɨn Azenim danɨngasava oto. Dɨpar kam 4plan aguabar bɨaghire.
24 2:24 Matyu 19:5; Mak 10:7-8; 1 Korin 6:16; Efesus 5:31 Kamaghɨn, gumazim uan ameboghfeziaba ategh mangɨ, uan amuim ko aning uaningɨn porogham. Egh aning inivafɨzir vamɨram otogham.
3Nɨ faragha men atara men anɨngazi.Nɨ arazir kam, datɨrɨghɨn uam a gamir puvatɨ.
8Kɨ uan kuarim atɨgh Ikiavɨra Itir Godɨn Gavgavim Itim, an akam baragham.E an gumazamiziba arazir kurar e amibar gɨn mangan kogh, uan navir averiabar aven a baghvɨra ikɨtɨ,a mɨkɨmtɨ e navir amɨrizim ikiam.
10Dughiar kamɨn, gumazamiziba uarir apangkuvigh, guizɨn arazir aghuibar zurara uarir amuam.Me Godɨn damazimɨn deragh ikɨ, navir amɨrizimɨn ikɨ, deragh uari ko dapiagh ikiam.
2Ia araribar dagarvaziba baragh.Mar Godra pamten dɨa mɨgei.
7Arazir kamɨn, a gumazamizibar amutɨ me ingaran kogham.A kamaghɨn damutɨ, an amir biziba,gumazamiziba deragh dagh fogham.
10God uan akatorimɨn amɨnim giverazɨ ais otifi.Egha dɨpar ekiabagh amima, da aisɨn mɨn otiva bar gavgafi.
1E bar Ikiavɨra Itir Godɨn ziam fam!E ighiabagh amua uan Godɨn ziam fer arazim dera.An ziam fer arazir kam a guizbangɨrama bar dera.
3 147:3 Onger Akaba 51:17; Aisaia 57:15; 61:1; Luk 4:18 An osɨmtɨziba aterir gumazamizibagh ami me ua dera.Egha men duaba nogha dagh ami da uam agui.
18A gɨn ua mɨkemezɨ aisɨn kam dɨpamɨn oto.Ezɨ an amɨnim amadazɨ a dɨpam givaima a ivemari.
1Nɨghnɨzir aghuim, amizimɨn mɨn, uan dɨpenimɨn ingari.Egha a gavgavim dɨpenim danɨngɨva egh anesɨngasa, 7plan guarir akɨnibar dɨghoribagh amigha da kuni.
13Ezɨ arazir onganim mati amizir mam pura ifaghata tintinibar tiarim akari.Egha arazir aghuim gɨfozir puvatɨ.
14Ezɨ an dɨpenim nguibamɨn tongɨra danganir pɨn itimɨn iti.Ezɨ a tiar akamɨn boroghɨn aperaghav iti.
5 66:5 Onger Akaba 46:8 Ia izɨ God amizir bizibar ganigh.A gumazamizibar tongɨn bizir bar ekiabagh ami.
6 66:6 Ua Me Ini 14:21; Josua 3:14-17 An ongarim gamizɨ a dakezɨ, nguazir mɨdiarim otozɨ,en ovaviba puram a gisɨn arua dɨpam abigha ize.Me iza vongɨn otivigha, bizir an amizir kam bagha bar akonge.
9 66:9 Onger Akaba 121:3 A bar deragha e geghuva en garimae angamɨra ikiavɨra itima,arazir kuram e abɨrazir puvatɨ.
20A uabɨ mɨgeima,an akar kam men mɨkarzibagh amizɨ da ua dera.Ezɨ a matmatiamɨn ua me ini.
24Kurimɨn ingarir gumazir kaba, me Ikiavɨra Itir God amizir bizir kabar gani.An ongarir ekiamɨn bizir aghuir kabagh ami.
29An amɨnir ekiam gamizɨ an amɨra,ezɨ ongarim amɨraghauaghirɨgha ua dɨkavir puvatɨ.
4God na gamima kɨ dɨmagaribar akuir puvatɨ.Nan navim bar na basemezɨ kɨ mɨkɨman asa.
13O God, arazir nɨ amiba, da bar deragha guizbangɨra zue.Ezɨ godɨn ifavaritamɨn gavgavim nɨ gafirazir puvatɨ.
19Nɨ ongarir torimɨn arua zuima,tuavir aruim, ongarir konimɨn iti.Ezɨ nɨn diaritam tuavir kamɨn itima,gumazitam an ganizir puvatɨ.
7 139:7 Jeremaia 23:24; Jona 1:3 Kɨ managhɨra mangɨgh, nɨn duam ategham?Kɨ managhɨra mangɨgh nɨn modogham?Bar puvatɨ.
11,12 139:11-12 Jop 34:22; Daniel 2:22; Hibru 4:13 Kɨ suam, "Amɨnir bɨrim nɨ na avaraghtɨ,aruer angazangarim nɨ iragh mɨtatemɨn otogh."Nɨn nɨghnɨzim mɨtater kam a guizɨn mɨtatem puvatɨ.Dɨmagarim, a uaghan aruem mɨrara isiragha gari.Nɨn damazimɨn, aruem ko dɨmagarim magh gari.
14Nɨ nan mɨkarzimɨn ingari,ezɨ nan mɨkarzim bar deragha igharagha gari.Kamaghɨn kɨ nɨn ziam fe.Bizir nɨ ingariziba, da bar dera,ezɨ kɨ guizbangɨra uan navir averiamɨn aven bizir kabagh nɨghnɨgha dagh fo.
2O Ekiam, nɨ na barakigh.Kɨ nɨ mɨgeir mɨgɨrɨgɨaba ko nan arareba nɨ da bareghnan akuragh.
4 130:4 Jeremaia 33:8-9 Nɨrara arazir kuraba gɨn amadi,kamaghɨn amizɨ, e nɨrarama atiating nɨn apengan ikiam.
6 130:6 Onger Akaba 63:6; 119:147 Kɨ uan navir averiamɨn aven,Ekiamɨn akurvazim bagha a mɨzua ti.Ezɨ nan arazir kam a gumazir dɨmagarimɨn bizibar gara itima amɨnim men itirazir arazim,a bar a gafira.