Ua Me Ini 2

5 Ezɨ atrivimɨn guivim ruasa fanemɨn uaghirima, an ingangarir amiziba an gɨn ghua dɨpar mɨriamɨn arui. Ezɨ atrivimɨn guivim amuaviava akɨrar kam grazibar tongɨn an apigha, a iniasa ingangarir amizir mam amada. 6 Egha atrivimɨn guivim akɨrar kamɨn asuam kuigha otarimɨn garima, an araima, an an apangkufi. Egha kamaghɨn mɨgei, "Kar Hibrubar borir mam."

7 Ezɨ an amezemebam izava an azai, "Kɨ mangɨva Hibrun amizitam mɨkemeghtɨ, a nɨ bagh oteba a danɨngam?"

8 Ezɨ atrivimɨn guivim kamaghɨn mɨgei, "Aria, nɨ mɨgei moghɨn damu." Ezɨ guivim ghua borimɨn amebamra inigha ize.

9 Ezɨ atrivimɨn guivim amizir kam kamaghɨn a mɨgɨa ghaze, "Nɨ borir kam inigh na bagh a damu oteba a danɨngtɨ, kɨ nɨ givezam." Ezɨ amizir kam borim inigha a bagha a gamua oteba a ganɨdi.