6 Kɨ faragha Kraisɨn Akar Aghuimɨn ia mɨkemezɨ, ia fo, Kraisɨn apangkuvim ian iti. Ia fozɨ, kamaghɨn God ian dɨa ghaze, ia izɨ. Ezɨ ia zuamɨra Godɨn ian diazim ataki. Egha ia akar aghuir igharazimɨn gɨn zui. Ezɨ kamaghɨn kɨ ian arazir kamɨn dɨgavir kuram gami. 7 ✝1:7 Aposel 15:1; 15:24; 2 Korin 2:17; 11:4; 11:13Ia ghaze, ia akar aghuir igharazimɨn gɨn zui. Bar puvatɨ, akar aghuir igharazitam ua itir puvatɨ. Ezɨ gumazamizir maba Kraisɨn Akar Aghuim giraghava akar ifavaribar amuasa. Egha ia gamizɨ, ia okam nɨghnɨsi. 8 Eghtɨ e uari, o Godɨn Nguibamɨn enselɨn tam Akar Aghuir e faragha ia mɨkɨnizim ia mɨkɨnighan kogh, egh akar igharazitam ia mɨkɨnigham, egh gumazamizir kaba, helɨn mangɨ zurara ikɨ. 9 ✝1:9 Godɨn Araziba 4:2; Aghuzir Akaba 30:6; Akar Mogomem 22:18-19E faragha ia mɨkemezɨ moghɨn, kɨ datɨrɨghɨn ua ia mɨgei. Gumazamizitaba akar igharazitam ia mɨkɨnightɨ, an Akar Aghuir ia faragha gɨn zuimɨn mɨn mangan koghtɨ, gumazamizir kaba helɨn mangɨva zurara ikɨ!