13 Saka Mwari akati kuna Noa, "Ndava kuzoisa magumo kuvanhu vose, nokuti nyika yazara nokurwisana nokuda kwavo. Zvirokwazvo ndiri kuzovaparadza vose pamwe chete nenyika. 14 Saka iwe zviitire areka yomuti womusipuresi; uite makamuri mukati mayo uye uiname nenamo mukati nokunze. 15 Uku ndiko kuvaka kwaunofanira kuiita: Areka inofanira kureba makubhiti mazana matatu*, upamhi hwayo huve makubhiti makumi mashanu* uye makubhiti makumi matatu* pakukwirira kwayo. 16 Uite windo uchipoteredza areka ugosiya kubhiti rimwe chete* kumusoro. Uise mukova parutivi rweareka uye uite muturikidzwa wapasi, wapakati nowapamusoro.