Onger Akaba 114

Godɨn gumazamiziba Isipɨn kantrin azenan izezir ighiam

1 ✝ 114:1 Ua Me Ini 12:51 Israelia me Jekopɨn ovavir boriba,

me Isipɨn kantri ategha azenan ize.

Kar akar igharazibav geir gumazamiziba, men kantri.

2 Dughiar kam, Judaba, Ikiavɨra Itir God baghavɨra itir gumazamizibar mɨn iti.

Guizbangɨra, Israelia God me gativagha men gari, ezɨ me an gumazamizibar mɨn iti.

3 ✝ 114:3 Ua Me Ini 14:21; Josua 3:16 Dughiar kam, Ongarir Aghevim Godɨn gavgavimɨn garava egha arav ghu.

Ezɨ Jordanɨn Fanem pura mɨtɨghav ikia ua ivemarir puvatɨ.

4 Ezɨ mɨghsɨar ekiaba memebar mɨn uari akuri.

Ezɨ mɨghsɨar muziariba sipsipɨn nguzibar mɨn uari akuri.

5 O Ongarim, nɨ manmaghsuava arav ghu?

O Jordanɨn Fanem, nɨ manmaghsua ua ivemari puvatɨ?

6 O mɨghsɨar ekiaba, ia manmaghsua memebar mɨn uari akuri?

O mɨghsɨar doziba ia manmaghsua sipsipɨn nguzibar mɨn uari akuri?

7 O nguazim, datɨrɨghɨn Ekiam a izɨ, nɨ nɨghɨva akong.

A Jekopɨn God a izegha gɨfa,

ezɨ nɨ an damazimɨn nɨghɨva akong.

8 ✝ 114:8 Ua Me Ini 17:1-7; Dɨboboniba 20:2-13 Godɨn kam, a dagɨam gamizɨ, a mozir dɨpamɨn mɨn oto.

Guizbangɨra, a mɨghsɨar gavgavim gamizɨ,

a dɨpar nguazimɨn aven afora azenan izimɨn mɨn oto.