Luk 7

Amuir odiarimɨn otarim ua dɨkafi

11 Egha gɨn Iesus nguibar ziam Nainɨn zui. Ezɨ an suren gumaziba ko gumazir avɨrim an gɨn zui. 12 Egha a nguibar kamɨn tiar akar ekiar kamɨn boroghɨn ghua garima, gumazir maba gumazir kuam gisaghpugha nguibar ekiamɨn ikegha azenan izi. Gumazir aremezir kamnagh, an amizir pam aremezimɨn otarir vamɨra. Ezɨ nguibar ekiar kamɨn itir gumazir avɨrim amuir odiarir kam ko iti. 13 ✝7:13 Luk 8:52Ezɨ Iesus an gara bar an apangkuvigha kamaghɨn a mɨgei, "Nɨ arangan markɨ." 14 ✝7:14 Luk 8:54; Jon 11:43; Aposel 9:40; Rom 4:17Egha Iesus roghɨra ghua gumaziba isaghpughav itir boksiamɨn suira. Ezɨ a gisaghpughav itir gumaziba voroghɨra mɨtivighav iti. Ezɨ a kamaghɨn gumazir igiamɨn mɨgei, "Gumazir igiam, kɨ nɨ mɨgei, nɨ dɨkafigh." 15 ✝7:15 1 Atriviba 17:23; 2 Atriviba 4:36Ezɨ gumazir aremezim dɨkavigha maghɨra mɨgeima, Iesus uam a isa an amebam ganɨngi. 16 ✝7:16 Luk 1:68; 19:44; 24:19; Jon 4:19Ezɨ me kamaghɨn ganigha bar dɨgavir kuram gamigha, Godɨn ziam fa ghaze, "Godɨn akam inigha izir gumazir ekiar mam en tongɨn oto." Egha me ghaze, "God uan gumazamizibar akurvaghasa ize." 17 Ezɨ Iesus amizir bizir kamɨn eghaghanim bar Judian Distrik ko an boroghɨn itir nguibaba sara ghu.