Lucas 19

28 Iesus akar isɨn zuim gamigha gɨvagha, uan darorim gamua tuavir Jerusalemɨn zuimɨn ghuavanadi.

Iesus atrivimɨn mɨn Jerusalemɨn aven zui

29 Iesus Betfage ko Betanin boroghɨn oto, nguibar kamning Olivɨn Mɨghsɨam gisɨn iti. Egha a uan suren gumazir pumuning amaga, 30 ✝19:30-31 Matyu 21:2-3; Mak 11:2-3kamaghɨn aning mɨgei, "Gua nguibar munagh itimɨn mangɨ. Gua nguibar kamɨn mangɨ gantɨma donkin igiar mam me a ikezɨma, a iti. Gumazitam dughiatamɨn a gaperagha aruizir puvatɨ. Gua an benim fɨrighɨva donki inigh kagh izɨ. 31 Eghtɨ tav kamaghɨn guan azaragham, ‘Gua tizim bagha donkin kam fɨri?’ eghtɨ gua a mɨkɨm suam, ‘Ekiam ingangarim an iti.’ "

32 ✝ 19:32 Luk 22:13 Egha Iesus aning amadazɨ aning ghua garima, biziba bar moghɨra Iesus mɨkemezɨ moghɨn iti. 33 Ezɨ aning donkin benim fɨrima, an ghuaviba aningɨn azara, "Gua tizim bagha donkin benim fɨri?"

34 Ezɨ aning kamaghɨn me mɨgei, "Ekiam ingangarim an iti."

35 ✝ 19:35 2 Atriviba 9:13; Matyu 21:7; Mak 11:7; Jon 12:14 Egha aning donki inigha Iesus bagha izi. Egha aning uan azenan azuir korotiar ruariba donki gisɨn da ghuani. Egha aning Iesusɨn akurazɨma a donki gisɨn apera. 36 ✝19:36 2 Atriviba 9:13; Matyu 21:8A donki gaperagha zuima, gumazamiziba uan korotiar ruariba suava tuavimɨn da mɨghuari. 37 A iza danganir tuavir Olivɨn Mɨghsɨamɨn ghuaghirimɨn boroghɨn izima, an gɨn aruir darazi, me God amizir mirakelbar ganighava da bagha bar akongegha pamtem Godɨn ziam fe. 38 ✝19:38 Onger Akaba 118:26; Luk 2:14; 13:35; Efesus 2:14Me araghasa kamaghɨn mɨgei, "Gumazir Ekiamɨn ziam ko gavgavimɨn izim, God deragh a damu! Navir amɨrizim Godɨn Nguibamɨn iti. Nguibar bar pɨn itimɨn itir Godɨn ziam fɨ!"

39 Ezɨ Farisin marazi gumazamizir kabar tongɨn ikia, kamaghɨn Iesus mɨgei, "Tisa, nɨ uan suren gumazibav kɨmtɨma, me nɨmɨra ikɨ! Me kamaghɨn mɨkɨman markɨ!"

40 ✝ 19:40 Habakuk 2:11 Ezɨ a kamaghɨn me mɨgei, "Kɨ ia mɨgei, me nɨmɨra ikɨtɨ dagɨaba uari araghasam!"