1 Israel, nɨ uan igiamɨn ikegha iza,

datɨrɨghɨn nɨn apaniba nɨ gamizir arazir kuraba,

nɨ dagh eghan.

2 Nɨ kamaghɨn mɨkɨm suam,

"Kɨ uan igiamɨn ikia iza datɨrɨghɨn, nan apaniba arazir kurabar na gami.

Me kamaghɨn na gamua egha na abɨrazir puvatɨ.

3 Me nan akɨrim ifozorozima a duar ruariba iti.

Ezɨ duar kaba mati me azenir ekiam oparasa an nguazim abɨagharɨki.

4 Ezɨ Ikiavɨra Itir God an araziba dera,

a ikia kalabuziar kamɨn ua nan akurazɨ

kɨ fɨriaghɨrɨ."

5 Kɨ ghaze, Saionɨn Nguibamɨn apanimɨn itir darasi,

e men agɨntɨghtɨ

me uam arɨ uan nguibabar mangegh

bar aghumsika.

6 Me dɨpenir siriabagh isɨn aghuir grazibar mɨn aghungam.

Da aghung ua zuamɨra mɨsigham.

7 Gumaziba grazir kabar ikɨziba ikia,

egha da atera zuir puvatɨ.

8 Gumazamiziba gumazamizir kabar boroghɨn mangɨ kamaghɨn mɨkɨman markɨ,

"Ikiavɨra Itir God deragh ia damu!

Ikiavɨra Itir Godɨn ziamɨn

ia deraghvɨra ikɨ."