Jon 15

Iesus a guizbangɨra wainɨn ikarɨzimɨn mɨn iti

1 Ezɨ Iesus ua kamaghɨn mɨgei, "Kɨ uabɨ kɨ guizbangɨra wainɨn ikarɨzimɨn mɨn iti. Ezɨ nan Afeziam a wainɨn azenimɨn ghuavim. 2 ✝15:2 Matyu 3:10; 15:13Ezɨ nan agharir ber puvatɨziba, Afeziam vaghavagha dar ghora da makuri. Egha agharir ovɨziba itiba, Afeziam vaghavagha a dar ghora da otefi. A ghaze, da zuegh ikɨ, egh gɨn bɨva ovɨzir avɨriba ikiam, kamaghɨn an adar ghori. 3 ✝15:3 Jon 13:10; 17:17; Efesus 5:26; 1 Pita 1:22Ia zuegha gɨfa. Akar kam kɨ ia ganɨdi, a ia gamima ia zue. 4 ✝15:4 Jon 6:56; Kolosi 1:23; 1 Jon 2:6Ia nan porogh, eghtɨ kɨ ian porogham. Ezɨ wainɨn ikarɨzimɨn agharim, a ikarɨzimɨn poroghan koghɨva, egh a ban kogham. Kamaghɨra, ia nan poroghan kogh, ia uaghan ban kogham.

5 ✝ 15:5 Hosea 14:8; Jon 15:16; 2 Korin 3:5; Filipai 1:11; 4:13 "Kɨ uabɨ kɨ wainɨn ikarɨzim, ezɨ ia wainɨn aghariba. Ezɨ gumazim nan porozɨ ezɨ kɨ an poro, a zurara bava ovɨzir avɨriba iti. Ezɨ ia na ategh, ia bizitam damighan kogham. 6 ✝15:6 Matyu 3:10; 7:19; 13:42Eghtɨ gumazitam nan poroghan kogh, egh a mati wainɨn ikarɨzimɨn agharim me a makunizɨ a mɨsɨngi. Egha me agharir kaba akuva da isava avim mɨkɨra egha dagh aboi.

7 ✝ 15:7 Matyu 7:7; Jon 14:13-14; 15:16; 16:23 "Ia nan porogh ikɨtɨ, nan akam ian aven ikiam, eghtɨ ia uan ifongiamɨn bizitam bagh azangam, eghtɨ biziba ia mɨkemezɨ moghɨn otivam. 8 ✝15:8 Matyu 5:16; Jon 8:31; Filipai 1:11Egh ia bɨva ovɨzir avɨriba ikɨ, egh kamaghɨn ia nan suren gumazibar mɨn ikiam. Eghtɨ tuavir kamɨn nan Afeziam ziar ekiam iniam.