Jenesis 45

Josep uan aveghbuabav gɨa ghaze, a tinara

1 ✝ 45:1 Aposel 7:13 Ezɨ Josep oregha bar apangkuvir ekiam ikia, egha kamaghɨn an aziasava ami. Kamaghɨn, a uan ingangarir gumazibar diagha ghaze, "Ia bar moghɨra azenimɨn mangɨ."

Eghtɨ a uabɨra uan aveghbuaba ko ikiam. Egha a kamaghɨn me mɨgɨa ghaze, "Kɨ Josep. Kɨ ian aveghbuam." 2 Egha Josep pamtemɨn azi, ezɨ Isipia a baraki. Egha ghua atrivimɨn dɨpenimɨn itir darazi bizir kamɨn gun me mɨkeme. 3 Ezɨ Josep kamaghɨn uan aveghbuabav gei, "Kɨ Josep. Nan afeziam deraghavɨra iti, o?" Ezɨ an aveghbuaba bar dɨgavir kuram gamua bar atiatigha egha mɨgɨrɨgɨatam damuan asa.