4,5 ✝ 6:4-5 Matyu 22:37; Mak 12:29; 12:30; Luk 10:27 "O Israelia, ia deravɨram oragh. Ikiavɨra Itir God, a bar uabɨra en God. Eghtɨ ia bar uan navir averiaba ko uan duaba ko uan gavgaviba sara bar a gifongegh. 6 ✝6:6-9 Godɨn Araziba 11:18-20Kɨ ia ganɨdir akar kaba, ia da isɨ uan navir averiabar arigh, egh dagh nɨghnɨghvɨra ikɨ. 7 Egh dughiar ia uan boriba ko dɨpenimɨn ikia avughsiba, ko dughiar ia me ko tuavibar zuiba, ko ia dakuasa mɨsiabar itir dughiaba, ko dughiar ia mɨsiabar dɨkaviba, ia zurara akar kaba dar men sure damuvɨra ikɨ.