5 फेर*3:5 मत्ती 12:41 नीनवे के माणसां नै परमेसवर के वचन पै बिश्वास करया; अर उपवास का प्रचार करया अर अपणा पश्चाताप दिखाण खात्तर बड़े तै लेकै छोट्टे ताहीं सारया नै टाट ओढ़या।

6 फेर या खबर नीनवे के राजा के कान म्ह पोहची; अर उसनै सिंहासन पै तै उठकै, अपणा राजकीय ओढ़णा उतारकै पश्चाताप मै टाट ओढ़ लिया, अर राख पै बैठ ग्या। 7 राजा नै अपणे प्रधानां तै सलाह लेकै नीनवे म्ह इस हुकम का ढिंढोरा पिटवाया, "के माणस, के गां-बळध, के भेड़-बकरी, या और पशु, कोए कुछ भी ना खावैं; वे ना खावैं अर ना पाणी पीवैं। 8 माणस अर पशु दोन्‍नु टाट ओढ़ै, अर वे परमेसवर की दुहाई चिल्‍ला-चिल्‍लाकै दें; अर अपणे बुरे राह तै मुड़ै; अर उस उत्पात तै, जो वे करे करैं सैं, पश्चाताप करैं। 9 हो सकै सै, परमेसवर दया करै अर अपणी इच्छा बदल दे, अर उसका भड़क्या होया कोप शान्त हो जावै अर हम नाश होण तै बच जावां।"

10 जिब परमेसवर नै उनके काम्मां ताहीं देख्या, के वे बुरे राह तै मुड़ रहे सैं, फेर परमेसवर नै अपणी इच्छा बदल दी, अर उनकी जो हानि करण की ठाणी थी, उस ताहीं ना करया