4 64:4 Aisaia 30:18; 40:31; 1 Korin 2:9 Bar fomɨra iza datɨrɨghɨn, gumazitam uan damazimɨn gara uan kuarim atɨgha orazi,
godɨn nɨn mɨn iti tam, ua itir pu.
Bar puvatɨ.
Nɨ uabɨra, gumazamizir nɨghnɨzir gavgavim nɨn ikia nɨ mɨzuaiba,
nɨ me bagha pamtem ingara men akura.
5 Gumazir arazir aghuibara damuasa ifuegha nɨn tuavim gɨnɨghnɨgha an gɨn zuiba,
nɨrara me bativa me gifonge.
E fo, nɨ faragha en ataravɨra itima,
e tong uan arazir kuraba ataghɨrazir puvatɨ.
E dughiar bar ruarimɨn arazir kurabar amuasa bar gavgavighavɨra iti.
Ezɨ markɨ, nɨ uan gavgavir ekiam sara izɨ uam e inigh.64:5 Hibrun akam deragha vezɨn kamɨn mɨngarim abigha mɨkemezir puvatɨ.