Iesus guivir aremezim gamizɨ, a ua dɨkafi. Egha uaghan amizir mamɨn arɨmariam agɨfa
18 9:18 Mak 5:22; Luk 8:41-42 Ezɨ Iesus Jonɨn suren gumaziba ko mɨgɨavɨra itima, gumazir dapanir mam iza Iesusɨn boroghɨn tevimning apɨrigha kamaghɨn a mɨgei, "Nan guivim datɨrɨghɨrama areme, ezɨ nɨ izɨ uan dafarim a datɨghtɨma a ua dɨkavigham." 19 Ezɨ Iesus dɨkavigha an gɨn zuima, an suren gumaziba a ko zui.
20 9:20 Mak 5:25; Luk 8:43 Ezɨ amizir 12plan azenibar ghuzim batir arɨmariam itir mam, me ko zui. Amizir kam Iesusɨn gɨrakɨrangɨn iza an korotiar avɨzimɨn suira. 21 9:21 Matyu 14:36A kamaghɨn nɨghnɨgha ghaze, "Kɨ ti an korotiar avɨzimɨn suiraghtɨ, nan arɨmariam ti gɨvagham."
22 Ezɨ Iesus ragha an gara a mɨgɨa ghaze, "Nan guivim, nɨ navim bar amɨragh ikɨ. Nɨ nɨghnɨzir gavgavim nan iti. Kamaghɨn, nɨn nɨghnɨzir gavgavim nɨ gamizɨ nɨ dera." Dughiar kamra, amizir kamɨn arɨmariam gɨfa.
23 Ezɨ Iesus ghua gumazir dapanir kamɨn dɨpenimɨn otogha gari, amiziba ko gumaziba azia iti. Gumazir maba sɨghabagh ivima, gumazamiziba azia nɨgɨnir ekiam gami. 24 9:24 Jon 11:11Ezɨ Iesus me batogha me mɨgɨa ghaze, "Ia dɨkavigh mangɨ. Guivim aremezir puvatɨ. An akui." A kamaghɨn mɨgeima, me a dɨpofi. 25 A me batoghezɨ, me azenan ghuezɨma, Iesus aven ghua guivimɨn dafarimɨn suirazɨma, a dɨkafi. 26 Ezɨ Iesus amizir bizir kamɨn eghaghanim nguibaba bar dar ghu.
/images/a/WG5FS9VaSWVnVmV3VI8yP)
/images/a/a0208299-6f37-40a0-66e1-2576b9435f00)