Efésios 5

22 ✝5:22 Jenesis 3:16; Efesus 6:5; Kolosi 3:18; 1 Pita 3:1Ia amizir paba itiba, ia Ekiamɨn apengan ikia a baghavɨra iti moghɨn, ia uan pabar apengan ikɨ me baghɨvɨra ikɨ. 23 ✝5:23 1 Korin 11:3; Efesus 1:22-23; Kolosi 1:18E fo, Krais uan siosɨn dapanimɨn iti moghɨn, paba uan amuibar dapanibar iti. Ezɨ Krais uabɨ siosɨn Akurvazir Gumazim, ezɨ sios Kraisɨn inivafɨzimɨn mɨn iti. 24 Sios Kraisɨn apengan ikia a baghavɨra iti moghɨn, ia amuiba uaghan uan pabar apengan ikɨ me baghɨvɨra ikɨ.

25 ✝ 5:25 Galesia 1:4; Kolosi 3:19; 1 Pita 3:7 Paba, ia uan amuiba bar me gifongegh, mati Krais uan sios gifongegha a bagha uabɨ isava a ganigha a bagha areme. 26 ✝5:26 Jon 15:3; Taitus 3:5; Hibru 10:10; 10:22; 1 Jon 5:6Krais kamaghɨn ifonge, an akamɨn tuavimɨn, a uan sios dɨpamɨn a rueghtɨ a Godɨn damazimɨn zuegham. 27 ✝5:27 2 Korin 11:2; Efesus 1:4; Kolosi 1:22A kamaghsua, a sios damightɨ an an damazimɨn bar aghungigh, egh bar zueghɨva, arazir kuratam puvatɨgh, duar kuriba ko seghsariba puvatɨghɨva, bizir kurar maba sara uaghan puvatɨgham. Kamaghɨn Krais a bagha uabɨ isa a ganɨngi. 28 Ezɨ kamaghɨra ia gumaziba uan inivafɨzibagh ifongezɨ moghɨn, ia uan amuibagh ifongegh. Gumazir uan amuim gifongezim mati a uabɨ gifonge.

29 E fo, tav uabɨ uan inivafɨzimɨn apanim gamir pu. Puvatɨ, a dagheba a ganɨgava an akurvasi, mati Krais siosɨn akurvasi. 30 ✝5:30 Rom 12:5; 1 Korin 6:15; 12:27; Efesus 1:22-23E fo, erara, e Kraisɨn inivafɨzimɨn aven itir soroghafariba ko bizibar mɨn iti. 31 ✝5:31 Jenesis 2:24; Matyu 19:5; Mak 10:7-8; 1 Korin 6:16Godɨn Akɨnafarimɨn aven itir osizirim kamaghɨn mɨgei:

"Kamaghɨn amizɨ, gumazim uan ameboghfeziaba ategh mangɨ,

uan amuim ko aning uaningɨn porogham.

Egh aning inivafɨzir vamɨram otogham."

32 ✝ 5:32-33 Kolosi 3:19; Akar Mogomem 19:7 Akar mogomer kam, a mɨngarir ekiam iti. Ezɨ kɨ uabɨ kamaghɨn nɨghnɨsi, a Krais uan sios ko aning geghari. 33 Ezɨ akar kam a uaghan ia mɨgɨa ghaze, ia gumaziba vaghvagh uarigh ifongezɨ moghɨn uan amuibagh ifongegh. Eghtɨ ia amuiba vaghvagh uan paba baghɨvɨra ikɨ.