Provérbios 6

6 ✝ 6:6 Jop 12:7 Ia gumazir amɨraziba, kɨ kamaghɨn ia mɨkɨmasa.

Ia mangɨva sibabar araziba deraghvɨra dar ganigh, egh nɨghnɨzir aghuim inigh.

7 Sibaba, da gumazir dapaniba ko

gumazir men faragha zuiba ko gumazir me gativagh men ganamiba, bar puvatɨ.

8 Ezɨ dagher avɨriba itir dughiamɨn, sibaba dagheba akufi,

egha dagheba otevir dughiam bagha da arɨsi.

9 Nɨ gumazir amɨrazim, nɨ dughiar ruarimɨn akui.

Nɨ manadɨzoghɨn uan mɨsiam ategh dɨkavam?

10 ✝ 6:10-11 Aghuzir Akaba 24:33-34 Ezɨ nɨ ghaze, "A dera, kɨ tong dakuigham.

Kɨ dughiar ovezimɨn tong avughsegh ikɨ mangɨ egh gɨn ua dɨkavigham."

11 ✝ 6:11 Aghuzir Akaba 10:4; 13:4; 20:4 Nɨ kamaghɨn damutɨ, nɨn biziba ko dagheba zuamɨra gɨvaghtɨ, nɨ gumazir onganarazibagh amim mɨn otogham.

Mati okɨmakɨar gumazim nɨn biziba bar da okeme.