Mateus 5

3 ✝ 5:3 Onger Akaba 51:17; Aisaia 57:15; Luk 6:20 "Ia Godɨn damazimɨn ia fo, ia an bizibagh asa,

ia God Bizibagh Ativamin Dughiamɨn aven mangam.

Kamaghɨn ian naviba deragh.

4 ✝ 5:4 Aisaia 61:2; Luk 6:21; Akar Mogomem 7:17 Ia datɨrɨghɨn azia itir gumazamiziba,

ia bar akuegham.

Kamaghɨn ian naviba deragh.

5 ✝ 5:5 Onger Akaba 37:11; Aisaia 29:19 Ia gumazamizir uari abɨra aghumra itiba,

God nguazim bar ia danɨngam.

Kamaghɨn ian naviba deragh.

6 ✝ 5:6 Aisaia 55:1-2; 65:13 Ia gumazamizir arazir aghuiba baghavɨra ikia egha mati gumazim mɨtiriam an azi, egha mati gumazim kuarim an pɨri,

God ian mɨtiriam a gɨvagham.

Kamaghɨn ian naviba deragh.

7 ✝ 5:7 Jems 2:13 Ia gumazamizir igharaz darazir apangkuviba,

God ian apangkuvam.

Kamaghɨn ian naviba deragh.

8 ✝ 5:8 Onger Akaba 15:2; 24:3-4; 51:10; 73:1; 1 Korin 13:12; Hibru 12:14; 1 Jon 3:2-3 Ia gumazamizir navir averiaba zueziba,

ia Godɨn ganam.

Kamaghɨn ian naviba deragh.

9 ✝ 5:9 Matyu 5:45; Luk 6:35; Rom 14:19 Ia gumazamizir adariba ko mɨdoroziba ageviba,

me ‘Godɨn Boriba,’ ia darɨgham.

Kamaghɨn ian naviba deragh.

10 ✝ 5:10 2 Korin 4:17; 2 Timoti 2:12; Hibru 12:4; 1 Pita 3:14 Ia gumazamizir arazir aghuibagh amiba, ezɨ me arazir kam bagha osɨmtɨziba ko mɨzaziba ia ganɨdi,

God Bizibagh Ativamin Dughiam, a iana.

Kamaghɨn ian naviba deragh.

11 ✝ 5:11 Luk 6:22; Jems 1:2; 1 Pita 4:14 Me ian gari ia na ko iti, ezɨ bizir kam bangɨn me paza ia gamua osɨmtɨziba ko mɨzaziba ia ganɨdi,

egha mɨgɨrɨgɨar ifavarir avɨriba ia gasi,

kamaghɨn ian naviba deragh.

12 ✝ 5:12 2 Eghaghaniba 36:16; Luk 6:23; Aposel 5:41; 7:52; 1 Tesalonika 2:15; Hibru 11:32-38; Jems 5:10; 1 Pita 4:13 Ivezir bar ekiam ia mɨzua Godɨn Nguibamɨn iti.

Godɨn akam inigha izir gumazir ian faragha ghueziba, me uaghan kamaghɨra osɨmtɨziba ko mɨzaziba me ganɨngi.

Kamaghɨn ia naviba deragh bar akongegh."