Ugiti 2

18 Ɗa Ka̱shile Vuzavaguɗu u danai, <<U gaꞋan vuma u yongo endeꞋen ni ba. Mi ta̱ a kuyaꞋanka yi ka̱ɓa̱nki ka singai.>>

19 N kayala ki iɗika kaꞋa Ka̱shile Vuzavaguɗu u yaꞋin nnama n kakamba koɓolo nu nnu n gaɗi dem. Ɗa u tuka̱i le a̱ ubuta̱ u vuma adama a na we ene ko nini ɗai u kuɗeke le, tsu na baci de dem u ɗekei manama ɗa ta na u kokpo kula ku ni. 20 Ɗa vuma va u neꞋi nnama nu nnu n gaɗi ra̱ka̱ ula.

Ama A̱da̱mu u ciya̱ punu ka̱ɓa̱nki ka na ka yaꞋin ni ba. 21 Ɗa Ka̱shile Vuzavaguɗu u zuwai vuma va alavu a na a̱ kuwa̱i ni. Ayin a na wi alavu, ɗa u talai ketele ka kakambu ka vali ka, ɗa u bonoi u palai ubuta̱ wa n inyama. 22 Ɗa Ka̱shile Vuzavaguɗu u yaꞋin vuka n ketele ka na u talai va, ɗa u bankai vuma va.

23 Ɗa vuma va vu danai,

<<Na va ɗaɗa ketele ka na kuta̱i wa̱ va̱,

n inyama i na yu uta̱i wa̱ va̱.

Kula ku ni ku ɗa <vuka>

adama a na ta punu a̱ uta̱ka̱i ni u vali.>> *2:23 Katagarda ku ugiti udani <<vuka>> n <<vali>> n kadanshi ka ka aza a Yahuda a ciga ta̱ kuyotsonoi i ta̱ adanshi ili i te i ɗa a̱ ubuta̱ u kuɗeke.

24 I ɗaɗa i zuwai ɗa vuma u kuka̱sukpa̱ a̱na̱ku a̱ ni n esheku, adama a na u ɓolongu ka̱ci ka̱ ni a̱ ubuta̱ u te n vuka vi ni, ka̱ta̱ o okpo ikyamba i te.